 |
ຕ່າງໜ້າລັດຖະບານລາວ, ຜູ່ນຳ ປກສ ແຂວງ ບໍລິຄຳໄຊ ມອບ ຫຼຽນໄຊ ແຮງງານ ຊັ້ນສອງ ແລະ ຊັ້ນສາມ ຂອງ ລັດຖະບານລາວ ໃຫ້ ທະຫານຊາຍແດນ ແຂວງຮ່າຕິ໋ງຈຳນວນ 25 ສະຫານ.(ພາບ: ມິງສຕວ່ານ)
ຄະນະ, ບຸກຄົນ ຂອງສອງອົງການໄດ້ຮັບລາງວັນຄັ້ງນີ້ ແມ່ນຜູ່ທີ່ມີຜົນງານທີ່ດີເລີດໃນການປະສານງານ ຕໍ່ສູ້ຕ້ານການຄ້າຢາເສບຕິດ, ຮັກສາຄວາມສະຫງົບທາງດ້ານການເມືອງ ຄວາມເປັນລະບຽບຮຽບຮ້ອຍຂອງສັງຄົມ, ຄວາມສະຫງົບຊາຍແດນແຫ່ງຊາດຂອງສອງປະເທດຫວຽດນາມ-ລາວ.
ຮອງຜູ່ບັນຊາການ ກະຊວງປ້ອງກັນປະເທດ, ກອງບັນຊາການ ທະຫານຊາຍແດນ, ຫ້ອງວ່າການແຂວງຮ່າຕິ໋ງ, ຜູ່ນຳ ທະຫານຊາຍແດນ ຮ່າຕິ໋ງ ໄດ້ມອບໃບຍ້ອງຍໍ ຂອງກະຊວງປ້ອງກັນປະເທດ ໃຫ້ບຸກຄົນຈຳນວນ 1 ສະຫາຍ; ໃບຍ້ອງຍໍ ຂອງກອງບັນຊາການໃຫຍ່ ທະຫານຊາຍແດນ ໃຫ້ຄະນະ ຈຳນວນ 1 ຄະນະ ແລະ ບຸກຄົນຈຳນວນ 4 ສະຫາຍ; ໃບຍ້ອງຍໍ ຂອງ ເຈົ້າແຂວງ-ແຂວງຮ່າຕິ້ງ ໃຫ້ 6 ສະຫາຍ ຂື້ນກັບ ປກສ ແຂວງ ບໍລິຄຳໄຊ.
 |
ຕ່າງໜ້າກະຊວງປ້ອງກັນປະເທດ, ພັນເອກ ວໍ໋ຈ້ອງຮ໋າຍ, ຜູ່ບັນຊາການທະຫານຊາຍແດນ ຮ່າຕິ໋ງ ມອບໃບຍ້ອງຍໍຂອງກະຊວງປ້ອງກັນປະເທດ ໃຫ້ ພັນເອກ ທອງໃບ ລໍວັນໄຊ ຫົວໜ້າ ປກສ ແຂວງບໍລິຄຳໄຊ. (ພາບ: ມິງຕວ່ານ)
ຕ່າງໜ້າລັດຖະບານ ລາວ, ຜູ່ນຳ ປກສ ແຂວງ-ແຂວງບໍລິຄຳໄຊ ກໍ່ໄດ້ມອບຫຼຽນໄຊ ແຮງງານ ຂັ້ນສອງ ໃຫ້ແກ່ທະຫານ 12 ສະຫາຍ ແລະ ຫຼຽນໄຊ ແຮງງານ ຊັ້ນ ສາມ ໃຫ້ 13 ສະຫາຍຂື້ນກັບທະຫານຊາຍແດນແຂວງ ຮ່າຕິ໋ງ.
 |
ພັນເອກ ວໍ໋ຈ້ອງຮ໋າຍ ມອບໃບຍ້ອງຍໍ ຂອງ ກອງບັນຊາການໃຫຍ່ທະຫານຊາຍແດນ ແລະ ແຂວງຮ່າຕິ໋ງ ໃຫ້ຄະນະ, ບຸກຄົນ ຂື້ນກັບ ປກສ ແຂວງບໍລິຄຳໄຊ. (ພາບ: ມິງຕວ່ານ)
ໃນປີ 2017 ທະຫານຊາຍແດນ ຮ່າຕິ໋ງ ໄດ້ປະສານສົມທົບກັບ ປກສ ແຂວງ-ແຂວງບໍລິຄຳໄຊ ໄດ້ຕໍ່ສູ້ມ້າງທຳລາຍໄດ້ 3 ຂະດີທີ່ສຳຄັນກ່ຽວຂ້ອງກັບຢາເສບຕິດ, ຈັບກຸມຕົວຜູ່ກະທຳຜິດໄດ້ 12 ຄົນ, ຢຶດເຮໂຣອິນໄດ້ 137 ແທ່ງ, ກັນຊາຈຳນວນ 1.000 ແທ່ງ, ຢາໄອ 120.000 ເມັດ, ຢາເສບຕິດປະເພດຢາບ້າ 20 ກິໂລກະລາມ.
（ຫັດທະບູນ）
