 |
ບັນຍາກາດກອງປະຊຸມ.
ໂດຍການເປັນປະທານຂອງ ທ່ານ ຄຳເຜີຍ ປານມາໄລທອງ ຫົວໜ້າ ສະຖາບັນຄົ້ນຄວ້າ ນິຕິກຳສະພາແຫ່ງຊາດ, ທ່ານ ນາງ ຫງວຽນ ທິ ກວຽດ ເຕີມ ຮອງເລຂາຄະນະພັກນະ ຄອນ, ປະທານສະພາປະຊາຊົນ ນະຄອນໂຮ່ຈິມິງ.
ກອງປະຊຸມຄັ້ງນີ້, ທ່ານ ນາງ ຫງວຽນ ທິ ກວຽດ ເຕີມ ໄດ້ສະເໜີບົດຮຽນ ຂອງສະພາປະຊາ ຊົນນະຄອນໂຮ່ຈິມິງ ໃນບັນດາຫົວຂໍ້ຕ່າງໆ ເຊັ່ນ: ປະສົບການໃນການຄົ້ນຄວ້າ ແລະ ພິຈາລະນາຮັບ ຮອງເອົາ ແຜນງົບປະມານຂອງທ້ອງຖິ່ນ, ປະສົບການໃນການນໍາໃຊ້ ຜົນຂອງການກວດສອບແຫ່ງລັດ ຂອງສະພາ ປະຊາຊົນນະຄອນໂຮ່ຈິມິງ, ປະສົບການໃນການຄົ້ນຄວ້າ ແລະ ຮັບຮອງເອົາຕົວເລກ GDP, ປະສົບການໃນການພິຈະລະນາ ຄົ້ນຄວ້າ ແລະ ຮັບຮອງເອົາແຜນພັດທະນາ ເສດຖະກິດ-ສັງ ຄົມ ຂອງນະຄອນໂຮ່ຈິມິງ.
ໃນໂອກາດນີ້, ທ່ານ ຄຳເຜີຍ ປານມາໄລທອງ ກໍໄດ້ສະແດງຄວາມຂອບໃຈ ຕໍ່ ທ່ານ ນາງ ຫງວຽນ ທິ ກວຽດ ເຕີມ ທີ່ໄດ້ນຳເອົາບົດຮຽນ ຂອງສະພານະຄອນໂຮ່ຈິມິງ ມາເຜີຍແຜ່ໃນຄັ້ງນີ້, ເຊິ່ງເປັນການສືບຕໍ່ ເສີມຂະຫຍາຍການພົວພັນການ ຮ່ວມມື ລະຫ່ວາງ ສອງສະພາແຫ່ງຊາດ ລາວ-ຫວຽດນາມ ໃຫ້ໄດ້ຮັບການພັດທະນາ ແລະ ສືບຕໍ່ໃນການຊ່ວຍເຫລືອເຊິ່ງກັນ ແລະ ກັນຕະຫລອດໄປ. ທ່ານ ຄຳເຜີຍ ປານມາໄລທອງ ໃຫ້ຮູ້ຕື່ມວ່າ: ສະພາປະຊາຊົນຂັ້ນແຂວງ ຂອງ ສປປ ລາວ ໄດ້ຮັບການສ້າງຕັ້ງຂຶ້ນ ໃນກາງປີ 2016 ແລະ ໄດ້ເອົາໃຈໃສ່ປະຕິບັດພາລະບົດບາດ, ສິດ ແລະ ໜ້າທີ່ ທີ່ໄດ້ກຳນົດໄວ້ ໃນລັດຖະທຳມະນູນ, ກົດໝາຍ, ເຊິ່ງມີຜົນງານ ແລະ ຜົນສຳເລັດຫລາຍໆດ້ານ.
（ຫັດທະບູນ）
