ໃນໂອກາດນີ້, ທ່ານ ເຈີ່ນ ກົງ ຖິ້ງ ໄດ້ກ່າວສະແດງຄວາມ ຂອບໃຈຕໍ່ການນໍາຂັ້ນຕ່າງໆ ຂອງແຂວງຕະຫຼອດເຖິງປະ ຊາຊົນແຂວງສະຫວັນນະເຂດ ທີ່ໄດ້ໃຫ້ການສະໜັບສະໜູນ ແລະ ຊ່ວຍເຫຼືອໃນການເຄື່ອນ ໄຫວວຽກງານໃນໄລຍະຜ່ານ ມາໄດ້ຮັບຜົນສໍາເລັດເປັນ ກ້າວໆ ພ້ອມນັ້ນທ່ານຍັງໄດ້ສະ ແດງຄວາມເປັນຫ່ວງເປັນໃຍຕໍ່ ແຂວງສະຫວັນນະເຂດເນື່ອງ ຈາກປີທີ່ຜ່ານມາໄດ້ເກີດໄພພິ ບັດນໍ້າຖ້ວມແຕ່ດ້ວຍການນໍາ ພາຂອງການນໍາພັກ-ລັດຕະ ຫຼອດຮອດພໍ່ແມ່ປະຊາຊົນບັນ ດາເຜົ່າຮ່ວມແຮງສາມັກຄີກັນ ຈຶ່ງສາມາດຜ່ານຜ່າວິກິດ ການມາໄດ້. ທ່ານຍັງໄດ້ກ່າວ ຕື່ມອີກວ່າ: ຕະຫຼອດໄລຍະ 3 ປີ 2 ເດືອນທີ່ໄດ້ມາປະຈໍາການ ປະຕິບັດໜ້າທີ່ນີ້ຖ້າກ່າວເຖິງ ແຂວງສະຫວັນນະເຂດຄົນ ຫວຽດນາມມັກຈະນຶກເຖິງ 3 ຢ່າງກ່ອນສະເໝີຄື: ແຂວງສະ ຫວັນນະເຂດເປັນ ບ້ານເກີດ ເມືອງນອນຂອງວິລະບູລຸດແຫ່ງຊາດລາວກໍ່ຄືປະທານ ໄກສອນ ພົມວິຫານ, ເປັນບ້ານ ເກີດເມືອງນອນຂອງປະທານ ປະເທດຄົນປະຈຸບັນທ່ານ ບຸນ ຍັງ ວໍລະຈິດ ແລະແຂວງສະ ຫວັນກໍ່ຖືໄດ້ວ່າເປັນສະໜາມ ສູ້ຮົບທີ່ດຸເດືອດແຫ່ງໜຶ່ງໃນ ການຕໍ່ສູ້ປົດປ່ອຍຊາດ. ຈາກ ນັ້ນ, ທ່ານ ເຈີ່ນ ກົງຖິ່ງ ກໍ່ໄດ້ຖື ໂອກາດດັ່ງກ່າວສະແດງຄວາມ ຂອບໃຈ ແລະອໍາລາຕໍ່ທ່ານ ຮອງເຈົ້າແຂວງສະຫວັນນະ ເຂດ, ພະແນກການອ້ອມຂ້າງ ແຂວງ ແລະພາກສ່ວນທີ່ກ່ຽວ ຂ້ອງທີ່ເຄີຍໄດ້ເຮັດວຽກຮ່ວມ ກັນ ເພື່ອຈະເຂົ້າຮັບບໍານານ ອີກໃນບໍ່ດົນນີ້.
 |
ທ່ານ ເຈີ່ນ ກົງ ຖິ້ງ ແລະ ທ່ານ ຄໍາພູນ ຕຸໄພທູນ ຖ່າຍຮູບເປັນຂອງທີ່ລະນຶກ
ໃນໂອກາດສຸດທ້າຍ, ທ່ານ ຮອງເຈົ້າແຂວງສະຫວັນນະ ເຂດ ກໍ່ໄດ້ກ່າວສະແດງຄວາມ ຂອບໃຈຕໍ່ການຊ່ວຍເຫຼືອຂອງ ທ່ານກົງສູນໃຫຍ່ແຫ່ງ ສສ ຫວຽດນາມປະຈໍາແຂວງສະ ຫວັນນະເຂດ ທີ່ໄດ້ໃຫ້ຄວາມ ຊ່ວຍເຫຼືອແຂວງສະຫວັນນະ ເຂດຕະຫຼອດມາ ເປັນຕົ້ນແມ່ນ ການສ້າງສາຍພົວພັນທຸກລະດັບ ແມ່ນມີຄວາມໝາຍຄວາມ ສໍາຄັນໃນການເສີມສ້າງປະ ເທດຊາດ, ເປັນຂົວເຊື່ອມຕໍ່ໃນ ການພັດທະນາເສດຖະກິດ-ສັງຄົມໃຫ້ພັດທະນາຍິ່ງໆຂຶ້ນ ໄປ. ພິເສດໃນການອໍາລາເພື່ອ ເຂົ້າຮັບບໍານານຂອງທ່ານ ເຈີ່ນ ກົງຖິ່ງ ທ່ານຮອງເຈົ້າແຂວງກໍ່ໄດ້ກ່າວຄໍາອວຍພອນ ແລະ ຂອບໃຈໃນການເຮັດວຽກ ຮ່ວມກັນຕະຫຼອດມາ ແລະ ຫວັງຢ່າງຍິ່ງວ່າຄວາມສໍາພັນອັນດີງາມຂອງສອງແຂວງຈະສືບຕໍ່ຮ່ວມມືກັນໄປເລື້ອຍໆ.
（ແຫຼ່ງຂໍ້ມູນ： Savanhphuttana News）
