 |
ຖ້າເວົ້າເຖິງ ວັນນະຄະດີ ສະຫຍອງຂວັນຄົງຈະບໍ່ມີໃຜບໍ່ຮູ້ຈັກ ສະຕີເຟ້ນ ຄິງ, ລາຊາຂອງວັນນະຄະດີປະເພດນີ້. ມີຫຼາຍກວ່າ 350 ລ້ານ ປື້ມເລື່ອງທີ່ຂາຍໄປທົ່ວໂລກ ແລະ ກວດລາງວັນມາແລ້ວນັບບໍ່ຖ້ວນເຊັ່ນ: Medal of Arts, British Fantasy Society ... ສະຕີເຟ້ນ ຄິງ ເປັນເຈົ້າສຳລັບວັນນະຄະດີປະເພດສະຫຍອງຂວັນ ກໍ່ຄືປະເພດບົດປະພັນດັດແປງ.
ໃນໄລຍະຫ້າສິບປີຂອງການອຸທິດຕົນໃຫ້ວັນນະຄະດີຂອງໂລກ, ສະຕີເຟ້ນ ຄິງ ໄດ້ຮັບ 3 ລາງວັນ ຜົນສໍາເລັດຊົ່ວຊີວິດເຊັ່ນ: ທ່ານປະທານາທິບໍດີ ບາລັກ ໂອບາມ້າ ໄດ້ມອບຫຼຽນໄຊແຫ່ງຊາດ ທີ່ອຸທິດໃຫ້ສິນລະປະ ໃນປີ 2015.
ບັນດາຜົນງານ ຂອງ ຄິງ ບໍ່ພຽງແຕ່ເຮັດໃຫ້ຜູ້ອ່ານມີຄວາມຢ້ານກົວເທົ່ານັ້ນ, ແຕ່ສ້າງເປັນພື້ນຖານຂອງວັນນະຄະດີສະຫຍອງຂວັນ ໃຫ້ທົ່ວໂລກ. ລາວເປັນນັກຂຽນພຽງຜູ່ດຽວ ທີ່ມີບົດປະພັນຫຼາຍກວ່າ 30 ຫົວ, ເຄີຍຢືນເປັນທີ່ໜື່ງ ບັນຊີລາຍຊື່ປື້ມທີ່ຂາຍດີທີ່ສຸດໃນໂລກ ແລະຍັງເປັນຜູ່ທີ່ໃຫ້ຄຳນິຍາມຂອງ 3 ອາລົມທີ່ແນ່ນອນໃນຂະແໜງ ສະຫຍອງຂວັນ ຄື: ສະຫຍົດສະຫຍອງ, ໜ້າຢ້ານ,ເປັນຕາໜ້າລັງກຽດ.
ນິຍາມຂອງຜູ້ຂຽນອາດສາມາດຄວບຄຸມແນວຄິດຂອງຜູ້ອ່ານ ສ້າງຄວາມຮູ້ສຶກຢ້ານກົວ, ບັນດາບົດປະພັນຂອງລາວລ້ວນແລ້ວແຕ່ດຶງດູດຜູ່ອ່ານ. ຊ້ຳໄປກ່ວານັ້ນບົດປະພັນເອົາມາເຮັດເປັນຮູບເງົາ ຂອງ ສະຕີເຟ້ນ ຄິງ ພັດແຫ່ງຫຼາຍຄົວບົດປະພັນສັ້ນທີ່ລາວຂຽນ.
 |
 |
ໃນປີ 2017, ຫຼາຍໆຮູບເງົາ ສະຫຍອງຂວັນ ໄດ້ເອົາມາຈາກບົດປະພັນສັ້ນຂອງ ສະຕີເຟ້ນ ຄື: IT, The Dark Tower ຫຼື The Mist.
