 |
ກອງປະຊຸມລາຍງານແຜນການສັງລວມໃນການຈັດຕັ້ງປະຕິບັດແຜນແມ່ບົດເຂດເສດຖະກິດ-ການຄ້າຂ້າມແດນ ລາວບາວ - ແດນສະຫວັນ
ການກໍ່ສ້າງເຂດເສດຖະກິດ - ການຄ້າຂ້າມຊາຍແດນແມ່ນນະໂຍບາຍທົ່ວໄປຂອງພັກ ແລະ ລັດ ສສ ຫວຽດນາມ ເພື່ອພັດທະນາເຂດດ່ານຊາຍແດນ. ມາຮອດປະຈຸບັນ, ມີບາງແຂວງ ແລະ ນະຄອນ ຂອງສອງປະເທດທີ່ມີຊາຍແດນຕິດຈອດກັນໄດ້ຈັດຕັ້ງປະຕິບັດໃນການກໍ່ສ້າງບັນດາເຂດການຮ່ວມມືເສດຖະກິດຂ້າມຊາຍແດນ.
ທີ່ແຂວງກວາງຈີ້, ໄດ້ປະຕິບັດຕາມການຊີ້ນໍາຂອງຄະນະກໍາມະການປະຊາຊົນແຂວງ, ຄະນະຄຸ້ມຄອງເຂດເສດຖະກິດຂອງແຂວງກໍ່ໄດ້ມີການສຶກສາ ແລະ ການສ້າງແຜນແມ່ບົດສັງລວມເພື່ອຈັດຕັ້ງປະຕິບັດໃນການກໍ່ສ້າງເຂດເສດຖະກິດ - ການຄ້າຂ້າມຊາຍແດນລາວບາວ - ແດ່ນສະຫວັນ.
ໃນນັ້ນ, ສິ່ງທີ່ສໍາຄັນທີ່ສຸດແມ່ນຕ້ອງມີການຕົກລົງເປັນເຫັນດີ, ການເຊັນສັນຍາຮ່ວມກັນລະຫວ່າງຫວຽດນາມ ແລະ ລາວ ເພື່ອເລັ່ງການຈັດຕັ້ງປະຕິບັດແຜນແມ່ບົດ; ປະສານສົມທົບກັບລາວໃນການປະຕິບັດສົນທິສັນຍາສາກົນກ່ຽວກັບການກໍ່ສ້າງເຂດເສດຖະກິດຂ້າມຊາຍແດນລະຫວ່າງສອງປະເທດ. ເວລາຜ່ານມາ, ຄະນະກໍາມະການປະຊາຊົນແຂວງກວາງຈີ້ກໍ່ໄດ້ສົ່ງເອກະສານໄປຍັງການນໍາແຂວງ ສະຫວັນນະເຂດ, ຄະນະກໍາມະການຊາຍແດນຂອງສອງປະເທດເພື່ອການປະສານງານໃນການຈັດຕັ້ງປະຕິບັດແຜນແມ່ບົດ ...
ປະທານຄະນະກໍາມະການປະຊາຊົນແຂວງກວາງຈີ້ກໍ່ໄດ້ຊີ້ນໍາບັນດາອົງການກ່ຽວຂ້ອງຕ້ອງປະຕິບັດສໍາເລັດຜົນບັນດາໜ້າທີ່ວຽກງານທີ່ໄດ້ໝອບໝາຍຄືການສຸມໃສ່ປຶກສາຫາລືກ່ຽວກັບຂັ້ນຕອນກົດລະບຽບ, ຄວາມຈໍາເປັນຂອງການກໍ່ສ້າງຂອງແຜນແມ່ບົດ... ແຜນແມ່ບົດສັງລວມເພື່ອຈັດຕັ້ງປະຕິບັດໃນການກໍ່ສ້າງເຂດເສດຖະກິດ - ການຄ້າຂ້າມແດນລາວບາວ - ແດ່ນສະຫວັນຕ້ອງໄດ້ຈັດຕັ້ງປະຕິບັດ ແລະ ສໍາເລັດການກໍ່ສ້າງໃນເດືອນ ເມສາ 2019 ນີ້.
（ໄຊພອນ）
