 |
ຫົວໜ້າທັງສອງຄະນະ ມອບ-ຮັບບົດບັນທືກຄວາມເຂົ້າໃຈ.(ພາບ: ເຫງະບິ່ງ)
ໃນຊຸມປີຜ່ານມາ, ສະພາບການຄວາມສະຫງົບ ດ້ານການເມືອງ ແລະ ຄວາມເປັນລະບຽບຮຽບຮ້ອຍປອດໄພ ຂອງສັງຄົມ ເຂດຊາຍແດນ ເທື່ອທຽນເຫ້ວ-ສາລະວັນ ມີຄວາມຫມັ້ນຄົງ. ກອງກຳລັງປ້ອງກັນຊາຍແດນ ທັງສອງຝ່າຍ ຍັງສືບຕໍ່ຈັດຕັ້ງປະຕິບັດ ຢ່າງເຄັ່ງຄັດ ກົດລະບຽບກ່ຽວກັບວຽກງານການຄຸ້ມຄອງ ປົກປ້ອງຊາຍແດນ, ການເຂົ້າອອກດ່ານ; ຕື່ນຕົວເສນາທິການໃຫ້ອຳນາດການປົກຄອງທັງສອງແຂວງ ໃນການປ້ອງກັນຊາຍແດນ ແລະ ເຂົ້າຮ່ວມໃນການພັດທະນາເສດຖະກິດ, ວັດທະນະທໍາ ແລະ ສັງຄົມ. ປະຊາຊົນທັງສອງຝ່າຍຂອງຊາຍແດນ ໄດ້ປະຕິບັດຢ່າງເຄັ່ງຄັດຕາມສົນທິສັນຍາວ່າດ້ວຍລະບຽບການຊາຍແດນຫວຽດນາມ - ລາວ, ຕື່ນຕົວໃນການສ້າງສາຍພົວພັນສາມັກຄີ ຮັດແໜ້ນ ລະຫວ່າງອຳນາດການປົກຄອງ ແລະ ປະຊາຊົນທັງສອງຝ່າຍເຂດຊາຍແດນ.
ໃນການເຈລະຈາ, ທັງສອງຝ່າຍໄດ້ເຫັນດີເປັນເອກກະພາບທີ່ຈະປະສານງານນຳກັນໃນຕໍ່ໜ້ານີ້. ດັ່ງນັ້ນ, ທັງສອງຝ່າຍ ຈະແລກປ່ຽນຂໍ້ມູນຂ່າວສານກ່ຽວກັບການເຄື່ອນໄຫວຂອງບັນດາເປົ້າໝາຍ ແລະ ບັນດາຜູ້ກະທຳຜິດຕ່າງໆທີ່ກ່ຽວຂ້ອງກັບຄວາມສະຫງົບແຫ່ງຊາດ, ຄວາມເປັນລະບຽບຮຽບຮ້ອຍຂອງສັງຄົມຢູ່ເຂດຊາຍແດນຢ່າງຕໍ່ເນື່ອງ; ຫ້າວຫັນໃນການສະຫນອງຂໍ້ມູນ ແລະ ສ້າງເງື່ອນໄຂສະດວກໃຫ້ພະນັກງານ ແລະ ທະຫານຕຳຫຼວດ ຂອງ ທັງສອງຫນ່ວຍງານ ແລະ ພໍ່ແມ່ປະຊາຊົນ ຢູ່ເຂດຊາຍແດນ ແລະ ໃກ້ຄຽງ ເຮັດວຽກໄປມາ, ໄປຢ້ຽມຢາມພີ່ນ້ອງ, ປິ່ນປົວພະຍາດ, ຊື້-ຂາຍສິນຄ້າ ບົນພື້ນຖານກົດລະບຽບທີ່ທັງສອງຝ່າຍໄດ້ຕົກລົງເຫັນດີເປັນເອກກະພາບນຳກັນ.
ແຜນການແຕ່ລະປີຈະປະຊຸມເທື່ອໜື່ງ, ທັງສອງຝ່າຍປ່ຽນກັນຈັດຕັ້ງ ແລະ ປຶກສາຫາລືແລກປ່ຽນ, ແລກປ່ຽນມິດຕະພາບໃນໂອກາດວັນສຳຄັນຕ່າງໆ, ວັນປີໃໝ່, ວັນມູນເຊື້ອຂອງແຕ່ລະປະເທດ. ປະສານສົມທົບ ຢ່າງຕັ້ງຫນ້າ ກ່ຽວກັບການແກ້ໄຂບັນດາເຫດການທີ່ເກີດຂື້ນຢູ່ເຂດຊາຍແດນ ໃຫ້ຖືກຕ້ອງຕາມສົນທິສັນສັນຍາ ແລະ ອະນຸສັນຍາ ທີ່ສອງປະເທດໄດ້ເຊັນລົງນາມນຳກັນ.
（ຫັດທະບູນ）
