ຕອນເຊົ້າວັນທີ 23 ຕຸລາ, ຢູ່ ຮ່າໂນ້ຍ, ໜັງສືພິມກອງທັບປະຊາຊົນ ສົມທົບກັບ ສະມາຄົມທະຫານອາສາສະໝັກ ແລະ ຊ່ຽວຊານຫວຽດນາມ ປະຈຳລາວ ໄດ້ຈັດກອງປະຊຸມ ປືກສາຫາລື ດ້ວຍຫົວຂໍ້ “70 ປີ ແຫ່ງຄວາມຮັກ ແລະ ຄວາມສະເໝີຕົ້ນສະເໝີປາຍ”. ເຂົ້າຮ່ວມກອງປະຊຸມປຶກສາຫາລືໃນຄັ້ງນີ້ປະກອບມີ: ທ່ານ ເຈີ່ນ ວັນ ຕຸ໋ຍ, ກຳມະການສູນກາງພັກ, ຄະນະປະຈຳສະພາແຫ່ງຊາດ, ຫົວໜ້າຄະນະປະຕິບັດງານຄະນະຜູ້ແທນສະພາແຫ່ງຊາດ, ຮອງຫົວໜ້າ ຄະນະຈັດຕັ້ງສູນກາງ, ປະທານສະມາຄົມມິດຕະພາບຫວຽດນາມ - ລາວ; ທ່ານນາງ ຫງວ໋ຽນ ເຟືອງ ງາ, ປະທານສະຫະພັນ ອົງການມິດຕະພາບຫວຽດນາມ; ທ່ານ ບຸນເຫຼຶອ, ເລຂາທີສອງ ສະຖານທູດແຫ່ງ ສປປ ລາວ ປະຈຳ ສສ ຫວຽດນາມ; ທ່ານ ຮວິ່ງ ດັກ ເຮືອງ, ອະດີດຫົວໜ້າ ຄະນະຊ່ຽວຊານ ແລະ ກຳ ມະການການເມືອງທະຫານອາສາສະ ໝັກ ຫວຽດນາມປະຈຳ ລາວ ແລະ ບັນດາຜູ້ຕາງໜ້າ ພະແນກໂຄສະນາສູນກາງ; ກະຊວງການຕ່າງປະເທດ; ກົມໃຫຍ່ການເມືອງ; ບັນດາທະຫານເຂດ, ບັນດາເຫຼົ່າທັບຕ່າງໆ, ບັນດານັກຮຽນທະຫານ, ສະຖາບັນການສຶກສາ, ໂຮງຮຽນ; ນາຍພົນທະຫານ, ຜູ້ຊ່ຽວຊານ, ນັກວິທະຍາສາດທັງພາຍໃນ ແລະ ຕ່າງປະເທດ ເຂົ້າຮ່ວມ. ກອງປະຊຸມປືກສາຫາລືຄັ້ງນີ້, ຈັດຕັ້ງຂື້ນເພື່ອລະລຶກເຖິງວັນຄົບຮອບ 70 ປີ ວັນມູນເຊື້ອທະຫານອາສາສະໝັກ ແລະ ຊ່ຽວຊານຫວຽດນາມ ຢູ່ລາວ.
ພາບບັນຍາກອງປະຊຸມປຶກສາຫາລື
ພ້ອມກັນນັ້ນ, ກໍ່ປະກອບສ່ວນໂຄສະນາເຜີຍແຜ່ກ່ຽວກັບຂະບວນການ-ການກຳເນີດ, ການກໍ່ສ້າງ, ການຕໍ່ສູ້, ການເຕີບໃຫຍ່, ພ້ອມກັບຄວາມເອກອ້າງທະນົງໃຈ ແລະ ການປະກອບສ່ວນອັນໃຫຍ່ຫຼວງຂອງບັນດານັກອາສາສະໝັກ ແລະ ຊ່ຽວຊານຫວຽດນາມຢູ່ ລາວໃນພາລະກິດປະຕິວັດ, ຂອງສອງພັກ, ສອງລັດ ແລະ ປະຊາຊົນຫວຽດນາມ-ລາວ. ຄຽງຄູ່ກັນນັ້ນ, ກອງປະຊຸມປຶກສາຫາລືໃນຄັ້ງນີ້ ກອງປະຊຸມຍັງປະກອບສ່ວນຢັ້ງຢືນຄວາມຈຳເປັນ ແລະ ຂາດບໍ່ໄດ້ຂອງສະຫະພັນທະມິດສູ້ຮົບ ຫວຽດນາມ - ລາວ - ກຳປູເຈຍເວົ້າລວມ, ເວົ້າສະເພາະແມ່ນ ຫວຽດນາມ - ລາວ ເວົ້າສະເພາະ; ພ້ອມດຽວກັນນັ້ນກໍ່ແມ່ນຄວາມຮູ້ສຶກ ແລະ ຄວາມມຸ້ງມາດປາດຖະໜາ ຂອງປະຊາຊົນຂອງສາມປະເທດໃນແຫຼມອິນດູຈີນ.
