 |
ພະແນກສາທາລະນະສຸກແຂວງຮ່າຕິ້ງ ແລະພະແນກສາທາລະນະສຸກແຂວງບໍລິຄໍາໄຊ ລົງນາມໃນບົດບັນທຶກຊ່ວຍຈໍາການຮ່ວມມືປ້ອງກັນ ແລະຕ້ານໂລກພະຍາດ. (ພາບ: baohatinh.vn)
ຝ່າຍແຂວງບໍລິຄຳໄຊນຳໂດຍ ທ່ານ ດຣ. ສອນໄຊ ປັນຍານຸວົງ ຫົວໜ້າພະແນກສາທາລະນະສຸກແຂວງ ບໍລິຄຳໄຊ ພ້ອມດ້ວຍຄະນະ, ຝ່າຍແຂວງຮ່າຕິ້ງນຳໂດຍທ່ານ ເລ້ ງອກເຈົ່າ ຫົວໜ້າພະແນກສາທາລະນະສຸກແຂວງ ຮ່າຕິ້ງ ພ້ອມດ້ວຍຄະນະ ທັງນີ້ກໍ່ເພື່ອປະຕິບັດຕາມບົດບັນທຶກຂອງຄະນະຜູ້ແທນຂັ້ນສູງ ລະຫວ່າງແຂວງບໍລິຄຳໄຊສປປ ລາວ ແລະ ແຂວງ ຮ່າຕີ່ງ ສສ ຫວຽດນາມ ຄັ້ງວັນທີ 27 ທັນວາ 2016 ທີ່ນະຄອນຮ່າຕິ້ງ ສສ ຫວຽດນາມ ຍຸດທະສາດດ້ານສາທາລະນະສຸກຢູ່ໃນພາກພື້ນກໍ່ຄືລະຫວ່າງຊາດເວົ້າລວມ, ເວົ້າສະເພາະແມ່ນດ້ານການຕິດຕາມ ແລະ ເຝົ້າລະວັງພະຍາດຕິດຕໍ່ຕາມຊາຍແດນລະຫວ່າງພະແນກສາທາລະນະສຸກແຂວງ ບໍລິຄຳໄຊ ແລະ ແຂວງ ຮ່າຕີ່ງ ຄັ້ງວັນທີ 17 ກໍລະກົດ 2017 ທີ່ແຂວງ ຮ່າຕິ້ງ.
ກອງປະຊຸມປຶກສາຫາລືລະຫວ່າງສອງຝ່າຍໄດ້ເຄື່ອນໄຫວຈັດຕັ້ງປະຕິບັດຕາມເນື້ອໃນບົດບັນທຶກຂອງກອງປະຊຸມວຽກງານການຄວບຄຸມພະຍາດຕິດຕໍ່ລະຫວ່າງສອງແຂວງ ທີ່ໄດ້ຕົກລົງການຄັ້ງທີ 2, ພ້ອມກັນນັ້ນກໍ່ໄດ້ຕົກລົງຄົ້ນຄວ້າປຶກສາຫາລືແລກປ່ຽນຂໍ້ມູນ ແລະ ຖອດຖອນບົດຮຽນ, ປະກອບຄຳຄິດເຫັນຮ່ວມກັນ ບົນພື້ນຖານຄວາມຖືກຕ້ອງສອດຄ່ອງຕາມນະໂຍບາຍຂອງສອງລັດຖະບານລາວ - ຫວຽດນາມ ກໍ່ຄືສອງແຂວງແຮກສ່ຽວ ບໍລິຄຳໄຊ ແລະ ແຂວງ ຮ່າຕີ່ງ ທີ່ມີສາຍພົວພັນມາແຕ່ດົນນານ ເພື່ອເຮັດໃຫ້ວຽກງານສາທາລະນະສຸກທັງສອງແຂວງໄດ້ປັບປຸງໃຫ້ດີຂຶ້ນ ໂດຍສະເພາະແມ່ນວຽກງານຄວບຄຸມພະຍາດຕິດຕໍ່ແນວຊາຍແດນ, ວຽກງານການກວດກາອາຫານ ແລະ ຢາ ຕາມດ່ານອອກ-ເຂົ້າເມືອງຂອງແຕ່ລະປະເທດຕາມຂໍ້ຕົກລົງລະບຽບສາທາລະນະສຸກສາກົນວາງອອກ. ທັງສອງຝ່າຍເຫັນດີຕົກລົງເຫັນດີເປັນເອກະພາບບາງເນື້ອໃນເປັນຕົ້ນແມ່ນ ເປັນເຈົ້າການໃນການປະສານສົມທົບຮ່ວມກັນຈັດຕັ້ງປະຕິບັດເນື້ອໃນບົດບັນທຶກການຮ່ວມມືກວດກາພະຍາດຕາມຊາຍແດນລະຫວ່າງສອງຊາດ ລາວ - ຫວຽດນາມ ເຊິ່ງໄດ້ລະບຸໄວ້ລະຫວ່າງສອງລັດຖະບານສອງປະເທດລາວ - ຫວຽດນາມ ແລະ ຫວ່າງອຳນາດປົກຄອງສອງແຂວງ ບໍລິຄຳໄຊ - ຮ່າຕິ້ງ ແລະ ຂໍ້ກຳນົດວ່າດ້ວຍວຽກງານສາທາລະນະສຸກສາກົນ ແລະ ລະບຽບອື່ນໆ.
ລົງນາມໃນການເຊັນບົດບັນທຶກໃນຄັ້ງນີ້ ຝ່າຍແຂວງບໍລິຄຳໄຊໂດຍແມ່ນ ທ່ານ ດຣ. ສອນໄຊ ປັນຍານຸວົງ ຫົວໜ້າພະແນກສາທາລະນະສຸກແຂວງ ບໍລິຄຳໄຊ ພ້ອມດ້ວຍຄະນະ, ຝ່າຍແຂວງຮ່າຕິ້ງນຳໂດຍທ່ານ ເລ້ ງອກເຈົ່າ ຫົວໜ້າພະແນກສາທາລະນະສຸກແຂວງ ຮ່າຕິ້ງ ໂດຍຊ້ອງໜ້າຜູ້ແທນທັງສອງຝ່າຍເຂົ້າຮ່ວມເປັນສັກຂີພິຍານ ໂອກາດນີ້ຜູ້ແທານທັງສອງແຂວງກໍ່ໄດ້ມອບຂອງຂວັນທີ່ລະນຶກໃຫ້ເຊິ່ງກັນ ແລະ ກັນຕື່ມອີກ.
（ຫັດທະບູນ）
