ສະຖານທູດຫວຽດນາມປະຈຳຢູ່ ສປປລາວ ໄດ້ວາງທູບເພື່ອສະແດງຄວາມຮູ້ບຸນຄຸນ ນັກຮົບເສຍສະຫຼະຊີວິດເພື່ອຊາດ

10:00 | 29/07/2019

ຍສໝ - ເນື່ອງໃນໂອກາດຄົບຮອບ 72 ປີແຫ່ງວັນທະຫານເສຍອົງຄະ, ນັກຮົບເສຍສະຫຼະຊີວິດເພື່ອຊາດ, ວັນທີ 26 ກໍລະກົດ, ສະຖານທູດຫວຽດນາມ ປະຈຳລາວ ໄດ້ສົມທົບກັບສູນກາງສະມາຄົມນັກຮົບເກົ່າລາວ ແລະ ບັນດາອົງການສຳນັກງານທີ່ກ່ຽວຂ້ອງໄປຖະຫວາຍດອກໄມ້ທູບທຽນ ສະແດງຄວາມຮູ້ບຸນຄຸນ ແລະ ອາໄລຫາບັນດານັກວິລະຊົນ, ນັກຮົບເສຍສະຫຼະຊີວິດເພື່ອຊາດ ຢູ່ເຂດປູສະນີຍະສະຖານຮ່ວມສຳພັນທະມິດສູ້ຮົບລາວ-ຫວຽດນາມ ຢູ່ບ້ານເກີນ, ເມືອງທຸລະຄົມ ແຂວງວຽງຈັນ.

ກ່າວຄຳເຫັນນະທີ່ນີ້, ທ່ານເອກອັກຄະລັດຖະທູດ ຫງວຽນບາຮຸ່ງ ຊີ້ແຈ້ງວ່າ ນີ້ແມ່ນໂອກາດເພື່ອອາໄລຫາ, ເຊີດຊູ ແລະ ສະແດງຄວາມຮູ້ບຸນຄຸນບັນດານັກວິລະຊົນ, ນັກຮົບເສຍສະຫຼະຊີວິດເພື່ອຊາດຫວຽດນາມ ແລະ ລາວ, ລູກຫຼານຜູ້ດີເດັ່ນຂອງສອງຊາດທີ່ໄດ້ເສຍສະຫຼະຊີວິດຢ່າງພິລາດອາດຫານເພື່ອຄວາມເປັນເອກະລາດ ແລະ ອິດສະຫຼະພາບຂອງປະເທດລາວອ້າຍນ້ອງ.

ສະຖານທູດຫວຽດນາມປະຈຳຢູ່ ສປປລາວ ໄດ້ວາງທູບເພື່ອສະແດງຄວາມຮູ້ບຸນຄຸນ ນັກຮົບເສຍສະຫຼະຊີວິດເພື່ອຊາດ

ທ່ານເອກອັກຄະລັດຖະທູດ ຫງວຽນບາຮຸ່ງ ໄດ້ວາງທູບເພື່ອສະແດງຄວາມຮູ້ບຸນຄຸນ ນັກຮົບເສຍສະຫຼະຊີວິດເພື່ອຊາດ. (ພາບ: VOV.VN)

ການຊະນະຂອງບ້ານເກີນ ມີຄວາມຫມາຍທີ່ສໍາຄັນ, ເປັນຂີດໝາຍແຫ່ງສໍາລັບການຮ່ວມມືລາວ - ຫວຽດນາມ ໃນບັນດາມື້ທໍາອິດຂອງການຕໍ່ຕ້ານ, ການປົດປ່ອຍແຫ່ງຊາດຂອງທັງສອງກໍາລັງປະກອບອາວຸດປະຕິວັດສອງຝ່າຍ ຫວຽດນາມ - ລາວ. ສະຖານທີ່ ມີນັກຮົບເສຍສະຫຼະຊີວິດເພື່ອຊາດ ລາວ ແລະ ຫວຽດນາມ ຈຳນວນ 28 ຄົນ ເນື່ອງຈາກຄວາມສາມັກຄີ ແລະ ມິດຕະພາບອັນໃຫຍ່ຫຼວງ ຫວຽດນາມ ແລະ ລາວ.

（ຄຳຮຸ່ງ）