 |
ທ່ານເອກອັກຄະລັດຖະທູດຜູ້ມີອຳນາດເຕັມ ຫງວ໋ຽນ ບ໋າ ຮຸ່ງ , ຕ່າງໜ້າພໍ່ແມ່ພີ່ນ້ອງຊາວຫວຽດກຽວ ແລະ ນັກທຸລະກິດຫວຽດນາມ ທີ່ລົງທືນຢູ່ ລາວ.
ທ່ານ ຫງວ໋ຽນ ຢຸຍ ເລືອງ, ປະທານສະມາຄົມຄົນຫວຽດນາມແຂວງສະຫວັນນະເຂດໄດ້ລາຍງານໃຫ້ ທ່ານເອກອັກຄະລັດຖະທູດຜູ້ມີອຳນາດເຕັມ ຫງວ໋ຽນ ບ໋າ ຮຸ່ງ ກ່ຽວກັບສະພາບທຳມາຫາກິນ, ການດໍາລົງຊີວິດ ຂອງຊາວຫວຽດນາມ ຢູ່ ປະເທດລາວ; ຢືນຢັນວ່າພໍ່ແມ່ພຕ່ນ້ອງຊາວຫວຽດກຽວ ຍາມໃດກໍ່ມີຄວາມສາມັກຄີ, ສະຫນັບສະຫນູນເຊິ່ງກັນແລະກັນໃນການດຳເນີນຊີວິດ, ໂດຍສະເພາະແມ່ນການປົກປັກຮັກສາພາສາ ຫວຽດນາມໃນຊີວິດປະຈໍາວັນຂອງຊຸມຊົນຊາວຫວຽດນາມ. ທ່ານ ຫງວ໋ຽນ ຢຸຍ ເລືອງ ໄດ້ນຳສະເຫນີວ່າ ມີຄວາມມຸ້ງມາດປາດຖະໜາຄວາມຊ່ວຍເຫຼືອໃນການຊື້ອຸປະກອນຮັບໃຊ້ວຽກງານ ການສຶກສາ ແລະ ການສິດສອນພາສາຫວຽດນາມ.
ທ່ານ ຟ້າມ ວັນ ຮ່າ, ອໍານວຍການທະນາຄານຮ່ວມທືນຫວຽດນາມ LaoVietBank ສາຂາແຂວງສະຫວັນນະເຂດ ໄດ້ຕ່າງໜ້ານັກທຸລະກິດຢູ່ສະຫວັນນະເຂດ ສະເຫນີໃຫ້ອໍານາດການປົກຄອງແຕ່ລະຂັ້ນຂອງຫວຽດນາມ ນຳສະເຫນີຂື້ນເຖິງລັດຖະບານລາວ ວາງນະໂຍບາຍດ້ານການເງິນໃຫ້ສອດຄ່ອງຕື່ມອີກ ເພື່ອການຕັດອັດຕາດອກເບ້ຍໃນຕະຫລາດການເງິນເທື່ອລະກ້າວ, ພ້ອມກັນນັ້ນກໍ່ໃຫ້ມີວິທີຄຸ້ມຄອງຢ່າງໃກ້ຊິດ ຕະຫຼາດມຶດ ສ້າງສະພາບແວດລ້ອມທີ່ມີການແຂ່ງຂັນແບບໂປ່ງໃສຊ່ວຍໃຫ້ທະນາຄານ ພັດທະນາ.
ໃນການໂອ້ລົມກັບພໍ່ແມ່ພີ່ນ້ອງຊາວຫວຽດກ່ຽວ ແລະ ຕ່າງໜ້ານັກທຸລະກິດຫວຽດນາມ ທ່ານ ຫງວ໋ຽນ ບ໋າ ຮຸ່ງ ໄດ້ລາຍງານໂດຍຫຍໍ້ກ່ຽວກັບສະພາບການການເມືອງ, ເສດຖະກິດ, ສັງຄົມຂອງປະເທດ; ໃຫ້ຮູ້ວ່າເສດຖະກິດຫວຽດນາມປະຈຸບັນກໍາລັງພັດທະນາຢ່າງຫມັ້ນຄົງ, ໄດ້ຮັບການເຊື່ອໝັ້ນ ແລະ ບົດບາດໜ້າທີ່ຂອງຫວຽດນາມໃນພາກພື້ນ ແລະ ໃນໂລກ. ທ່ານເອກອັກຄະລັດຖະທູດ ຫງວ໋ຽນ ບ໋າ ຮຸ່ງ ຍັງໃຫ້ຮູ້ວ່າ ຫວຽດນາມຫາກໍ່ໄດ້ຮັບການເລືອກຕັ້ງເປັນ ກຳມະການບໍ່ປະຈຳສະພາຄວາມໝັ້ນຄົງ ສະຫະປະຊາຊາດ ດ້ວຍຄະແນນສຽງສູງສຸດ ອັນນີ້ ເປັນສິ່ງຢືນຢັນເຖິງ ແນວທາງອັນ ຖືກຕ້ອງໃນການພັດທະນາປະເທດ, ໃນນັ້ນມີການເຄື່ອນໄຫວການຕ່າງປະເທດ.
