ສະຫະພັນບັນດາສະມາຄົມມິດຕະພາບ

ການພົບປະເຈລະຈາ ລະຫວ່າງກອງບັນຊາການທະຫານ ແຂວງກວາງຈິ - ແຂວງສະຫວັນນະເຂດ

11:03 | 20/11/2019

ຍສໝ - ວັນທີ 19 ພະຈິກ ຢູ່ເມືອງດົງຮ່າ, ກອງບັນຊາການທະຫານ ຂອງສອງແຂວງກວາງຈິ - ສະຫວັນນະເຂດ (ລາວ) ໄດ້ຈັດກອງປະຊຸມປະຈຳປີຄັ້ງທີ 15.

ເຂົ້າຮ່ວມກອງປະຊຸມ, ຢູ່ຝ່າຍກອງບັນຊາການທະຫານແຂວງກວາງຈິ, ມີ ຫົວໜ້າກອງບັນຊາການແຂວງ ທ່ານພັນເອກ ຫງວຽນຫ່ວາຍເຟືອງ ເປັນຫົວໜ້າຄະນະ; ຝ່າຍກອງບັນຊາການທະຫານແຂວງສະຫວັນນະເຂດ, ມີກຳມະການກົມການເມືອງ ກອງບັນຊາການແຂວງ ທ່ານພົນຈັດຕະວາ ຈະເລີນ ວົງວິໄລ ເປັນຫົວໜ້າຄະນະ.

ໃນບັນຍາກາດແຫ່ງມິດຕະພາບພິເສດ, ສອງຝ່າຍໄດ້ຕີລາຄາສູງ ໝາກຜົນຂອງການປະສານ ວຽກງານການຕ່າງປະເທດດ້ານການທະຫານ ໃນປີ 2019. ໂດຍສະເພາະ ແມ່ນ ໄດ້ຮັບການແຈ້ງໃຫ້ຊາບຢ່າງທັນການ ທີ່ກ່ຽວກັບສະພາບການ ແລະ ປະສານສົມທົບ ເພື່ອແກ້ໄຂບັນດາບັນຫາ ເກີດຂື້ນໃນເສັ້ນຊາຍແດນ ໄດ້ເປັນຢ່າງດີ, ປະກອບສ່ວນເຂົ້າໃນການຮັກສາຄວາມໝັ້ນຄົງດ້ານການເມືອງ, ຄວາມເປັນລະບຽບຮຽບຮ້ອຍ ແລະ ຄວາມປອດໄພໃນເຂດ; ປະສານສົມທົບການສຳຫຼວດ, ຄົ້ນຫາ, ເກັບໂຮມ ແລະ ສົ່ງກັບຄືນ 26 ສົບຂອງຜູ້ທີ່ ເປັນອາສາສະໝັກ ແລະ ຊ່ຽວຊານຫວຽດນາມເຊິ່ງເສຍສະຫຼະຊີວິດຢູ່ແຂວງສະຫວັນນະເຂດ; ຊີ້ນຳບັນດາເມືອງແຮກສ່ຽວ (ເຫີ່ອງຫວາ - ເຊໂປ) ໄດ້ເຄື່ອນໄຫວວຽກງານ ແລະ ສະກັດກັ້ນການເຄື່ອນໄຫວຕ້ານ ແລະ ທຳລາຍ ຂອງກຳລັງສັດຕູ ແລະ ອາດຊະຍາກຳ ຢ່າງມີປະສິດທິຜົນ...

ການພົບປະເຈລະຈາ ລະຫວ່າງກອງບັນຊາການທະຫານ ແຂວງກວາງຈິ - ແຂວງສະຫວັນນະເຂດ

ກອງບັນຊາການທະຫານ ສອງຝ່າຍ ໄດ້ເຊັນຂໍ້ຕົກລົງວ່າດ້ວຍ ການຈັດຕັ້ງປະຕິບັດບັນດາກິດຈະກຳປະສານງານການເຄື່ອນໄຫວ ປີ 2020. (ພາບ: baoquangtri.vn)

ທີ່ກອງປະຊຸມ, ກອງບັນຊາການທະຫານ ຂອງແຂວງກວາງຈິ - ກອງບັນຊາການທະຫານ ສະຫວັນນະເຂດ ໄດ້ປຶກສາຫາລື ແລະ ຕົກລົງ ເຊັນຂໍ້ຕົກລົງວ່າດ້ວຍ ການຈັດຕັ້ງປະຕິບັດບັນດາກິດຈະກຳປະສານງານການເຄື່ອນໄຫວ ປີ 2020 ໃນຂົງເຂດປ້ອງກັນຊາດ - ປ້ອງກັນຄວາມສະຫງົບ ຕິດພັນກັບການພັດທະນາ ເສດຖະກິດ - ສັງຄົມ; ກຳແໜ້ນສະພາບການເປັນປະຈຳ, ປະສານສົມທົບການລາດຕະເວນ, ຄວບຄຸມ ແລະ ຄຸ້ມຄອງລະບົບປັກຫຼັກໝາຍຊາຍແດນ ແລະ ເສັ້ນຊາຍແດນແຫ່ງຊາດລະຫວ່າງສອງແຂວງ; ແຈ້ງຂ່າວໃຫ້ຊາບເຊິ່ງກັນ ແລະ ກັນ ກ່ຽວກັບບັນຫາຄວາມໝັ້ນຄົງດ້ານການເມືອງ, ຄວາມເປັນລະບຽບຮຽບຮ້ອຍໃນສັງຄົມ, ສ້າງເສັ້ນຊາຍແດນແຫ່ງສັນຕິພາບ, ມິດຕະພາບ, ຮ່ວມມື ແລະ ພັດທະນາ.

ພ້ອມກັນນັ້ນ, ກອງບັນຊາການທະຫານ ແຂວງກວາງຈິ ສືບຕໍ່ສົ່ງພະນັກງານໄປຝຶກອົບຮົມ ໃຫ້ພະນັກງານພະແນກການທະຫານແຂວງສະຫວັນນະເຂດ ກ່ຽວກັບວຽກງານພັກ, ວຽກງານການເມືອງ, ວຽກງານເຕັກນິກ ແລະ ການເຝິກແອບຮ່າງກາຍທະຫານ ແລະ ແລກປ່ຽນກິລາ.

(ຄຳຮຸ່ງ)

ທ່ານອາດຈະມັກ

ຮູບພາບ