ການຄົ້ນຄວ້ານະໂຍບາຍ ແລະ ໃຫ້ຄຳປຶກສາ ກ່ຽວກັບການພັດທະນາກະສິກໍາ ແລະ ຊົນນະບົດ ສໍາລັບ ແມ່ນໍ້າຂອງເຂດນ້ອຍ

17:42 | 17/07/2019

ຍສໝ - ໃນຕອນເຊົ້າຂອງວັນທີ 16 ເດືອນກໍລະກົດ, ກະຊວງກະສິກໍາ ແລະ ການພັດທະນາຊົນນະບົດໄດ້ປະສານສົມທົບກັບກອງທຶນພັດທະນາກະສິກໍາສາກົນ (IFAD) ເພື່ອຈັດຕັ້ງກອງປະຊຸມສໍາມະນາກ່ຽວກັບໂຄງການ "ເຄືອຂ່າຍການຄົ້ນຄວ້ານະໂຍບາຍ ແລະ ໃຫ້ຄຳປຶກສາ ກ່ຽວກັບການພັດທະນາກະສິກໍາ ແລະ ຊົນນະບົດ ສໍາລັບ ແມ່ນໍ້າຂອງເຂດນ້ອຍ (NARDT).

ການຄົ້ນຄວ້ານະໂຍບາຍ ແລະ ໃຫ້ຄຳປຶກສາ ກ່ຽວກັບການພັດທະນາກະສິກໍາ ແລະ ຊົນນະບົດ ສໍາລັບ ແມ່ນໍ້າຂອງເຂດນ້ອຍ

ພິທີເຊັນສັນຍາຮ່ວມມືເພື່ອປະຕິບັດໂຄງການ. (ພາບ: TTXVN)

ທ່ານຮອງລັດຖະມົນຕີກະຊວງກະສິກໍາ ແລະ ພັດທະນາຊົນນະບົດ ຝຸ່ງ ດຶກ ຕ໋ຽນ ກ່າວວ່າໃນອາຊຽນ, ຂະແຫນງການກະສິກໍາຂອງ ຫວຽດນາມ, ມຽນມາ, ລາວ ແລະ ກໍາປູເຈຍ ຍັງມີບົດບາດສໍາຄັນໃນການພັດທະນາເສດຖະກິດ ແລະ ຄວາມຫມັ້ນຄົງດ້ານສັງຄົມ. ທ່ານຮອງລັດຖະມົນຕີ ຝຸ່ງ ດຶກ ຕ໋ຽນ ຫວັງວ່າ ໂດຍຜ່ານໂຄງການນີ້, ຫວຽດນາມຄາດຫວັງວ່າບັນດາປະເທດຈະເພີ່ມທະວີການຮ່ວມມືໃນການແລກປ່ຽນປະສົບການທີ່ດີ ສໍາລັບການພັດທະນາກະສິກໍາ ແລະ ພັດທະນາຊົນນະບົດ ລະຫວ່າງບັນດາປະເທດແມ່ນໍ້າຂອງເຂດນ້ອຍ ຕາມການຮັບຮອງເອົາເຄືອຂ່າຍທີ່ປຶກສາດ້ານນະໂຍບາຍຢ່າງກວ້າງຂວາງ ຈາກບັນດາອົງການລັດຖະບານ, ອົງການຈັດຕັ້ງທີ່ບໍ່ຂຶ້ນກັບລັດຖະບານ ແລະ ພາກເອກະຊົນໃນກໍາປູເຈຍ, ລາວ, ມຽນມາ ແລະ ຫວຽດນາມ.

ທ່ານຮອງນາຍົກລັດຖະມົນຕີ ຝຸ່ງ ດຶກ ຕ໋ຽນ ກ່າວວ່າ ໂຄງການນີ້ຈະຍົກສູງປະສິດທິຜົນຂອງ ນະໂຍບາຍບັນດາປະເທດໃນເຂດນ້ອຍແມ່ນໍ້າຂອງ, ກະສິກໍາ ແລະ ການພັດທະນາຊົນນະບົດ, ພ້ອມກັນນັ້ນ ເພີ່ມທະວີການຮ່ວມມືເພື່ອສົ່ງເສີມການຄ້າ ແລະ ການລົງທຶນພັດທະນາ, ທີ່ມີຄວາມຮັບຜິດຊອບ ໃນບັນດາປະເທດທາງດ້ານກະສິກໍາ ແລະ ການພັດທະນາຊົນນະບົດ.

(ຄຳຮຸ່ງ)

ທ່ານອາດຈະມັກ

ເຫດການ