 |
ບັນຍາກາດກອງປະຊຸມພົບປະສອງຝ່າຍ.
ທີ່ການຕ້ອນຮັບມີສະຫາຍ ພົນຈັດຕະວາ ບຸນມາ ວົງດາລາ ແສນ ຫົວໜ້າການເມືອງກອງ ບັນຊາການທະຫານແຂວງວຽງຈັນ ພ້ອມຄະນະໃຫ້ການຕ້ອນຮັບ. ເປັນກຽດເຂົ້າຮ່ວມມີທ່ານ ບຸນສອນ ເພັດລາວັນ ຄະນະປະຈຳພັກແຂວງ ຮອງເຈົ້າແຂວງໆ ວຽງຈັນ ທັງເປັນຫົວໜ້າຄະນະ ສະເພາະກິດປະຕິບັດງານພິເສດ ແຂວງວຽງຈັນ.
ໂອກາດນີ້ສະຫາຍພົນຈັດຕະ ວາ ບຸນມາ ວົງດາລາແສນ ໄດ້ ລາຍງານການຈັດຕັ້ງປະຕິບັດ ວຽກງານການຊອກຂຸດຄົ້ນອັດຖິ ທະຫານອາສາສະໝັກ ແລະ ຊ່ຽວຊານຫວຽດນາມທີ່ເສຍສະຫຼະຊີວິດໃນປາງສົງຄາມຢູ່ລາວ ເປັນຕົ້ນແມ່ນຢູ່ແຂວງວຽງຈັນ, ໂດຍປະຕິບັດຕາມບົດບັນທຶກ ຂອງກອງປະຊຸມຂອງຄະນະສະເພາະກິດປະຕິບັດງານພິເສດ 4 ແຂວງ, ຊຽງຂວາງ, ວຽງຈັນ, ໄຊສົມບູນ (ສປປ ລາວ) ແລະ ແຂວງແຫງະອານ (ສສ ຫວຽດ ນາມ), ຄັ້ງວັນທີ 26 ກັນຍາ 2018 ຢູ່ທີ່ຫ້ອງວ່າການປົກຄອງແຂວງຊຽງຂວາງ ກ່ຽວກັບ ວຽກງານຊອກຄົ້ນເຕົ້າໂຮມຮ່າງ ອັດຖິ ນັກຮົບອາສາສະໝັກ ແລະ ຊ່ຽວຊານຫວຽດນາມທີ່ເສຍສະຫຼະຊີວິດຢູ່ລາວສົກປີ 2018-2019.
ເຊິ່ງຜ່ານມາຄະນະປະຈຳພັກແຂວງ, ອົງການປົກຄອງ ທ້ອງຖິ່ນຂັ້ນເມືອງ, ບ້ານ, ຕະຫຼອດຮອດພະນັກງານທະຫານ, ຕຳຫຼວດ, ພໍ່ແມ່ປະຊາຊົນບັນດາເຜົ່າກໍໄດ້ເອົາໃຈໃສ່ຊີ້ນຳ-ອຳນວຍຄວາມສະດວກ ແລະ ໃຫ້ການຮ່ວມມືແກ່ຄະນະສະເພາະ ກິດທັງສອງຝ່າຍ ເຊິ່ງຜ່ານມາ ການຊອກຄົ້ນ ແລະ ຂຸດຄົ້ນແມ່ນ ຍັງພົບຄວາມຫຍຸ້ງຍາກພໍສົມຄວນ, ເນື່ອງຈາກສະພາບແວດ ລ້ອມ, ປ່ຽນແປງບັນດາຫຼຸມຝັງສົບຂອງທະຫານອາສາສະໝັກ ແລະ ຊ່ຽວຊານຫວຽດນາມຢູ່ ເຂດທຸລະກັນດານຫ່າງໄກສອກຫຼີກ ທຸລະກັນດານ, ບໍ່ມີໃຜ່ຮູ້, ຜູ້ຮູ້ກໍ່ເຖົ້າແກ່, ເສຍຊີວິດໄປແລ້ວ ເຮັດໃຫ້ຂໍ້ມູນບໍ່ຊັດເຈນທີ່ຕັ້ງຫຼຸມ ຝັງສົບກໍມີການປ່ຽນແປງ, ປ່າຕຶບໜາເຮັດໃຫ້ພົບຄວາມຫຍຸ້ງຍາກ, ຜ່ານການເຄື່ອນໄຫວຊອກຄົ້ນ ແລະ ຂຸດຄົ້ນນັບແຕ່ເດືອນຕຸລາປີ 2018 ຕາມແຜນການ ແມ່ນມີ 4 ສົບ, ແຕ່ສາມາດຂຸດ ຄົ້ນໄດ້ພຽງ 2 ຮ່າງອັດຖິເທົ່າກັບ 50% ຂອງແຜນການ.
（ແຫຼ່ງຂໍ້ມູນ： ກອງທັບປະຊາຊົນລາວ）
