 |
ການນໍາທະຫານຊາຍແດນແຂວງ ເຫງະອານ ມອບຂອງຂວັນໃຫ້ຄະນະປະຕິບັດງານແຂວງ ຊຽງຂວາງ. (ພາບ: ຫ໋າຍເທື້ອງ)
ຕາງໜ້າໃຫ້ຄະນະປະຕິບັດງານ, ທ່ານ ບຸນຕົ້ນ ຈັນທະພອນ ສະແດງຄວາມຂອບໃຈທະຫານຊາຍແດນແຂວງ ເຫງະອານ ໃນຊຸມປີຜ່ານມາ ໄດ້ໃຫ້ການຊ່ວຍເຫຼືອຕໍ່ແຂວງ ຊຽງຂວາງ ຝຶກແອບດ້ານວິຊາສະເພາະໃນການປົກປັກຮັກສາຊາຍແດນ ໃຫ້ແກ່ຖັນແຖວພະນັກງານສະເພາະກິດ; ໜູນຊ່ວຍທາງດ້ານຈິດໃຈ ແລະ ວັດຖຸໃຫ້ແກ່ພໍ່ແມ່ປະຊາຊົນລາວບັນດາເຜົ່າ ຢູ່ລຽບຕາມຊາຍແດນ; ສົມທົບກັບບັນດາກໍາລັງ ເພື່ອຮັບປະກັນຄວາມສະຫງົບປອດໄພ, ຄວາມເປັນລະບຽບຮຽບຮ້ອຍ ຢູ່ຕາມແນວຊາຍແດນ; ຕໍ່ສູ້ກັບອາດຊະຍາກໍາປະເພດຕ່າງໆຢ່າງມີປະສິດທິຜົນ, ເປັນຕົ້ນແມ່ນອາດຊະຍາກໍາ ເລື່ອງຢາເສບຕິດ.
ທ່ານ ບຸນຕົ້ນ ຈັນທະພອນ ເລຂາພັກແຂວງ ເຈົ້າແຂວງໆ ຊຽງຂວາງ ປາດຖະໜາຢາກໃຫ້ທະຫານຊາຍແດນ ແຂວງ ເຫງະອານ ສືບຕໍ່ກໍ່ສ້າງ, ໜູນຊ່ວຍຕື່ມ ດ້ານວິຊາສະເພາະໃຫ້ແກ່ກໍາລັງປົກປັກຮັກສາຊາຍແດນແຂວງ ຊຽງຂວາງ; ເພີ່ມທະວີການແລກປ່ຽນກ່ຽວກັບສະພາບການ ແລະ ຂໍ້ມູນຂ່າວສານທີ່ກ່ຽວຂ້ອງ ເພື່ອຮ່ວມກັນສ້າງຊາຍແດນແຫ່ງສັນຕິພາບ, ມິດຕະພາບ ແລະ ຮ່ວມມືແບບຍືນຍົງ.
ກ່າວຄໍາປາໄສໃນການຕ້ອນຮັບຄະນະ, ທ່ານພັນເອກ ເຈິ່ນຫ໋າຍບິ່ງ ຜູ້ບັນຊາການທະຫານຊາຍແດນແຂວງ ເຫງະອານ ຢັ້ງຢືນວ່າ: ໃນອານາຄົດ, ອົງການຈັດຕັ້ງທີ່ກ່ຽວຂ້ອງຂອງສອງແຂວງ ຈະສືບຕໍ່ເພີ່ມທະວີສາຍພົວພັນ ສາມັກຄີ ຮ່ວມມື ໃນການຕໍ່ສູ້, ຕ້ານ ແລະ ສະກັດກັ້ນອາດຊະຍາກໍາທຸກປະເພດ, ຮັກສາຄວາມໝັ້ນຄົງດ້ານການເມືອງ, ຄວາມປອດໄພ ແລະ ຄວາມເປັນລະບຽບຮຽບຮ້ອຍໃນສັງຄົມຢູ່ເຂດຊາຍແດນ, ເພີ່ມພູນຄູນສ້າງນໍ້າໃຈມິດຕະພາບ ແບບພິເສດ ລະຫວ່າງ ສອງແຂວງ ກໍ່ຄື ສອງປະເທດ ຫວຽດນາມ-ລາວ ໃຫ້ນັບມື້ນັບພັດທະນາຢ່າງບໍ່ຢຸດຢ້ັງ.
（ຫັດທະບູນ）
