 |
ທ່ານ ເຈີ່ນວັນມຽນ, ຮອງປະທານຄະນະກໍາມະການປະຊາຊົນນະຄອນດ່ານັ້ງ ມອບຂອງຂວັນໃຫ້ສະຖານກົງສຸນໃຫຍ່ລາວ ປະຈໍານະຄອນດ່ານັ້ງ. (ພາບ: cadn.com.vn)
ທ່ານ ເຈີ່ນວັນມຽນ ຢັ້ງຢືນວ່າ, ນະຄອນດ່ານັ້ງ ຍາມໃດກໍ່ຮັກສາ ແລະເສີມຂະຫຍາຍມູນເຊື້ອສາມັກຄີມິດຕະພາບແບບພິເສດ, ຍາວນານລະຫວ່າງສອງປະເທດ ແລະພ້ອມແລ້ວທີ່ຈະໜູນຊ່ວຍສະຖານກົງສຸນໃຫຍ່ລາວ ໃນການເຄື່ອນໄຫວຕ່າງໆ ເພື່ອແນໃສ່ຍູ້ແຮງການຮ່ວມມືຮອບດ້ານສອງຝ່າຍໃຫ້ຂຶ້ນສູ່ລະດັບສູງໃໝ່, ຕອບສະໜອງຄວາມມຸ່ງມາດປາດຖະໜາ ແລະຜົນປະໂຫຍດຂອງປະຊາຊົນສອງປະເທດເວົ້າລວມ ແລະນະຄອນດ່ານັ້ງເວົ້າສະເພາະ.
ທ່ານ ວຽງໄຊ ພົມມະຈັນ ຂອບໃຈທ່ານ ເຈີ່ນວັນມຽນ ພ້ອມກັບຄະນະປະຕິບັດງານນະຄອນດ່ານັ້ງ ທີ່ໄດ້ມາຢ້ຽມຢາມ, ອວຍພອນບຸນປີໃໝ່ ແລະໃຫ້ຮູ້ວ່າ, ທ່ານເອງຈະເປັນຂົວເຊື່ອມຕໍ່ເພື່ອຊຸກຍູ້ການຮ່ວມມືຫຼາຍດ້ານລະຫວ່າງນະຄອນດ່ານັ້ງ ກັບບັນດາທ້ອງຖິ່ນຂອງລາວ, ປະກອບສ່ວນຮັກສາ, ເພີ່ມພູນຄູນສ້າງ, ເຮັດໃຫ້ສາຍພົວພັນສາມັກຄີແບບພິເສດ ຫວຽດນາມ-ລາວ ນັບມື້ນັບເລິກເຊິ່ງກວ່າອີກ.
（ແຫຼ່ງຂໍ້ມູນ： ທູຈາງ/ກປ.ອອນໄລ）
