ທີ່ການຕ້ອນຮັບຝ່າຍແຂວງເຫງະອານ ມີ ສະຫາຍ ເລ ເຫງ໋າະຮວາ ຮອງປະທານກຳມະການປະຊາຊົນແຂວງ; ຕ່າງໜ້າພະແນກ ອຸດສາຫະກຳ ແລະ ການຄ້າ, ພະແນກພາຍໃນ ແລະ ສະມາຄົມມິດຕະພາບ ຫວຽດນາມ-ລາວ.
 |
ພາບບັນຍາກາດຂອງການຕ້ອນຮັບ. (ພາບ: ແທັງກວິ່ງ)
ທີ່ການຕ້ອນຮັບຄັ້ງນີ້ ສະຫາຍ ໂພໄຊ ໄຊຍະສອນ ຢືນຢັນວ່າ: ປີ 2018 ທັງສອງແຂວງ: ແຂວງສະຫວັນນະເຂດ ແລະ ແຂວງເຫງະອານ ໄດ້ມີການຮ່ວມມືຢ່າງມີປະສິດທິຜົນໃນທຸກໆຂົງເຂດ. ພິເສດແມ່ນໃນຂົງເຂດການສຶກສາ ເຊິ່ງມີນັກຮຽນລາວ ຫຼາຍຮ້ອຍຄົນເວົ້າລວມ ແລະ ແຂວງສະຫວັນນະເຂດ ເວົ້າສະເພາະ ກຳລັງຄົ້ນຄວ້າ, ຮຳ່ຮຽນຢູ່ ບັນດາ ມະຫາວິທະຍາໄລ ແລະ ວິທະຍາໄລຫຼາຍແຫ່ງຂອງ ແຂວງເຫງະອານ.
ເນື່ອງໃນໂອກາດບຸນປີໃໝ່ 2019, ຄະນະພະນັກງານການນຳແຂວງ ສະຫວັນນະເຂດ ໄດ້ສົ່ງຄຳອວຍພອນອັນປະເສີດ ແລະ ຈົບງາມ ເຖິງ ຄະນະພັກແຂວງ, ອຳນາດການປົກຄອງ ແລະ ປະຊາຊົນແຂວງເຫງະອານ, ຫວັງວ່າແຂວງຈະບັນລຸໄດ້ບັນດາໝາກຜົນ ກໍ່ຄືປະສົບຜົນສຳເລັດໃຫ້ການຈັດຕັ້ງປະຕິບັດວຽກງານໃນທຸກໆຂົງເຂດ ແລະ ສືບຕໍ່ຮັດແໜ້ນຄວາມສາມັກຄີມິດຕະພາບ ລະຫວ່າງ ສອງແຂວງໃຫ້ນັບມື້ນັບຍືນຍົງຍິ່ງໆຂື້ນ.
 |
ຄະນະພະນັກງານແຂວງສະຫວັນນະເຂດ ໄດ້ມອບຊໍ່ດອກໄມ້ ແລະ ອວຍພອນປີໃໝ່ແກ່ກຳມະການປະຊາຊົນແຂວງເຫງະອານ. (ພາບ: ແທັງກວິ່ງ)
ສະຫາຍ ເລ ເຫງະຮວາ ຮອງປະທານກຳມະການປະຊາຊົນແຂວງ ໄດ້ສະແດງຄວາມຂອບອົກຂອບໃຈ ແລະ ຍອມຮັບ ເຖິງບັນດານຳ້ໃຈອັນຊື່ສັດ ຂອງອຳນາດການປົກຄອງ ແລະ ປະຊາຊົນແຂວງສະຫວັນນະເຂດ ທີ່ມອບໃຫ້ແຂວງເຫງະອານ, ທ່ານຍັງໄດ້ສົ່ງໄດ້ຝາກຖາມຂ່າວຖາມຄາວ ແລະ ອວຍພອນເຖິງການນຳ ແລະ ປະຊາຊົນແຂວງສະຫວັນນະເຂດ.
ທ່ານຮອງປະທານກຳມະການປະຊາຊົນແຂວງ ຫວັງເປັນຢ່າງຍິ່ງວ່າຈາກໝາກຜົນເບື້ອງຕົ້ນ, ສາຍພົວພັນຮ່ວມມື ລະຫວ່າງ ຄະນະພັກ, ອຳນາດການປົກຄອງ ແລະ ປະຊາຊົນສອງແຂວງ ຍືນຍົງຕະຫຼອດການ.
（ຫັດທະບູນ）
