 |
ສະຫາຍ ເຈິ່ນວັນນາມ ແລະ ສະຫາຍ ວິໄລວົງ ບຸດດາຄຳ ທີ່ການຕ້ອນຮັບ.
ທີ່ກອງປະຊຸມ ສະຫາຍ ເຈິ່ນວັນ ນາມ ຍິນດີຕ້ອນຮັບຄະນະຜູ້ແທນ ສູນກາງສະມາຄົມມິດຕະພາບ ລາວ-ຫວຽດນາມ ຢ່າງສຸດອົກສຸດໃຈ ທີ່ໄດ້ມາຢ້ຽມຢາມ ພ້ອມກັນນັ້ນກໍ່ໄດ້ລາຍງານໂດຍຫຍໍ້ສະພາບ ການພັດທະນາ ເສດຖະກິດ-ສັງຄົມ ຂອງແຂວງ ກໍ່ໍຄືສາຍພົວພັນຮ່ວມມືມິດຕະພາບ ລະຫວ່າງ ແຂວງບິ່ງເຢືອງ ກັບທ້ອງຖິ່ນຂອງລາວ. ແຂວງບິ່ງເຢືອງປະຈຸບັນ ມີພື້ນຖານໂຄງລ່າ ຂ້ອນຂ້າງໝັ້ນຄົງ ພິເສດແມ່ນແຂວງມີ ນິຄົມອຸດສາຫະກຳ 29 ແຫ່ງ ບົນເນື້ອທີ່ ປະມານ 12.000 ເຮັກຕາ ແລະ ກຸ່ມຜລິດອຸດສາຫະກຳ ມີເນື້ອທີ່ປະມານ 800 ເຮັກຕາ ກຳລັງເປັນເຂດທີ່ໜ້າສົນໃຈຂອງນັກທຸລະກິດ ກໍ່ຄືນັກລົງທືນທັງພາຍໃນ ແລະ ຕ່າງປະເທດ.
 |
ສະຫາຍ ເຈິ່ນວັນນາມ ມອບຂອງທີ່ລະລຶກໃຫ້ແກ່ ສະຫາຍ ວິໄລວົງ ບຸດດາຄຳ.
 |
ຄະນະຜູ້ແທນຖ່າຍຮູບເປັນທີ່ລະນຶກ.
ຕ່າງໜ້າການນຳຂັ້ນແຂວງ ສະຫາຍ ເຈິ່ນວັນນາມ ສະແດງຄວາມຂອບໃຈຕໍ່ ສູນກາງສະມາຄົມມິດຕະພາບ ລາວ-ຫວຽດນາມ ນຳໂດຍ ສະຫາຍ ປະທານ ສູນກາງສະມາຄົມ ທີ່ໄດ້ເອົາໃຈໃສ່ຊ່ວຍເຫຼືອ ສ້າງເງື່ອນໄຂສະດວກໃຫ້ແກ່ແຂວງ ບິ່ງເຢືອງ ເວົ້າລວມ ແລະ ບໍລິສັດຫຸ້ນສ່ວນ ຢາງພາລາ ຫວຽດລາວ ເວົ້າລວມ ໃນໄລຍະທີ່ຜ່ານມາ ພ້ອມກັນນັ້ນ ກໍ່ຫວັງເປັນຢ່າງຍິ່ງວ່າ ຈະສືບຕໍ່ໄດ້ຮັບການເອົາໃຈໃສ່ ຊ່ວຍເຫຼືອ ເພື່ອສາຍສຳພັນລະຫວ່າງ ແຂວງ ບິ່ງເຢືອງ ແລະ ບັນແຂວງ ທ້ອງຖິ່ນຂອງລາວ ນັບມື້ນັບໄດ້ຮັບການຮັດແໜ້ນ ແລະ ຮ່ວມມື ບັນລຸເຖິງຜົນສຳເລັດອັນຈົບງາມ ປະກອບສ່ວນເຂົ້າໃນການພັດທະນາ ສາຍພົວພັນ ມິດຕະພາບ ຫວຽດນາມ-ລາວ.
ສະຫາຍ ວິໄລວົງ ບຸດດາວົງ ໄດ້ຂອບໃຈຢ່າງສຸດຊື້ງ ຕໍ່ກັບການຕ້ອນຮັບ ແລະ ນຳ້ໃຈຂອງການນຳ ແຂວງບິ່ງເຢືອງ ທີ່ມອບໃຫ້ຄະນະ ພ້ອມກັນນັ້ນ ກໍ່ສະແດງຄວາມດີໃຈ ຕໍ່ກັບຜົນສຳເລັດຂອງແຂວງບິ່ງເຢືອງ ທີ່ຍາດໄດ້ໃນຂະບວນການພັດທະນາ ເສດຖະກິດ-ສັງຄົມ. ສະຫາຍ ວິໄລວົງ ບຸດດາຄຳ ຂອບໃຈ ການຊ່ວຍເຫຼືອຂອງແຂວງບິ່ງເຢືອງ ໃຫ້ແກ່ ບັນແຂວງຂອງລາວ ໃນໄລຍະທີ່ຜ່ານມາ ແລະ ເມື່ອມໍ່ໆມານີ້ກໍ່ໄດ້ສົງຄະນະຜູ້ແທນໄປຢ້ຽມຢາມ ຊ່ວຍເຫຼືອ ປະຊາຊົນ ແຂວງອັດຕະປື ຈາກເຫດການຄູກັ້ນນຳ້ເຂື່ອນໄຟຟ້າ ພລັງງານນຳ້ເຊປຽນ-ເຊນຳ້ນ້ອຍແຕກ. ພ້ອມກັນນັ້ນ ສະຫາຍ ວິໄລວົງ ບຸດດາຄຳ ຫວັງເປັນຢ່າງຍິ່ງວ່າ ໃນອານາຄົດ ແຂວງບິ່ງເຢືອງຈະສືບຕໍ່ຊ່ວຍເຫຼືອ ແລະ ແບ່ງປັນບົດຮຽນໃນການພັດທະນາ ເສດຖະກິດ-ສັງຄົມ ໂດຍສະເພາະແມ່ນການເຄື່ອນໄຫວ ດຶງດູດການລົງທືນ ໃຫ້ແກ່ບັນດາແຂວງພາກໃຕ້ຂອງລາວ. ສະຫາຍ ວິໄລວົງ ບຸດດາຄຳ ອວຍພອນໃຫ້ແກ່ສາຍພົວພັນ ມິດຕະພາບ ລະຫວ່າງ ແຂວງບິ່ງເຢືອງ ແລະ ບັນດາແຂວງ ຂອງລາວເວົ້າລວມ ແລະ ສາຍພົວພັນຮ່ວມມືມິດຕະພາ່ບ ຫວຽດນາມ-ລາວ, ລາວຫວຽດນາມ ນັບມື້ນັບພັດທະນາຢ່າງໝັ້ນຄົງທະນົງແກ່ນ.
（ຫັດທະບູນ）
