ເມື່ອບໍ່ດົນມານີ້, ຢູ່ດ່ານສາກົນນ້ຳພ້າວ, ຄະນະບໍລິຫານງານຊາວໜຸ່ມແຂວງບໍລິຄຳໄຊ ນຳໂດຍ ສະຫາຍ ແກ້ວອຸດອນ ໄຊປະເສີດ ຮອງເລຂາຄະນະບໍລິຫານງານຊາວໜຸ່ມແຂວງ ພ້ອມດ້ວຍຄະນະ ໄດ້ຕ້ອນຮັບຊາວໜຸ່ມອາສາສະໝັກຊາວໜຸ່ມຕະລຸ່ມບອນ ແຂວງຮ່າຕິ່ງ ສສ ຫວຽດນາມ ເຊິ່ງນຳໂດຍ ສະຫາຍ ຫງວຽນແທ່ງດົງ ຮອງເລຂາຊາວໜຸ່ມແຂວງ, ປະທານສະຫະພັນຊາວໜຸ່ມແຂວງຮ່າຕິງ ພ້ອມດ້ວຍອາສາສະໝັກຊາວໜຸ່ມແພດ ແລະຊາວໜຸ່ມມະຫາວິທະຍາໄລຮ່າຕິ່ງ ທີ່ເດີນທາງມາກວດສຸຂະພາບ ແລະແຈກຢາຍຢາໂດຍບໍ່ເສຍຄ່າໃຫ້ພໍ່ແມ່ປະຊາຊົນເມືອງຄຳເກີດ ແລະສອນພາສາຫວຽດນາມ ໃນໄລຍະ 1 ເດືອນຢູ່ເມືອງວຽງທອງຈຳນວນ 31 ສະຫາຍ, ຍິງ 18 ສະຫາຍ.
 |
ອາສາສະໝັກຊາວໜຸ່ມ ຮ່າຕິ່ງ ເດີນທາງມາກວດສຸຂະພາບໃຫ້ປະຊາຊົນເມືອງຄຳເກີດ. (ພາບ: ຂປລ)
ໂອກາດນີ້, ຄະນະດັ່ງກ່າວໄດ້ເດີນທາງໄປກວດສຸຂະພາບ ແລະແຈກຢາຍຢາໃຫ້ແກ່ພໍ່ແມ່ປະຊາຊົນກຸ່ມບ້ານໂພນຕານ ຈຳນວນ 7 ໝູ່ບ້ານ, ພ້ອມທັງແຈກຢາຍຢາໃຫ້ແກ່ພໍ່ແມ່ປະຊາຊົນຈຳນວນ 50 ແກັດ, ທັງນີ້ກໍເພື່ອປະຕິບັດຕາມບົດບັນທຶກແຮກສ່ຽວຮ່ວມມືຊ່ວຍເຫຼືອເຊິ່ງກັນ ແລະກັນລະຫວ່າງຊາວໜຸ່ມແຂວງບໍລິຄຳໄຊ ແລະຊາວໜຸ່ມແຂວງຮ່າຕິ່ງ ສສ ຫວຽດນາມ.
（ແຫຼ່ງຂໍ້ມູນ： ກປ.ອອນໄລ）
