 |
ຄະນະ ພະສົງສຳມະເນ ແລະ ແມ່ຂາວ ພ້ອມທັງປະຊາຊົນຄົນຫວຽດນາມທີ່ກຳລັງດຳລົງຊີວິດ, ຮຳ່ຮຽນ ແລະ ເຮັດວຽກຢູ່ ສປປ ລາວ ໄດ້ຈັດພິທີກຳສູດພາວະນາ ອາໄລໃຫ້ແກ່ ປະທານປະເທດຫຽວດນາມ ເຈີ່ນດ້າຍ ກວາງ.
ຕອນຄ່ຳຂອງວັນທີ 23 ກັນຍານີ້ ຢູ່ ທີ່ວັດ ເຟີ້ດຕິກ (ວັດຫວຽດ) ນະຄອນຫຼວງວຽງຈັນ ຂອງລາວ ພະສົງສຳມະເນ ແລະ ແມ່ຂາວ ພ້ອມທັງປະຊາຊົນຄົນຫວຽດນາມທີ່ກຳລັງດຳລົງຊີວິດ, ຮຳ່ຮຽນ ແລະ ເຮັດວຽກຢູ່ ສປປ ລາວ ໄດ້ຈັດພິທີກຳສູດພາວະນາ ອາໄລໃຫ້ແກ່ ປະທານປະເທດຫຽວດນາມ ເຈີ່ນດ້າຍ ກວາງ. ເຂົ້າຮ່ວມໃນພິທີກຳສູດພາວະນາຄັ້ງນີ້ຍັງມີບັນດາ ພະສົງສຳມະເນ ສະຫະພັນ ພະພຸດທະສາດສະໜາ ລາວ ນະຄອນຫຼວງວຽງຈັນເຂົ້າຮ່ວມນຳອີ.
ໃນງານ ເຈົ້າອາວາດ ທິກມິງກ ກວາງ ເຈົ້າອາວາດປະຈຳວັດ ເຟີ້ດຕິກ(ວັດຫວຽດ) ໃຫ້ຮູ້ວ່າ: ມັນເປັນມູນເຊື້ອມາແລ້ວ ແຕ່ລະປີ ທ່ານປະທານປະເທດ ເຈີ່ນດ້າຍ ກວາງ ໄດ້ຕ້ອງໄດ້ສົ່ງຈົດໝາຍມາອວຍພອນປີໃໝ່ມາຍັງບັນດາຫຼານນ້ອຍເຍົາວະຊົນ ທັງພາຍໃນ ແລະ ຕ່າງປະເທດ. ປີນີ້ກ່ອນທີ່ທ່ານຈະເຖິງແກ່ກຳ , ທ່ານປະທານປະເທດກໍ່ໄດ້ສົ່ງຈົດໝາຍມາອວຍພອນ ບຸນໄຫວ້ພະຈັນມາຍັງບັນດາຫຼານນ້ອຍເຍົາວະຊົນ ສະແດງເຖິງຄວາມເອົາໃຈໃສ່ພິເສດຂອງທ່ານປະທານປະເທດຕໍ່ກັບໜໍ່ແໜງເຍົາວະຊົນ. ປະທານປະເທດຈາກໄປຢ່າງບໍ່ມີວັນຫວນກັບ ປະໄວ້ພຽງຄວາມຮູ້ສຶກໂສກເສົ້າ ອາໄລຫາ ຂອງບັນດາ ພະສົງ ສຳມະເນນ ກໍ່ຄືປະຊາຊົນຄົນຫວຽດນາມ ຢູ່ ນະຄອນຫຼວງວຽງຈັນເວົ້າສະເພາະ ແລະ ທົ່ວປະເທດລາວ ເວົ້າລວມ.
 |
ຄະນະ ພະສົງສຳມະເນ ແລະ ແມ່ຂາວ ພ້ອມທັງປະຊາຊົນຄົນຫວຽດນາມທີ່ກຳລັງດຳລົງຊີວິດ, ຮຳ່ຮຽນ ແລະ ເຮັດວຽກຢູ່ ສປປ ລາວ ໄດ້ຈັດພິທີກຳສູດພາວະນາ ອາໄລໃຫ້ແກ່ ປະທານປະເທດຫຽວດນາມ ເຈີ່ນດ້າຍ ກວາງ.
ໃນບັນຍາກາດແຫ່ງຄວາມເສົ້າສະຫຼົດໃຈນີ້ ບັນດາພະສົງ ສຳມະເນນ ສອງຊາດ ລາວ-ຫວຽດນາມ ແລະ ມວນປະຊາຊົນຊາວຫວຽດນາມ ຢູ່ ນະຄອນຫຼວງວຽງຈັນ ໄດ້ຮ່ວມກັນ ພາວະນາໃຫ້ແກ່ປະທານປະເທດ ຫວຽດນາມ ເຈີ່ນດ້າຍກວາງ ໃຫ້ໄປສູ່ສຸຂະຕິ ແລະ ສະຫວັນຊັ້ນຟ້າ.
“ ໃນຄະນະທີ່ສຸຂະພາບບໍ່ດີຈັ່ງຊັ້ນທ່ານປະທານປະເທດຍັງ ຂຽນຈົດໝາຍ ອວຍພອນ ວັນບຸນໄຫວ້ພະຈັນ ໃຫ້ແກ່ຫຼານນ້ອຍເຍົາວະຊົນ ເຮັດໃຫ້ພວກອັດຕະມາມີຄວາມຕື້ນຕັນໃຈຫຼາຍ. ບັນດາພະສົງສຳມະເນນ ພິເສດແມ່ນບັນດາຫຼານນ້ອຍເຍົາວະຊົນກໍ່ຮູ້ສຶກຕື້ນຕັນໃຈເປັນຢ່າງສຸດອົກສຸດໃຈ. ທຸກຄົນພ້ອມໃຈກັນເຂົ້າຮ່ວມໃນງານສູດພາວະນາດ້ວຍຈິດໃຈອັນບໍລິສຸດ ລວມພະລັງຜົນບຸນ. ພາວະນາໃຫ້ດວງວິນຍານຂອງ ລຸງ ເຈີ່ນດ້າຍ ກວາງ ໄປສູ່ສຸຂະຕິ ຂື້ນສູ່ສະຫວັນຊັ້ນຟ້າ.”
（ຫັດທະບູນ）