ຍ້ອນສາຍເຫດໃດທີ່ເຮັດໃຫ້ຜູ້ຊາຍຄື ສະຕີເຟ້ນ ຄິງ ຂະຫຍາຍໄດ້ຄວາມຢ້ານກົວໃຕ້ກົ້ນບື້ງຂອງຜູ່ຄົນ, ຄວບຄຸມໃຈຂອງຜູ້ອ່ານເພື່ອເຮັດໃຫ້ເກີດມີຄວາມຮູ້ສຶກຢ້ານກົວຜ່ານຜົນງານປະພັນຂອງລາວໄດ້?
ສະຕີເຟ້ນ ຄິງ ເກີດໃນປີ 1947 ທີ່ເມືອງເມນ ສະຫະລັດອາເມລິກາ ແລະ ມີຊີວິດຊ່ວງເຍົາໄວທີ່ມີຄວາມທຸກຍາກລຳບາກເພາະພໍ່ລາວໄດ້ປະຄອບຄົວ ຕອນທີ່ລາວມີອາຍຸໄດ້ພຽງ 2 ປີ, ປະໃຫ້ຜູ່ເປັນເມຍ ລ້ຽງລູກສອງຄົນດ້ວຍຄວາມລຳບາກ.
ຈາກຜູ່ທີ່ຖືກຫຼອນດ້ວຍຮູບພາບ ມາເປັນນັກຂຽນທີ່ມີຊື່ສຽງ
ຍ້ອນແມ່ຂອງ ຄິງ ເປັນຄົນສາດສະໜາ ຄຼິດສະຕຽນ ດັ່ງນັ້ນຈິງເຮັດໃຫ້ ລາວລ້ຽງຢ່າງເຂັ້ມງວດ ເຊັ່ນດຽວກັນກັບຜົນງານທຳອິດ ຄື: Carrie ເລົ່າກ່ຽວກັບເດັກນ້ອຍທີ່ມີຊີວິດຢ່າງປິດກັ້ນຍ້ອນແມ່ນລາວເຄັ່ງສາດສະໜາ. ໃນເວລານີ້, ສະຕິເຟ້ນ ຄິງ ຖືກຊ໋ອກຢ່າງໃຫຍ່ເມື່ອເຫັນໝູ່ຖືກລົດໄຟຕຳ ເສຍຊີວິດຕໍ່ໜ້າຕໍ່ຕາຕອນທີ່ຍາງກັບບ້ານ. ທ້າວນ້ອຍ ຄິງ ກາຍເປັນຄົນເວົ້າໜ້ອຍ ບອກສອນຍາກ ແລະ ນີ້ແມ່ນໜື່ງໃນເງື່ອນໄຂທີ່ເຮັດໃຫ້ຜົນງານຂອງລາວຈິ່ງມີແຕ່ຄວາມມືດມົນ, ໂສກເສົ້າ.
ໃນໄວຮຽນ ຄິງ ໄດ້ຂຽນບົດປະພັນເປັນຈໍານວນຫລາຍ. ເຖິງຢ່າງໃດກໍ່ຕາມ, ເມື່ອຈົບການສຶກສາ, ລາວຍັງເປັນພຽງແຕ່ນັກຂຽນທີ່ບໍ່ມີຊື່ສຽງ, ຊ້ຳໄປກວ່ານັ້ນບໍ່ມີຮອດເງິນທີ່ຈະຈ່າຍຄ່າປັບໃໝຕອນເຮັດຜິດກົດຈາະລາຈອນ.
