 |
ການນໍາພະແນກພົວພັນຕ່າງປະເທດແຂວງ, ກອງບັນຊາການທະຫານແຂວງ, ເມືອງອຽນບິ່ງ ແລະກອງບັນຊາການທະຫານເມືອງຕ້ອນຮັບຄະນະ. (ພາບ: ແທງນໍາ)
ທີ່ການເຮັດວຽກ ກັບ ກອງບັນຊາການທະຫານເມືອງອຽນບິ່ງ, ການນໍາ ເມືອງອຽນບິ່ງ ແລະ ກອງບັນຊາການທະຫານເມືອງ ໄດ້ລາຍງານໃຫ້ຄະນະຮັບຊາບກ່ຽວກັບສະພາບການເສດຖະກິດ, ວັດທະນະທໍາ, ສັງຄົມ, ການປ້ອງກັນຊາດ, ປ້ອງກັນຄວາມສະຫງົບ ແລະ ຄວາມສາມາດບົ່ມຊ້ອນ, ທ່າແຮງຂອງເມືອງ; ບັນດາຜົນສຳເລັດອັນພົ້ນເດັ່ນໃນການເປັນເສນາທິການໃຫ້ແຂວງ, ອຳນາດການປົກຄອງທ້ອງຖິ່ນ, ຈັດຕັ້ງຊີ້ນຳ-ນຳພາ ແຂວງອຽນບ໋າຍ ຈັດຕັ້ງປະຕິບັດພາລະກິດວຽກງານ ການທະຫານ-ປ້ອງກັນປະເທດໃນໄລຍະທີ່ຜ່ານາມາ, ພິເສດແມ່ນໃນປີ 2018; ໃນນັ້ນສະຫຼຸບເຄິ່ງປີສະໄໝການເຮັດວຽກ ເມືອງສາມາດບັນລຸໄດ້ 13/24 ເປົ້າໝາຍພັດທະນາເສດຖະກິດ, ວັດທະນະທໍາ ໄລຍະ 2015-2020, ສູ້ຊົນລື່ນກາຍຄາດໝາຍທີ່ໄດ້ວາງອອກ, ກໍ່ສ້າງເມືອງອຽນບິ່ງ ກາຍເປັນເມືອງພັດທະນາ ຂອງ ແຂວງອຽນບາຍ.
 |
ທ່ານ ຫງວຽນຢຸງຢາງ, ຮອງເລຂາຜູ້ປະຈໍາການຄະນະພັກເມືອງອຽນບິ່ງ ແລກປ່ຽນກັບຄະນະປະຕິບັດງານ. (ພາບ: ແທງນໍາ)
ຕາງໜ້າຄະນະຮັບຜິດຊອບ ທ່ານພັນເອກ ພັນແສງ ບຸນພັນ ໄດ້ກ່າວຄໍາຂອບອົກຂອບໃຈຕໍ່ການຕ້ອນຮັບຢ່າງສົມກຽດດ້ວຍຄວາມຈິງໃຈ, ອົບອຸ່ນເຊິ່ງການນໍາຂອງເມືອງ ແລະ ພະນັກງານ, ນັກຮົບກອງບັນຊາການທະຫານເມືອງອຽນບິ່ງ; ການນໍາພະແນກພົວພັນຕ່າງປະເທດ ແລະ ກອງບັນຊາການທະຫານແຂວງອຽນບ໋າຍ ໄດ້ມອບໃຫ້ຄະນະ; ພ້ອມທັງອວຍພອນ ແລະ ຕີລາຄາສູງບັນດາໝາກຜົນທີ່ບັນລຸໄດ້ໃນວຽກງານຊີ້ນໍາ, ນໍາພາປະຕິບັດໜ້າທີ່ພັດທະນາເສດຖະກິດ, ສັງຄົມ, ການທະຫານ-ປ້ອງກັນຊາດຂອງເມືອງອຽນບິ່ງ, ແຂວງອຽນບ໋າຍ ແລະ ຫວັງເປັນຢ່າງຍິ່ງວ່າ ສາຍພົວພັນທີ່ເປັນມູນເຊື້ອພິເສດລະຫວ່າງສອງພັກ, ສອງລັດ, ກອງທັບ ແລະ ປະຊາຊົນສອງປະເທດ ຫວຽດນາມ-ລາວ ຈະເກີດດອກອອກຜົນ ແລະ ໝັ້ນຄົງຂະໜົງແກ່ນໄປຊົ່ວກາລະນານ.
（ຫັດທະບູນ）