ຈັດຕັ້ງປະຕິບັດຕາມຄຳສັ່ງສອນຂອງ ປະທານ ໂຮ່ ຈີ ມິນ ທີ່ວ່າ: “ຊ່ວຍໝູ່ ກໍ່ຄືຊ່ວຍຕົນເອງ”, ດ້ວຍຈິດໃຈອາສາສະໝັກ, ປະຕິບັດຕາມພັນທະສາກົນອັນສູງສົ່ງ, ໄດ້ຮັບຄວາມຮັກ-ແພງ, ຊ່ວຍເຫຼຶອປົກປ້ອງຂອງປະຊາຊົນລາວບັນດາເຜົ່າ, ຄວາມສາມັກຄີເປັນໜຶ່ງດຽວກັນຕໍ່ສູ້ຂອງ ກຳລັງປະກອບອາວຸດປະຕິວັດລາວ, ທະຫານອາສາສະໝັກ ແລະ ຊ່ຽວຊານຫວຽດນາມ ໄດ້ປະກອບສ່ວນຢ່າງໃຫຍ່ຫຼວງ, ເຮັດສຳເລັດພາລະກິດອັນດີເລີດຮ່ວມກັບກອງທັບ ແລະ ປະຊາຊົນລາວບັນດາເຜົ່າ ເພື່ອຍາດເອົາໄຊຊະນະທົ່ວປະເທດ ໃນສອງບັ້ນຮົບ ຕ້ານລັດທິລ່າເມືອງຂຶ້ນຝຣັ່ງ ແລະ ການຮຸກຮານຂອງຈັກກະພັດອາເມລິກາ.
ດ້ວຍການຊ່ວຍເຫຼືອອັນໃຫຍ່ຫຼວງຂອງທະຫານອາສາສະໝັກຫວຽດນາມ, ການປະຕິວັດລາວ ຈຶ່ງນັບມື້ນັບເຕີບໃຫຍ່ເຂັ້ມແຂງ. ປີ 1975, ພາຍຫຼັງປະເທດຊາດໄດ້ຮັບການປົດປ່ອຍ, ການປະຕິວັດລາວ ຢືນຢູ່ຕໍ່ໜ້າແຮງກົດດັນຈາກບັນດາອິດທິກໍາລັງປໍລະປັກພາຍໃນປະເທດ ແລະສາກົນ. ຕາມຄວາມຮຽກຮ້ອງຂອງປະເທດເພື່ອນມິດລາວ, ປີ 1977, ທະຫານອາສາສະໝັກຫວຽດນາມ ສືບຕໍ່ກັບຄືນໄປປະເທດເພື່ອນມິດລາວ, ຊ່ວຍເຫຼືອລາວ ທັບມ້າງກົນອຸບາຍຂອງສັດຕູ, ປົກປັກຮັກສາໝາກຜົນການປະຕິວັດ. ວັນທີ 31 ທັນວາ 1987, ກໍາລັງທະຫານອາສາສະໝັກຫວຽດນາມ ໄດ້ຖອນກໍາລັງກັບຄືນປະເທດ, ປະຕິບັດສໍາເລັດພາລະກໍາປະຫວັດສາດອັນສະຫງ່າລາສີຊ່ວຍເຫຼືອການປະຕິວັດລາວ.
 |
ທ່ານພົນຈັດຕະວາ ຟ້າມວັນຮ໋ວນ, ເລຂາຄະນະພັກ, ຫົວໜ້າບັນນາທິການໜັງສືພິມກອງທັບປະຊາຊົນ ກ່າວຄໍາເຫັນທີ່ກອງປະຊຸມ.
