ພິທີເປີດນຳໃຊ້ດ່ານຊາຍແດນ ດ່ານຊາຍແດນ ນຳ້ແລ້ງ (ເມືອງ ສົບກົບ, ແຂວງ ເຊີນລາ ແລະ ແຂວງ ຫົວພັນ (ສປປ ລາວ). (ພາບ: ຫງວ໋ຽນເກື່ອງ/ສຳນັກຂ່າວຫວຽດນາມ)

ສະຫຍາ ວັນໄຊ ແພງສົມມາ, ກໍາມະການສູນກາງພັກ ປະຊາທິປະໄຕປະຊາຊົນລາວ, ເລຂາພັກແຂວງ, ເຈົ້າແຂວງໆຫົວພັນ, ສປປ ລາວ; ສະຫາຍ ຮວ່າງ ວັນ ເຈິ໋ດ, ເລຂາພັກແຂວງ , ປະທານສະພາປະຊາຊົນແຂວງເຊີນລາ; ພ້ອມທັງການນຳຂອງບັນດາພະແນກການ, ຂະແຫນງການທັງສອງແຂວງ ເຊີນລາ, ແຂວງຫົວພັນ ແລະ ສອງເມືອງ ສົບກົບ, ເມືອງຊອນ ເຂົ້າຮ່ວມພິທີ ແລະ ຕັດແຖບຜ້າເປີດນຳໃຊ້ດ່ານສຳຮອງ ນຳ້ແລ້ງ-ເມືອງເປີ.

ກ່າວປາໄສໃນພິທີເປີດ, ທ່ານປະທານສະພາປະຊາຊົນແຂວງເຊີນລາ ຮ່ວາງ ວັນ ເຈີ໋ດ ໄດ້ກ່າວວ່າ: ຈັດຕັ້ງປະຕິບັດ ສົນທະສັນຍາ ກ່ຽວກັບ ລະບຽບການຄຸ້ມຄອງຊາຍແດນ ແລະ ດ່ານຊາຍແດນທາງບົກ ລະຫວ່າງ ລັດຖະບານ ແຫ່ງສາທາລະນະລັດ ສັງຄົມນິຍົມ ຫວຽດນາມ ແລະ ລັດຖະບານ ສາທາລະນະລັດ ປະຊາທິປະໄຕ ປະຊາຊົນລາວ ໄດ້ລົງນາມໃນວັນທີ 16 ມີນາ 2016; ບົດບັນທຶກກອງປະຊຸມສ່ອງແສງວຽກງານຊາຍແດນ ຄັ້ງທີ XVII ລະຫວ່າງ ຄະນະຜູ້ແທນຊາຍແດນ ແຂວງເຊີນລາ ແລະຄະນະຜູ້ແທນຊາຍແດນແຂວງຫົວພັນ ໄດ້ເຊັນລົງນາມ ໃນວັນທີ 13 ພະຈິກ 2018 ແລະ ຄວາມມຸ້ງມາດປາຖະຫນາຂອງປະຊາຊົນ ສອງແຂວງ; ດ້ວຍນຳ້ໃຈສາມັກຄີ, ມິດຕະພາບພິເສດ ຫວຽດນາມ - ລາວ, ລາວ - ຫວຽດນາມ, ຄະນະພັກ, ອໍານາດການປົກຄອງ ແລະ ປະຊາຊົນບັນດາເຜົ່າ ຂອງແຂວງ ເຊີນລາ ແລະ ຫົວພັນ ໄດ້ເປີດຄູ່ດ່ານຊາຍແດນສຳຮອງ ນຳ້ແລ້ງ - ເມືອງເປີ ຢ່າງເປັນທາງການ.

