ພິທີໄວ້ອາໄລ, ມອບ-ຮັບອັດຖິທະຫານອາສາສະໝັກ, ນັກຊ່ຽວຊານ ຫວຽດນາມ ທີ່ເສຍສະຫຼະຊີວິດຢູ່ລາວກັບຄືນປະເທດ. ພາບ:vovworld.vn

ໃນລະຫວ່າງວັນທີ 7 – 8 ພຶດສະພາ 2019, ຄະນະປະຕິບັດງານພິເສດນະຄອນຫຼວງວຽງຈັນ ແລະ ແຂວງບໍລິຄຳໄຊ, ປະເທດລາວໄດ້ຈັດຕັ້ງພິທີໄວ້ອາໄລ ແລະ ມອບ-ຮັບອັດຖິທະຫານອາສາສະໝັກ, ນັກຊ່ຽວຊານ ຫວຽດນາມ 7 ຊຸດທີ່ເສຍສະຫຼະຊີວິດ ເມື່ອປະຕິບັດໜ້າທີ່ ສາກົນຢູ່ລາວ ກັບຄືນປະເທດ. ສະເພາະການທ້ອນໂຮມນັບແຕ່ເດືອນກຸມພາ ຫາ ເດືອນເມສາ ຂອງປີນີ້, ສາມາດທ້ອນໂຮມໄດ້ອັດຖິ 7 ຊຸດຢູ່ນະຄອນຫຼວງວຽງຈັນ ແລະ ແຂວງບໍລິຄຳໄຊ ແລະ ໄດ້ນຳມາປົງຢູ່ສຸສານນັກຮົບເສຍສະຫຼະຊີວິດເພື່ອຊາດແຂວງຮ່າຕິ້ງ.

ນັບແຕ່ປີ 1999 ມາຮອດປັດຈຸບັນ, ຄະນະປະຕິບັດງານພິເສດແຂວງ ຮ່າຕິ້ງ ສສ ຫວຽດນາມ ໄດ້ສົມທົບກັບຄະນະປະຕິບັດງານພິເສດນະຄອນຫຼວງ ວຽງຈັນ, ແຂວງ ບໍລິຄຳໄຊ, ແຂວງວຽງຈັນ, ຊອກຫາ, ຂຸດຄົ້ນ ແລະ ທ້ອນໂຮມ ອັດຖິທະຫານອາສາສະໝັກ ແລະ ນັກຊ່ຽວຊານ ຫວຽດນາມທີ່ເສຍສະຫຼະຊີວິດ ຢູ່ ລາວໄດ້ 769 ຊຸດ.

（ໄຊພອນ）