ພົນຈັດຕະວາ ຮວ່າງ ແອັງ ຕ໋ວນ, ຮອງປະທານຄະນະປະຈຳ ສະມາຄົມ ມູນເຊື້ອສາຍພູຫຼວງ-ເສັ້ນທາງ ໂຮ່ຈີ໋ມິນ-ຫວຽດນາມ ໄດ້ໃຫ້ຮູ້ວ່າ: ໃນພາລະກິດສ້າງສາ ແລະ ປົກປັກຮັກສາປະເທດປະຈຸບັນ, ຮຽກຮ້ອງໃຫ້ປະຊາຊົນຫວຽດ-ລາວ ຕ້ອງໄດ້ເພີ່ມທະວີ ແລະ ພັດທະນາສາຍພົວພັນຂື້ນເປັນບາດກ້າວໃໝ່ ຕາມວິໄສທັດຮອບດ້ານ, ຮັດແໜ້ນ, ມີປະສິດທິຜົນ. ໃນນັ້ນ, ສາຍພົວພັນ-ພັນທະມິດຮ່ວມມືໃນຂົງເຂດປ້ອງກັນຊາດ-ປ້ອງກັນຄວາມສະຫົງບ ແມ່ນເປັນພາກສ່ວນໜຶ່່ງທີ່ສຳຄັນ. ຕໍ່ໜ້າສະພາບການໂລກ ແລະ ພາກພື້ນ ທີ່ກຳລັງດຳເນີນໄປຢ່າງສັບສົນ, ພາລະກິດປະຕິວັດຂອງປະຊາຊົນ ຫວຽດ-ລາວ ມີຄວາມສະດວກໃໝ່ແຕ່ຍັງບົ່ມຊ້ອນຄວາມສ່ຽງສິ່ງທ້າທາຍ ແລະ ບໍ່ສາມາດຄາດຄະເນໄດ້, ດັ່ງນັ້ນການຍົກສູງ, ເສີມຂະຫຍາຍສາຍພົວພັນພິເສດຂື້ນຕື່ມກ່ວາເກົ່າ ແມ່ນຄວາມຮຽກຮ້ອງຕ້ອງການຂອງພາລະກິດສຳຄັນຮີບດ່ວນພິເສດ ແນໃສ່ປະກອບສ່ວນເຂົ້າໃນພາລະກິດສ້າງສາ, ປົກປັກຮັກສາປະເທດຊາດຂອງປະຊາຊົນແຕ່ລະປະເທດ ແລະ ຂອງປະຊາຊົນ 3 ປະເທດ.
ຮສຈ.ປອ ດ່າມ ດຶກ ເວື້ອງ, ອາດີດຊ່ຽວຊານຫວຽດນາມ ປະຈຳລາວ, ຫົວໜ້າຄະນະກຳມະການຮ່າງເອກສານກອງປະຊຸມ ແລະ ຄວາມຊົງຈຳສາຍພົວພັນພິເສດຫວຽດນາມ-ລາວ ໄດ້ແບ່ງປັນທີ່ກອງປະຊຸມວ່າ: ຕ້ອງມີການຍົກສູງສາຍພົວພັນພິເສດ ຫວຽດນາມ-ລາວ ຂື້້ນບາດກ້າວໃໝ່ ຜ່ານບັນດາສົນທິສັນຍາ ແລະ ອະນຸສັນຍາ. ວິໄສທັດໃໝ່ໄດ້ຮັບການຍົກສູງຜ່ານບັນດາສົນທິສັນຍາ, ອະນຸສັນຍາ ຕ້ອງໄດ້ອີງໃສ່ຫຼັກາານປົກປັກຮັກສາຄວາມເປັນເອກະລາດຂອງປະຊາຊົນບັນດາເຜົ່າ ແລະ ຮັກສາຄວາມສະຫງົບແຫ່ງຊາດຂອງແຕ່ລະປະເທດ, ໃຫ້ນັ້ນແມ່ນພາລະກິດຂອງປະຊາຊົນແຕ່ລະປະເທດ; ສືບຕໍ່ໃຫ້ຄຳໝັ້ນສັນຍາວ່າຈະເປັນຈິດໜຶ່ງໃຈດຽວອຸ້ມຊູ ແລະ ຊ່ວຍເຫຼືອເຊິ່ງກັນແລະ ກັນຮ່ວມມືຢ່າງແໜ້ນແຟ້ນເພື່ອແນໃສ່ເພີ່ມທະວີຄວາມສາມາດໃນການປ້ອງກັນປະເທດ, ຮັກສາເອກະລາດ, ຄວາມສະຫງົບແຫ່ງຊາດຂອງປະຊາຊົນແຕ່ລະປະເທດ, ຕ້ານກົນອຸບາຍ ແລະ ການມ້າງເພທະລາຍຂອງກຳລັງຮຸກຮານ, ຕໍ່ຕ້ານຂອງຕ່າງປະເທດ ແລະ ກຳລັງສັດຕູ; ຕ້ານ “ຂະບວນການສັນຕິພາບ”.
