ງານວາງສະແດງຮູບພາບລະນຶກວັນມູນເຊື້ອທະຫານອາສາສະໝັກ ແລະຊ່ຽວຊານຫວຽດນາມ ຢູ່ລາວ ຄົບຮອບ 70 ປີ

ທ່ານພັນໂທ ຄໍາສີ ລີຝຸງ, ຜູ້ອໍານວຍການຫໍພິພິທະພັນປະຫວັດສາດກອງທັບ ລາວ ໃຫ້ຮູ້ວ່າ: “ງານວາງສະແດງແມ່ນການເຄື່ອນໄຫວ ເຊິ່ງບໍ່ພຽງແຕ່ຫວນຄືນ ແລະຈາລຶກບຸນຄຸນຂອງທະຫານອາສາສະໝັກ ແລະຊ່ຽວຊານຫວຽດນາມ ທີ່ໄດ້ ປະຕິບັດໜ້າທີ່ສາກົນໃນພາລະກິດຕໍ່ສູ້ປົດປ່ອຍຂອງປະຊາຊົນລາວ ບັນດາເຜົ່າ ເທົ່ານັ້ນ, ຫາກຍັງແມ່ນການໂຄສະນາເຜີຍແຜ່ກ່ຽວກັບມູນເຊື້ອ ການຮ່ວມສໍາພັນສູ້ຮົບຂອງກອງທັບລາວ ແລະຫວຽດນາມ ໃນການຕໍ່ສູ້ຕ້ານ ພວກລ່າເມືອງຂຶ້ນຝະລັ່ງ ແລະຈັກກະພັດອາເມລິກາ ອີກດ້ວຍ, ເພື່ອໃຫ້ພະ ນັກງານ, ນັກຮົບ ແລະປະຊາຊົນທຸກຊັ້ນວັນນະທັງພາຍໃນ ແລະຕ່າງປະເທດ ເຫັນໄດ້ຄວາມໝາຍຄວາມສໍາຄັນ, ນໍ້າໃຈສາກົນອັງສູງສົ່ງໃສແຈ້ງຂອງ ເພື່ອນມິດຍຸດທະສາດ. ຈາກນັ້ນສືບທອດມູນເຊື້ອ ແລະສືບຕໍ່ພັດ ທະນານໍ້າໃຈສາມັກຄີ, ການຮ່ວມມືສູ້ຮົບແບບພິເສດຂອງກອງທັບ ປະຊາຊົນລາວ ແລະກອງທັບປະຊາຊົນຫວຽດນາມ, ປະກອບ ສ່ວນເພີ່ມພູນຄູນສ້າງໃຫ້ແກ່ການພົວພັນທີ່ເປັນມູນເຊື້ອມິດຕະພາບ, ຄວາມສາມັກຄີແບບພິເສດ ແລະການຮ່ວມມືຮອບດ້ານ ໃຫ້ນັບມື້ນັບໜັກແໜ້ນ ແລະຍືນຍົງຍາວນານ.