ທ່ານເອກອັກຄະລັດຖະທູດຫວຽດນາມຢືນຢັນວ່າ: ຈະລາຍງານ ແລະ ເສນາທິການໃຫ້ແກ່ບັນດາພະແນກການ, ຂະແໜງການຕ່າງໆຂອງຫວຽດນາມໃນການສືບຕໍ່ ຊ່ວຍເຫຼືອ, ຕອບສະໜອງຄຳສະເໜີກໍ່ຄືຄວາມຮຽກຮ້ອງຕ້ອງການ ບັນດາຜູ້ແທນທີ່ເຂົ້າຮ່ວມໃນກອງປະຊຸມພົບປະຄັ້ງນີ້.
ເວົ້າເຖິງສາຍພົວພັນ ລະຫວ່າງ ຫວຽດນາມ-ລາວ, ທ່ານເອກອັກຄະລັດຖະທູດຜູ້ມີອຳນາດເຕັມຫວຽດນາມ ຫງວ໋ຽນ ບ໋າ ຮຸ່ງ ກ່າວວ່າ: ປະຈຸບັນສາຍສໍາພັນ ລະຫວ່າງສອງປະເທດ ແມ່ນການພົວພັນມິດຕະພາບອັນຍິ່ງໃຫຍ່, ຄວາມສາມັກຄີພິເສດ ແລະ ການຮ່ວມມືຮອບດ້ານ. ສາຍພົວພັນນີ້ນັບມື້ນັບແທດຈິງ ແລະ ມີປະສິດທິຜົນ, ແລະນີ້ແມ່ນສາຍສໍາພັນ ຊ່ວຍເຫຼືອເຊິ່ງກັນແລະກັນພັດທະນາຢ່າງໜັ້ນຄົງ. ທ່ານເອກອັກຄະລັດຖະທູດຜູ້ມີອຳນາດເຕັມຫວຽດນາມ ປະຈໍາລາວ ໄດ້ແຈ້ງໃຫ້ຮູ້ກ່ຽວກັບ ບັນດາໂຄງການໃຫຍ່ໆ ທີ່ນັກທຸລະກິດຫວຽດນາມ ກຳລັງຊອກຫາຕະຫຼາດເພື່ອລົງທຶນ ຢູ່ ສປປ ລາວ ເພື່ອໃຫ້ພໍ່ແມ່ປະຊາຊົນສາມາດກຳໄດ້ຂໍ້ມູນ.
ປະຈຸບັນ ແຂວງສະຫວັນນະເຂດ ມີຄົນຫວຽດກ່ຽວ ຫຼາຍກວ່າ 4.000 ຄົນ ທີ່ກຳລັງທຳມາຫາກິນ ແລະ ດຳລົງຊີວິດຢູ່ທີ່ນີ້, ໃນນັ້ນມີຫຼາຍກວ່າ 70% ໄດ້ຮັບສັນຊາດລາວ. ປະຊາຊົນຊາວຫວຽດກ່ຽວ ຢູ່ ທີ່ນີ້ຍາມໃດກໍ່ເມີສ່ວນຮ່ວມໃນການປຸກລະດົມຂອງທ້ອງຖິ່ນ, ສູນກາງ ແນວໂຮມຊາດຫວຽດນາມ ກ່ຽວກັບ ການເຕົ້າໂຮມການຊ່ວຍເຫຼືອ ໂຄງການມະນຸດສະທຳ, ຊ່ວຍເຫຼືອພໍ່ແມ່ປະຊາຊົນທີ່ປະສົບກັບໄພທຳມະຊາດ, ອົກທົກກະໄພ... ພົ້ນເດັ່ນແມ່ນ ສະມາຄົມ ໄດ້ທ້ອນໂຮມພໍ່ແມ່ພີ່ນ້ອງຊາວຫວຽດກ່ຽວ ຊ່ວຍກໍ່ສ້າງເຮືອນເອື້ອອາທອນ ໃຫ້ປະຊາຊົນຜູ້ທຸກຍາກຢູ່ແຂວງ ຮ່າຕິ໋ງ, ກ້ວາງບິ່ງ, ກ້ວາງຈິ, ເທື່ອທຽນເຫວ້ ແລະ ດ່າໜັງ.
（ຫັດທະບູນ）
