 |
ພິທີປົງອັດຖິ 21 ອັດຖິ ນັກຮົບວິລະຊົນ ທີ່ເປັນທະຫານອາສາສະໝັກຫວຽດນາມ ທີ່ເສຍສະຫຼະຊີວິດທີ່ສະໜາມຮົບລາວ ທີ່ສຸສານນັກຮົບວິລະຊົນແຫ່ງຊາດ ເສັ້ນທາງເລກທີ 9, ແຂວງ ກວ້າງຈິ. (ພາບ: ກ໋ວກນາມ)
ຕາມການລາຍງານຂອງ ຫ້ອງວ່າການປົກຄອງແຂວງ ກວ້າງຈິ, ນີ້ແມ່ນຄັ້ງທີ 32 ທີ່ທ້ອງຖິ່ນໄດ້ຮັບອັດຖິນັກຮົບຜູ່ເສຍສະຫຼະຊີວິດທີ່ສະໜາມຮົບຂອງ ປະເທດລາວ.
ຈຳນວນອັດຖິຂອງນັກຮົບເທື່ອນີ້ໄດ້ຖືກ ພະນັກງານ, ທະຫານກອງຄົ້ນຫາ ອັດຖິ ຂອງກອງບັນຊາການທະຫານແຂວງ ກວ້າງຈິ ຊອກໄດ້, ຂຸດຂື້ນມາໃນລະດູແລ້ງ ປີ 2017-2018 ທີ່ແຂວງ ສະຫວັນນະເຂດ ( ປະເທດ ລາວ).
ໃນການຊອກຫາ ຂຸດຄົ້ນ ແລະ ນຳບັນດາອັດຖິຂອງນັກຮົບວິລະຊົນກັບມາປົງທີ່ແຜ່ນດິນແມ່ ສະແດງເຖິງໜ້າທີ່ ແລະ ການລະລຶກເຖິງຄຸນງານຄວາມດີ ຂອງບັນດານັກຮົບທີ່ຍ້ອນພາລະກິດອັນຍິ່ງໃຫຍ່ໄດ້ເສຍສະຫຼະເລືອດເນື້ອ ໃຫ້ແກ່ພື້ນຖານຄວາມເປັນເອກກະລາດຂອງປະຊາຊົນບັນດາເຜົ່າ, ເພື່ອຄວາມສະຫງົບສຸກຂອງປະຊາຊົນ.
ອັນນີ້ກໍ່ເປັນຜົນສຳເລັດຂອງມິດຕະພາບອັນໂປ່ງໃສ, ຊື່ສັດ, ຄວາມສາມັກຄີພິເສດເກົ່າແກ່ຂອງປະຊາຊົນສອງປະເທດ ຫວຽດນາມ-ລາວ.
ນອກຈາກ ອັດຖິ 21 ອັດຖິນີ້ແລ້ວ ໃນໂອກາດທີ່ແຂວງກ້ວາງຈິ ກໍ່ຍັງໄດ້ຮັບ ແລະ ປົງອັດຖິລວມ ທີ່ທະຫານກອງຄົ້ນຫາ ຊອກອັດຖິດນັກຮົບວິລະຊົນ ຊອກຫາມາໄດ້ຈາກແຜ່ນດິນລາວ.
ກ່ອນໜ້ານີ້ໜື່ງມື້ ຫ້ອງວ່າການປົກຄອງແຂວງ ກວ້າງບິ່ງ ກໍ່ໄດ້ປົງອັດຖິ ຈຳນວນ 18ອັດຖິ ນັກຮົບວິລະຊົນ ທີ່ເປັນທະຫານອາສາສະໝັກຫວຽດນາມ ເສຍສະຫຼະຊີວິດຢູ່ສະໜາມຮົບ ປະເທດລາວ ທີ່ສຸສານນັກຮົບວິລະຊົນ ບາໂຢກ.
（ຫັດທະບູນ）
