 |
ພາບປະກອບ
ການຮ່ວມມືດ້ານວັດທະນະທໍາ ແລະ ການທ່ອງທ່ຽວທີ່ທັງສອງຝ່າຍໄດ້ລົງນາມຮ່ວມກັນໃນເດືອນກັນຍາ 2015 ແລະ ຈະສິ້ນສຸດໃນເດືອນທັນວາ 2020 ການສ້າງບຸກຄະລາກອນ. ໃນນີ້, ທ່ານ ບໍ່ແສງຄໍາ ວົງດາລາ ໄດ້ຂອບໃຈຕໍ່ລັດຖະບານຫວຽດນາມ ທີ່ໄດ້ສົ່ງຊ່ຽວຊານທາງດ້ານສິລະປະການຟ້ອນ ຂອງຫວຽດນາມມາເປັນວິທະຍາກອນ ຊ່ວຍຈັດເຝິກອົບຮົມກ່ຽວກັບຜູ້ປະດິດແຕ່ງ ແລະ ການຟ້ອນໃຫ້ແກ່ບັນ ດາຄູ-ອາຈານໂຮງ ຮຽນສິລະປະແຫ່ງຊາດລາວ ເປັນໄລຍະ 3 ເດືອນ ເຊິ່ງໄດ້ຕອບສະໜອງ ໃຫ້ແກ່ຄວາມຮຽກຮ້ອງ ຕ້ອງການຍົກລະດັບຄວາມຮູ້ ຄວາມສາມາດ ທັກສະທາງດ້ານສິລະປະ ການສະແດງຟ້ອນແກ່ຜູ້ປະພັນ ຜູ້ກໍາກັບການສະແດງ ນັກສິລະປິນຟ້ອນຂອງລາວຢ່າງມີຜົນສໍາເລັດ. ພ້ອມນັ້ນ, ຍັງມີ ວຽກງານການຮ່ວມມືດ້ານການທ່ອງທ່ຽວ. ນອກນີ້ ໄດ້ສະເໜີແລກປ່ຽນກ່ຽວກັບ ການຈັດຕັ້ງປະຕິບັດແຜນການ ຮ່ວມມືທີ່ໄດ້ລົງນາມຮ່ວມກັນ ແລະ ສະເໜີແລກປ່ຽນການນໍາສະເໜີຂອງລາວ ເພື່ອເອົາປ່າສະ ຫງວນແຫ່ງຊາດຫີນໜາມໜໍ່ແຂວງຄຳມ່ວນເຂົ້າເປັນ ມໍລະດົກໂລກທາງທໍາມະຊາດ ຮ່ວມຊາຍແດນກັບຟອງຍາແກບາງ.ໃນປີ2018 ມີນັກທ່ອງທ່ຽວຫວຽດນາມເຂົ້າາມາທ່ຽວລາວ 867.585 ເທືີ່ອຄົນແລະ 6 ເດືອນຕົ້ນປີ 2019 ຈຳນວນທ່ອງທ່ຽວຫວຽດນາມເຂົ້າມາທ່ຽວລາວ 468.632 ເທື່ອຄົນຖືວ່າເປັນຕະຫລາດທີ່ສຳຄັນ ຂອງການທ່ອງທ່ຽວລາວ ແລະ ຂໍຖືໂອກາດນີ້ເຊີນຊວນບັນດາທ່ານກໍຄືຜ່ານ ບັນດາທ່ານໄປຍັງປະຊາຊົນຫວຽດນາມ ມາທ່ຽວລາວໃຫ້ຫລາຍກວ່າເກົ່າ.
ໄລ່ລວມແລ້ວໃນ 8 ເດືອນປີ 2019, ນັກທ່ອງທ່ຽວສາກົມມາຫວຽດນາມ ບັນລຸ 11,3 ລ້ານເທື່ອຄົນ, ໃນນັ້ນຈໍານວນນັກທ່ອງທ່ຽວທີ່ມາຈາກບັນດາປະເທດອາຊີ ກວມອັດຕາສ່ວນໃຫຍ່ທີ່ສຸດ ແລະ ເພີ່ມຂຶ້ນໄວທີ່ສຸດ. ໃນ 8 ເດືອນຜ່ານມາ, ລາຍຮັບຈາກການບໍລິການພັກເຊົາຢູ່, ກິນດື່ມຄາດຄະເນບັນລຸໄດ້ເກືອບ 386.000 ຕື້ດົ່ງ; ລາຍຮັບຈາກການທ່ອງທ່ຽວຄາດຄະເນບັນລຸໄດ້ເກືອບ 30.000 ຕື້ດົ່ງ ແລະ ອື່ນໆ. ໃນປີ 2018 ມີນັກທ່ອງທ່ຽວຕ່າງປະເທດ ເຂົ້າມາທ່ຽວປະເທດລາວ 4.186.432 ເທື່ອຄົນ.
（ໄຊພອນ）
