 |
ທ່ານ ເຈິ່ນລຶວກວາງ ອວຍພອນທ່ານນາງ ພິມພາ ແກ້ວມີໄຊ ເນື່ອງໃນໂອກາດສົ່ງທ້າຍປີເກົ່າຕ້ອນຮັບປີໃໝ່ລາວ. (ພາບ: ສໍານັກຂ່າວສານຫວຽດນາມ)
ທ່ານ ເຈິ່ນລຶວກວາງ ອວຍພອນທ່ານນາງ ພິມພາ ແກ້ວມີໄຊ ຫົວໜ້າສະຖານກົງສູນໃຫຍ່ລາວ ປະຈໍານະຄອນໂຮ່ຈິມິນ ພ້ອມກັບພະນັກງານ, ພາລະກອນສະຖານກົງສູນໃຫຍ່ໃຫ້ມີສຸຂະພາບເຂັ້ມແຂງ, ມີຄວາມຜາສຸກ, ປະຕິບັດໜ້າທີ່ຂອງຕົນເປັນຢ່າງດີ; ພ້ອມກັບນະຄອນໂຮ່ຈິມິນ ປະກອບສ່ວນເພີ່ມພູນຄູນສ້າງສາຍພົວພັນມິດຕະພາບ, ຄວາມສາມັກຄີແບບພິເສດ ແລະການຮ່ວມມືຮອບດ້ານລະຫວ່າງສອງປະເທດໃຫ້ນັບມື້ນັບໝັ້ນຄົງ, ພັດທະນາຕື່ມອີກ.
ທ່ານນາງ ພິມພາ ແກ້ວມີໄຊ ສະແດງຄວາມຂອບອົກຂອບໃຈການໜູນຊ່ວຍ, ຊ່ວຍເຫຼືອຂອງລັດຖະບານ ແລະປະຊາຊົນຫວຽດນາມ ຕໍ່ລັດຖະບານ ແລະປະຊາຊົນລາວ, ກໍ່ຄືຄວາມເອົາໃຈໃສ່ຢ່າງຮອບຄອບຖີ່ຖ້ວນຂອງນະຄອນໂຮ່ຈິມິນ ຕໍ່ສະຖານກົງສູນໃຫຍ່ລາວ ໃນໄລຍະຜ່ານມາ. ທ່ານນາງກໍ່ປາດຖະໜາຢາກສືບຕໍ່ໄດ້ຮັບການຮ່ວມມື, ຊ່ວຍເຫຼືອຈາກນະຄອນໃນຊຸມປີຕໍ່ໜ້າ.
 |
ທ່ານ ເຈິ່ນລຶວກວາງ ເຂົ້າຮ່ວມພິທີບາສີສູ່ຂວັນເນື່ອງໃນໂອກາດບຸນປີໃໝ່ລາວ. (ພາບ: ສໍານັກຂ່າວສານຫວຽດນາມ)
ເມື່ອແບ່ງປັນຄວາມໝາຍປະເພນີຕ້ອນຮັບບຸນປີໃໝ່ຂອງປະເທດລາວ, ທ່ານນາງ ພິມພາ ແກ້ວມີໄຊ ເນັ້ນໜັກວ່າ, ສອງປະເທດຫວຽດນາມ-ລາວ ມີຫຼາຍຈຸດທີ່ຄ້າຍຄືກັນ, ມີສາຍພົວພັນໝັ້ນຄົງ, ສະໜິດຕິດພັນ. ລັດຖະບານ ແລະປະຊາຊົນລາວ ປາດຖະໜາຢາກ ຫວຽດນາມ, ໃນນັ້ນມີນະຄອນໂຮ່ຈິມິນ ຈະຈັດຕັ້ງຫຼາຍກິດຈະກໍາຮ່ວມມືມິດຕະພາບ, ປັບປຸງ, ພັດທະນາສາຍພົວພັນທີ່ເປັນມູນເຊື້ອອັນດີງາມກວ່າອີກ, ພ້ອມກັນປະກອບສ່ວນສ້າງສາ ແລະພັດທະນາສອງປະເທດ.
ທ່ານ ເຈິ່ນລຶວກວາງ ແລະຜູ້ແທນນະຄອນໂຮ່ຈິມິນ ໄດ້ເຂົ້າຮ່ວມລາຍການຕ້ອນຮັບບຸນປີໃໝ່ ໂດຍສະຖານກົງສູນໃຫຍ່ ລາວ ຈັດຕັ້ງ, ເຂົ້າຮ່ວມບັນດາພິທີການ ຄື: ພິທີບາສີສູ່ຂວັນ, ພິທີຫົດນໍ້າ...
（ແຫຼ່ງຂໍ້ມູນ： ທະນາພອນ/ກປ.ອອນໄລ）