ໃນປີ 1971, ຄິງ ໄດ້ແຕ່ງງານກັບ ນາງ Tabitha Spruce ແລະໄດ້ເລີ່ມຕົ້ນອຸດົມການດ້ວຍການເຮັດວຽກເປັນຄູທີ່ ເມືອງ ແມນ ປະເທດ ສະຫະລັດອາເມລິກາ. ໃນລະຫວ່າງເວລານີ້ລາວຍັງຂຽນ ແຕ່ງບົດວັນນະກຳ ທີ່ດິ່ງລົງເຫວຍ້ອນຕິດເຫຼົ້າ. ໃນປີ 1973, ປື້ມ Carrie ຂອງລາວໄດ້ຖືກພິມເຜີຍແຜ່ໂດຍ Dublepay, ແລະ ຍ້ອນສິ່ງນີ້ຊ່ວຍໃຫ້ ຄິງ ມີລາຍໄດ້ 402,500ໂດລາສະຫາລັດ, ແຕ່ນັ້ນມາມັນໄດ້ຊຸກຍູ້ໃຫ້ລາວກ້າວເຂົ້າໄປຕາມເສັ້ນທາງສູ່ສິນລະປະ.
 |
 |
 |
 |
 |
ສິ່ງທີ່ຫນ້າສົນໃຈ, ບົດປະພັນ Carrie ໄດ້ຖືກຖີ້ມໃນຖັງ ມາຈົນຮອດເວລາທີ່ພັນລະຍາຂອງລາວ Tabith ໄດ້ພົບເຫັນ, ພ້ອມກັນນັ້ນເມຍລາວໄດ້ບອກໃຫ້ລາວຕ້ອງໄດ້ຂຽນບົດປະພັນນີ້ໃຫ້ສົມບູນ. ບາງທີໃນຊີວິດຂອງ ຄິງ ສິ່ງທີ່ເຮັດຖືກທີ່ສຸດກໍ່ຄື ການແຕ່ງງານກັບ Tabitha , ເພາະວ່າເມຍລາວເປັນຜູ້ທີ່ເອົາໃຈໃສ່ ຈັດການທຸກສິ່ງຢ່າງໃນຄອບຄົວເພື່ອໃຫ້ ຄິງ ປະພັນເລື່ອງ. ເມຍລາວຍັງບໍ່ເຫັນດີກັບ ຄິງ ທີ່ຈະຕ້ອງໄປຊອກວຽກທີ່ມີເງິນເດືອນສູງ ເພື່ອຈະມີເວລາໄລ່ຕາມສິນລະປະ.
ຫຼັງຈາກທີ່ Carrie ປະສົບຜົນສໍາເລັດ, ສະຕີເຟ້ນ ຄິງ ຍັງສືບຕໍ່ເກັບກ່ຽວໄດ້ຄວາມມີຊື່ສຽງ ຈາກບັນດາບົດປະພັນທີ່ຂາຍດີ. ມາຮອດປີ 1980, ລາວໄດ້ກາຍເປັນນັກປະພັນ ທີ່ມີຊື່ສຽງໂດຍໄດ້ຮັບລາງວັນເປັນຈໍານວນຫຼວງຫລາຍແລະຜົນກໍາໄລຈາກການຈັດພິມບົດປະພັນ.
ບໍ່ພຽງແຕ່ເທົ່ານັ້ນ, ລາວໄດ້ຖືກເຊື້ອເຊີນໃຫ້ມີສ່ວນຮ່ວມໃນການສ້າງ, ຂຽນບົດລະຄອນ ໃຫ້ຫຼາຍໆຜົນງານເພງ, ຮູບເງົາທີ່ກ່ຽວຂ້ອງກັບປັດໄຈສະຫຍອງ. ນັກຮ້ອງດັງ ໄມເຄິ້ນ ແຈັກສັນ (Michael Jackson) ຊ້ຳບໍ່ໜຳໄດ້ເຊື້ອເຊີນໃຫ້ລາວ ຮ່ວມມືໃນການສ້າງວີດີໂອເພງ "Ghost" ໃນປີ 1996.