ທຸກປັນຫາທີ່ກ່ຽວຂ້ອງກັບສາຍພົວພັນລະຫວ່າງສອງປະເທດຈະໄດ້ຮັບການແກ້ໄຂດ້ວຍການເຈລະຈາບົນພື້ນຖານຄວາມເຂົ້າໃຈ ແລະ ນັບຖຶກັນແລະກັນ, ແບບອ້າຍນອ້ງ. ການພັດທະນາຂອງການປະຕິວັດຫວຽດນາມ ແລະ ການປະຕິວັດລາວ ໃນໄລຍະໃໝ່ຈະສືບຕໍ່ສ້າງສັກກະລາດໃໝ່ໃຫ້ແກ່ສາຍພົວພັນພິເສດ ຫວຽດນາມ-ລາວ-ຫວຽດນາມ ຍົກສູງຂື້ນໃໝ່. ກອງປະຊຸມຄັ້ງນີ້ໄດ້ຮັບການປະກອບຄຳຄິດຄຳເຫັນເຖິງ 30 ທ່ານ, ໃນການນຳການປະຕິວັດ, ບັນດານາຍພົນທະຫານ, ນັກຄົ້ນຄວ້າ, ນັກການຕ່າງປະເທດ, ບັນດານັກຮົບເກົ່າ; ພະນັກງານ, ນັກຮຽນ, ນັກສຶກສາ... ຂອງປະເທດລາວ ທີ່ກຳລັງສຶກສາຮ່ຳຮຽນຢູ່ ສສ ຫວຽດນາມ.
 |
ບັນດາຜູ້ແທນເຂົ້າຮ່ວມກອງປະຊຸມປຶກສາຫາລື
ກອງປະຊຸມຄັ້ງນີ້ຍັງຢືນຢັນວ່າ ທະຫານອາສາສະໝັກ ແລະ ຊ່ຽວຊານຫວຽດນາມ ຈະສືບຕໍ່ເສີມຂະຫຍາຍມູນເຊື້ອອັນສະຫງ່າລາສີຂອງທະຫານອາສາສະໝັກ ແລະ ຄຸນທາດອັນສູງສົ່ງຂອງທະຫານລຸງໂຮ່, ປະກອບສ່ວນຢ່າງຕັ້ງໜ້າເຂົ້າໃນພາລະກິດສ້າງສາ ແລະ ປົກປັກຮັກສາປະເທດຊາດ; ພ້ອມກັນນັ້ນກໍ່ເພີ່ມພູນຄູນສ້າງ, ເພີ່ມທະວີ, ພັດທະນາສາຍພົວພັນມິດຕະພາບອັນເກົ່າແກ່, ຄວາມສາມັກຄີພິເສດ, ຮ່ວມມືຮອບດ້ານ ຫວຽດນາມ-ລາວ ໃນສະຫະສະວັດໃໝ່ ເພື່ອອານາຄົດທີ່ສົດໃສຂອງສອງປະເທດ ແລະ ປະຊາຊົນສອງຊາດ.
ກອງປະຊຸມປືກສາຫາລື ແມ່ນກິດຈະກໍາທີ່ແທດຈິງເພື່ອສະເຫຼີມສະຫຼອງ 70 ປີ ແຫ່ງວັນມູນເຊື້ອທະຫານອາສາສະໝັກ ແລະຊ່ຽວຊານຫວຽດນາມຢູ່ລາວ; ພ້ອມທັງປະກອບສ່ວນຍູ້ແຮງການໂຄສະນາເຜີຍແຜ່ກ່ຽວກັບວິວັດການກໍາເນີດ, ກໍ່ສ້າງ, ຕໍ່ສູ້, ເຕີບໃຫຍ່ຂະຫຍາຍຕົວ, ພ້ອມກັບບັນດາວິລະກຳ, ການປະກອບສ່ວນອັນໃຫຍ່ຫຼວງຂອງທະຫານອາສາສະໝັກ ແລະຊ່ຽວຊານຫວຽດນາມຢູ່ລາວ ຕໍ່ກັບພາລະກິດປະຕິວັດຂອງສອງພັກ, ສອງລັດ ແລະ ປະຊາຊົນສອງປະເທດຫວຽດນາມ ແລະ ລາວ.
（ໄຊພອນ）
