 |
ບັນຍາກາດທີ່ການພົບປະເຈລະຈາ. ພາບ: vovworld.vn
ທີ່ການພົບປະເຈລະຈາ, ຄະນະປະຕິບັດງານພິເສດແຂວງເງ້ອານ ແລະ ຄະນະປະຕິບັດງານພິເສດ 3 ແຂວງຊຽງຂວາງ, ວຽງຈັນ ແລະ ໄຊສົມບູນ ສປປ ລາວ ໄດ້ຕີລາຄາສູງໃນວຽກງານສົມທົບກັນຊອກຫາ, ຂຸດຄົ້ນ ແລະ ທ້ອນໂຮມອັດຖິທະຫານອາສາສະໝັກຫວຽດນາມ ທີ່ເສຍສະຫຼະຊີວິດເພື່ອຊາດໃນລະດູແລ້ງ 2018 - 2019.
ກອງທ້ອນໂຮມແຂວງເງ້ອານໄດ້ຮັບການຊ່ວຍເຫຼືອຢ່າງສຸດຈິດສຸດໃຈ, ສ້າງເງື່ອນໄຂສະດວກທີ່ສຸດຈາກບັນດາທ້ອງຖິ່ນເພື່ອນມິດລາວ, ບົນພື້ນຖານນໍ້າໃຈສາມັກຄີແບບພິເສດ; ສາມາດທ້ອນໂຮມອັດຖິນັກຮົບເສຍສະຫຼະຊີວິດເພື່ອຊາດໄດ້ 98 ຊຸດ. ເນື່ອງໃນໂອກາດນີ້, ຄະນະປະຕິບັດງານພິເສດແຂວງເງ້ອານກໍ່ໄດ້ສະເໜີຝ່າຍລາວໃຫ້ການສົມທົບກັນໃນການກໍ່ສ້າງອານຸສາວະລີທະຫານອາສາສະໝັກ ແລະ ຊ່ຽວຊານຫວຽດນາມ ທີ່ເສຍສະຫຼະຊີວິດເພື່ອຊາດຢູ່ເມືອງແປກ, ແຂວງຊຽງຂວາງ ສປປ ລາວ.
（ໄຊພອນ）