ລາຄາຂອງຄວາມສໍາເລັດ ແລະ ນິຍາມກ່ຽວກັບ ພອນສະຫວັນ
ຢ່າງໃດກໍຕາມ, ຄວາມສໍາເລັດຂອງ ຄິງ ໄດ້ເຮັດໃຫ້ລາວໄດ້ຈົມຢຸ່ກັບສະຖານະການນຕິດເຫຼົ້າ ແລະ ຢາກະຕຸ້ນ ເພື່ອເປົ້າໝາຍຊອກແຮງບັນດານໃຈໃນການແຕ່ງ. ຊ້ຳບໍ່ໜຳ ລາວຍັງໄດ້ເວົ້າວ່າ : ລາວເອງບໍ່ໄດ້ຮັບຮູ້ວ່າລາວໄດ້ຂຽນສໍາເລັດ ເລື່ອງ Cujo ທີ່ໄດ້ຮັບລາງວັນ Britisch Fantasyໃນປີ 1982 ແນວໃດ ເພາະວ່ານໃນ ເວລານັ້ນລາວຍັງຢູ່ໃນສິ່ງທີ່ເອີ້ນວ່າອາການເມົາເຫຼ້າ ແລະ ສານຕ້ອງຫ້າຍ..
ຄອບຄົວຂອງ ຄິງ ໂດຍສະເພາະເມຍ Tabitha ໄດ້ຫ້າມປາມຢ່າງສຸດຂີດ ກ່ຽວກັບສານເສບຕິດ ຫຼາຍປີ ຈິ່ງເຮັດໃຫ້ສະຖານະການທີ່ໂຫດຮ້າຍຫຼຸດຜ່ອນລົງ. ຢ່າງໃດກໍຕາມ, ຄວາມຫຍຸ້ງຍາກກໍ່ຍັງເກີດຂື້ນກັບ ຄິງ ໃນປີ 1999 ໃນເວລາທີ່ລາວປະສົບອຸບັດຕິເຫດ ແລະ ບາດເຈັບສາຫັດ ສູນເສຍໄປເຄິ່ງໜື່ງຂອງຮ່າງກາຍເບື້ອງຂວາ. ບັນດາທ່ານໝໍໄດ້ວິນິໄສວ່າ ລາວຍາກທີ່ຈະນັ່ງບໍ່ໄດ້ ແລະ ອາດຈະຍ່າງບໍ່ໄດ້ເລີຍ.
ເຖິງວ່າຈະເປັນແນວນັ້ນ, ສະຕີເຟ້ນ ຄິງ ຍັງສືບຕໍ່ຂຽນຫນັງສື, ສອນ, ແລະ ເຂົ້າຮ່ວມ ກອງປະຊຸມສຳມະນາ ວັນນະຄະດີ ສໍາລັບລາວ ການຂຽນບົດປະພັນກໍ່ຄືການສູດລົມຫາຍໃຈເອົາອາກາດ. ລາວຕັ້ງເປົ້າໝາຍຂຽນ 2,000ຄຳ ທຸກໆມື້ ແລະ ຈະບໍ່ຢຸດຖ້າລາວບໍ່ສາມາດບັນລຸໄດ້ຜົນສຳເລັດ.
ທ່ານໄດ້ເວົ້າວ່າ: "ຈົ່ງອ່ານ ຫຼື ຂຽນ ມື້ໜື່ງ ປະມານ 4-6 ຊົ່ວໂມງ, ຖ້າທ່ານບໍ່ມີເວລາທີ່ຈະເຮັດມັນ, ຢ່າຫວັງວ່າຈະເປັນນັກຂຽນທີ່ເກັ່ງໄດ້."
ເມື່ອຖືກຖາມ ກ່ຽວກັບຄໍານິຍາມຂອງພອນສະຫວັນ, ແນວຄິຂອງລາວງ່າຍທີ່ສຸດ : "ຖ້າທ່ານຂຽນບາງສິ່ງບາງຢ່າງທີ່ເຮັດໃຫ້ຄົນຊື້ ແລະ ໃຊ້ເງິນທີ່ຫາໄດ້ມາຈ່າຍຄ່າໃບບິນຕ່າງໆ, ຂ້ອຍຈະຍອມຮັບ ວ່າທ່ານມີພອນສະຫວັນໃນການຂຽນ. "
（ຫັດທະບູນ）
