 |
ຮອງປະທານ ກຳມະການປະຊາຊົນແຂວງ ທ່ານ ຮ່າ ສີດົງ ແລະ ການນຳຂອງກອງບັນຊາການທະຫານຊາຍແດນແຂວງກວ້າງຈິ ມອບໃບຢັ້ງຢືນສຳເລັດການຝຶກອົບຮົມ ໃຫ້ແກ່ພະນັກງານຂອງກອງບັນຊາການທະຫານ ແຂວງສະຫວັນນະເຂດ ແລະ ແຂວງສາລະວັນ.(ພາບ:baoquangtri.vn)
ປະຕິບັດຕາມນະໂຍບາຍຂອງພັກ -ລັດ ແລະ ຂໍ້ຕົກລົງກ່ຽວກັບການຮ່ວມມືດ້ານການປ້ອງກັນປະເທດ ຫວຽດນາມ-ລາວ ເວົ້າລວມ ແລະ ວ່າດ້ວຍການເພີ່ມທະວີ ການຮ່ວມມື ໃນການຄຸ້ມຄອງຊາຍແດນ ລະຫວ່າງ ແຂວງກວ້າງຈິ ແລ ະສອງແຂວງ ສະຫວັນນະເຂດ ແລະ ແຂວງສາລະວັນ ເວົ້າສະເພາະ. ກອງບັນຊາການທະຫານຊາຍແດນແຂວງກວ້າງຈິ ໄດ້ຈັດຊຸດຝຶກອົບຮົມຂະໜາດໃຫຍ່ເຊິ່ງປະກອບມີຫຼາຍພາກສ່ວນ, ເນື້ອໃນຂອງການຝຶກອົມກໍ່ຮອບດ້ານ, ມີການປະສານສົມທົບຢ່າງສະໜິດແໜ້ນ ລະຫວ່າງບັນດາ ພະແນກການ ແລະ ບັນດາຫ້ອງການທີ່ກ່ຽວຂ້ອງທຸກຂັ້ນຂອງສາມແຂວງ.
ເຂົ້າຮ່ວມໃນການຝຶກອົບຮົມຄັ້ງນີ້ມີຈຳນວນພົນເຖິງ 100 ສະຫາຍເຊິ່ງມີທັງ ຮອງຫົວໜ້າພະແນກ, ພະນັກງານຂັ້ນຫ້ອງການ, ຫົວໜ້າຂະແໜງ, ຫົວໜ້າໜ່ວຍງານ, ກອງຮ້ອຍ, ສະມາຊິກພັກ.... ທີ່ຂື້ນກັບກອງບັນຊາການທະຫານແຂວງ ສະຫວັນນະເຂດ ແລະ ສາລະວັນ.
ພາຍຫຼັງ ໜຶ່ງເດືອນຂອງການຝຶກອົບຮົມ ບັນດາສະມະນາກອນ ໄດ້ຮັບການອົບຮົມ, ສຶກສາ ບັນດາເນື້ອໃນ ກ່ຽວກັບກົດໝາຍ, ວິຊາສະເພາະ, ການຈັດຕັ້ງຄຸ້ມຄອງບັນຊາ, ປ້ອງກັນຊາຍແດນ, ວິຊາສະເພາະ ດ້ານກົດໝາຍ ໃນການສະກັດກັ້ນ ຢາເສບຕິດ ແລະ ອາດສະຍາກອນ; ເຕັກນິກ, ຍຸດທະສາດໃນການຕໍ່ສູ້ຂອງທະຫານລາບ... ເຖິງວ່າສະພາບດິນຟ້າອາກາດຈະມີຄວາມສັບສົນ, ພື້ນຖານດ້ານວັດຖຸອຸປະກອນຍັງມີຄວາມຫຍຸ້ງຍາກ, ການສື່ສານຍັງມີຄວາມຫຍຸ້ງຍາກ ແຕ່ຍ້ອນຄວາມມານະພະຍາຍາມຂອງ ຄະນະຈັດຕັ້ງຊຸດຝຶກອົບຮົມ ແລະ ບັນດານັກສຳມະນາກອນ, ຊຸດຝຶກອົບຮົມໃນຄັ້ງນີ້ໄດ້ປະສົບຄວາມສຳເລັດດ້ານເນື້ອໃນ, ລາຍການ, ຮັບປະກັນຄຸນນະພາບ, ລື່ນຄາດໝາຍດ້ານເວລາ.
ຜົນການກວດກາໃນຊຸດຝຶກອົບຮົມຄັ້ງນີ້ 100% ບັນລຸໄດ້ເປົ້າໝາຍທີ່ວາງອອກ, ໃນນັ້ນຈັດຢູ່ໃນປະເພດດີ ແລະ ເກັ່ງ ມີປະມານາ 90%. ຜົນຂອງການຝຶກອົບຮົມ ຈະເປັນພື້ນຖານ ນຳໃຊ້ເຂົ້າໃນວຽກງານຈັດຕັ້ງບັນຊາ, ປະສານສົມທົບໃນການຄຸ້ມຄອງ, ປ້ອງກັນຊາຍແດນ, ດ່ານຊາຍແດນ, ແກ້ໄຂບັນຫາທີ່ເກີດຂື້ນມີຄວາມກ່ຽວຂ້ອງກັບຊາຍແດນສອງຝ່າຍໄດ້ເປັນຢ່າງດີ.
（ຫັດທະບູນ）
