 |
ບັນດານັກວິທະຍາສາດແຂວງຮ່າຕີ໋ງ ຄົ້ນຄວ້າກ່ຽວກັບຂະແໜງລ້ຽງໂອງຢູ່ແຂວງບໍລິຄໍາໄຊ (ລາວ). (ພາບ: baohatinh.vn)
ທ່ານ ເຈິ່ນດຶກເຮົ້າ, ຜູ້ອໍານວຍການສູນຄົ້ນຄວ້າ, ພັດທະນາເຫັດ ແລະຊັບພະຍາກອນຊີວະສັດ (ພະແນກວິທະຍາສາດ ແລະເຕັກໂນໂລຢີແຂວງຮ່າຕີ໋ງ) ໃຫ້ຮູ້ວ່າ, ໂດຍປະຕິບັດໂຄງການຮ່ວມມືກັບສາກົນ ຕາມອະນຸສັນຍາດ້ວຍແຫຼ່ງທຶນຂອງຫວຽດນາມ, ໃນໄລຍະຜ່ານມາ, ພະແນກວິທະຍາສາດ ແລະເຕັກໂນໂລຢີແຂວງຮ່າຕີ໋ງ ໄດ້ດໍາເນີນການຄົ້ນຄວ້າກ່ຽວກັບຂະແໜງຜະລິດເຫັດ ແລະລ້ຽງໂອງຢູ່ລາວ.
 |
ຜ່ານການຄົ້ນຄວ້າຊີ້ໃຫ້ເຫັນວ່າເຫັດນາງຟ້າເໝາະສົມກັບເງື່ອນໄຂຢູ່ລາວ. (ພາບ: baohatinh.vn)
ໝາກຜົນໄດ້ຄັດເລືອກເອົາແນວພັນເຫັດທີ່ເໝາະສົມກັບເງື່ອນໄຂຊີວະພາບຢູ່ລາວ. ຄຽງຂ້າງນັ້ນ, ໄດ້ປັບປຸງ 4 ຂັ້ນຕອນເຕັກໂນໂລຢີຂະຫຍາຍແນວພັນເຫັດໃຫ້ເໝາະສົມກັບເງື່ອນໄຂຊີວະພາບຢູ່ລາວ ແລະປັບປຸງ 1 ຂັ້ນຕອນກຳຈັດສິ່ງເສດເຫຼືອຈາກເຫັດກາຍເປັນປຸ໋ຍອົງຄະທາດ.
ໝາກຜົນການສໍາຫຼວດ ກໍ່ຊີ້ໃຫ້ເຫັນວ່າ, ແຂວງບໍລິຄໍາໄຊ ມີ່ທ່າແຮງຫຼາຍຢ່າງໃນການພັດທະນາການລ້ຽງໂອງ. ສະນັ້ນ, ແຂວງຮ່າຕີ໋ງ ແລະແຂວງບໍລິຄໍາໄຊ ໄດ້ເຫັນດີເປັນເອກະພາບກ່ຽວກັບບັນດາສະຖານທີ່ຜັນຂະຫຍາຍຮູບແບບການທົດລອງປູກເຫັດ ແລະລ້ຽງໂອງໃນບໍລິເວນ.
ໃນຕໍ່ໜ້າ, ແຂວງຮ່າຕີ໋ງ ຈະສ້າງ ແລະຖ່າຍທອດບັນດາຂັ້ນຕອນເຕັກໂນໂລຢີຂະຫຍາຍແນວພັນ, ການຜະລິດ, ການປຸງແຕ່ງ, ເກັບຮັກສາເຫັດຊະນິດຕ່າງໆໃຫ້ແກ່ແຂວງບໍລິຄໍາໄຊ. ຮອດປີ 2020 ຈະສືບຕໍ່ຖ່າຍທອດບັນດາຂັ້ນຕອນເຕັກໂນໂລຢີຂະຫຍາຍແນວພັນ, ການລ້ຽງສັດ, ການປຸງແຕ່ງຂັ້ນຕົ້ນ, ເກັບຮັກສາເຂົາໂອງອ່ອນ.
（ແຫຼ່ງຂໍ້ມູນ： la.qdnd.vn）