ປະທານ ຮວ່າງ ວັນ ເຈີ໋ດ ໄດ້ເໜັ້ນໜັກວ່າ: ນີ້ແມ່ນເຫດການ-ການເມືອງ ທີ່ມີຄວາມໝາຍສໍາຄັນຍິ່ງສໍາລັບ ພັກ, ອຳນາດການປົກຄອງ ແລະ ປະຊາຊົນ ສອງຊົນເຜົ່າ ແຂວງເຊີນລາ-ແຂວງຫົວພັນ ແລະ ສອງປະເທດ ຫວຽດນາມ - ລາວ. ດ້ວຍມູນເຊື້ອຄວາມສາມັກຄີ, ມິດຕະພາບພິເສດ ແລະ ຮ່ວມມືຮອບດ້ານ ລະຫວ່າງ ແຂວງເຊີນລາ ແລະ ບັນດາແຂວງພາກເໜືອເວົ້າລວມ, ແຂວງຫົວພັນເວົ້າລວມ ນັບມື້ນັບໄດ້ຮັບການພັດທະນາ.
ກ່າວຄຳປາໄສໃນພິທີ, ເຈົ້າແຂວງໆ ຫົວພັນ ພັນໄຊ ແພງສົມມາ ໄດ້ເນັ້ນຫນັກວ່າ: ການເປີດດ່ານຊາຍແດນສຳຮອງນີ້ແມ່ນມີຄວາມຈໍາເປັນຫຼາຍ ແລະ ມີຄວາມໝາຍສໍາຄັນ, ຕອບສະໜອງຄວາມຕ້ອງການຂອງການນຳທັງສອງເມືອງ ເມືອງຊອນ - ສົບກົບ; ສ້າງເງື່ອນໄຂສະດວກໃຫ້ແກ່ປະຊາຊົນ ສອງຟາກຊາຍແດນ ເດີນທາງໄປມາ ແລະ ຢ້ຽມຢາມຍາດຕິພີ່ນ້ອງ, ແລກປ່ຽນສິນຄ້າ ແລະ ສະຫນອງການບໍລິການ ກໍ່ຄື ການຄຸ້ມຄອງ ປະຊາຊົນ, ພາຫະນະ, ການນຳເຂົ້າ-ສົ່ງອອກ ສິນຄ້າ ເພື່ອຮັບປະກັນຕາມກົດລະບຽບ, ສະກັດກັນ ແລະ ແກ້ໄຂບັນຫາ ທີ່ມີຄວາມຫຍຸ້ງຍາກ, ສັບສົນ ໃນຂົງເຂດຊາຍແດນ, ເຮັດໃຫ້ຊີວິດການເປັນຢູ່ຂອງປະຊາຊົນໄດ້ຮັບການປັບປຸງ; ພ້ອມດຽວກັນນັ້ນ, ເພີ່ມທະວີຄູນສ້າງມູນເຊື້ອຄວາມສາມັກຄີ, ສາຍພົວພັນຈິງໃຈໂປ່ງໃສ ລະຫວ່າງ ສອງປະເທດ ລາວ - ຫວຽດນາມ, ທັງສອງ ແຂວງຫົວພັນ - ເຊີນລາ ນັບມື້ນັບໄດ້ຮັບການພັດທະນາ.

ແຂວງ ເຊີນລາ ແລະ ແຂວງຫົວພັນ ມີເສັ້ນຊາຍແດນຮ່ວມກັນ ຍາວ 242 ກິໂລແມັດ, ມີຫຼັກໝາຍຊາຍແດນແຫ່ງຊາດ ຈຳນວນ 113 ຫຼັກ, ມີຄູ່ດ່ານຊາຍແດນຫຼັກ ຈຳນວນ ສອງແຫ່ງ, ຄູ່ດ່ານຊາຍແດນສຳຮອງ ແລະ ມີບາງຈຸດ່ານຊາຍແດນສຳຮອງເພື່ອຮັບໃຊ້ປະຊາຊົນພາຍໃນຂົງເຂດຊາຍແດນທັງສອງຟາກ ໃນການເຂົ້າອອກເພື່ອ ໄປຢ້ຽມຢາມຍາດຕິພີ່ນ້ອງ, ຊື້-ຂາຍ, ແລກປ່ຽນສິນຄ້າ. ໃນຊຸມປີທີ່ຜ່ານມາ, ຈັດຕັ້້ງປະຕິບັດແນວທາງນະໂຍບາຍຂອງສອງພັກ, ສອງລັດ, ຫວຽດນາມ-ລາວ, ກ່ຽວກັບເພີ່ມທະວີສາຍພົວພັນ, ຮ່ວມມືຮອບດ້ານ ຫວຽດນາມ-ລາວ, ຄະນະພັກ, ອຳນາດການປົກຄອງຂອງສອງແຂວງເຊີນ-ຫົວພັນ ໄດ້ຜັນຂະຫຍາຍ ແຜນການຮ່ວມມື, ພັດທະນາ ໃນທຸກໆຂົງເຂດເສດຖະກິດ - ສັງຄົມ, ປ້ອງກັນຊາດ - ປ້ອງກັນຄວາມສະຫົງບສຸກ, ການຕ່າງປະເທດ, ປັບປຸງລະບົບການເມືອງ; ປະກອບສ່ວນໃນການກໍ່ສ້າງເສັ້ນຊາຍແດນ ສອງປະເທດເຂັ້ມແຂງ ແລະ ການພັດທະນາຮອບດ້ານ.

（ຫັດ​ທະ​ບູນ）