 |
ການລາດຕະເວນ ສອງຝ່າຍ ລາວ-ຫວຽດນາມ.(ພາບ: ວັນຫຼີ)
ສອງຝ່າຍໄດ້ຈັດຕັ້ງການລາດຕະເວນສອງຝ່າຍ ຈາກ ຫຼັກແດນ ທີ 772 ຫາ 776 ເພື່ອກວດກາສະພາບການ, ຫຼັກໝາຍຊາຍແດນ ແລະ ຄວາມເປັນລະບຽບຮຽບຮ້ອຍຕາມແນວຊາຍແດນ. ທັງສອງກົມກອງໄດ້ແລກປ່ຽນຂໍ້ມູນຂ່າວສານ ແລະ ແກ້ໄຂບັນຫາທີ່ກ່ຽວຂ້ອງກັບສະພາບການ, ຄວາມເປັນລະບຽບຮຽບຮ້ອຍຕາມແນວຊາຍແດນ ຂື້ນກັບຄວາມຮັບຜິດຊອບຂອງແຕ່ລະກົມກອງ.
ນີ້ແມ່ນການເຄື່ອນໄຫວເປັນປະຈຳ ເພື່ອເຮັດບັນດາເນື້ອໃນຂອງບົດບັນທືກ ລະຫວ່າງ ກອງບັນຊາການ ທະຫານຊາຍແດນ ແຂວງກອນຕູມ (ຫວຽດນາມ) ແລະ ກອງບັນຊາການທະຫານແຂວງອັດຕະປື (ສປປ ລາວ) ໄດ້ລົງນາມໄປແລ້ວນັ້ນໃຫ້ປະກົດຜົນເປັນຈິງ.
ພັນຕີ ຫງວ໋ຽນ ວິງຮຸ່ງ ຮອງຫົວໜ້າຄ້າຍທະຫານ ປ້ອງກັນຊາຍແດນ ດັກລ໋ອງ, ທະຫານຊາຍແດນແຂວງ ກອນຕູມ ໄດ້ໃຫ້ຮູ້ວ່າ: ຜ່ານການປະສານສົມທົບກັນໃນການລາດຕະເວນສອງຝ່າຍ ໄດ້ເຫັນຢ່າງຊັດເຈນວ່າ ເສັ້ນຊາຍແດນ, ຫຼັກໝາຍຊາຍແດນ ຍັງຄົງສະພາບເດີມ ບໍ່ຖືກເຂື່ອນຍ້າຍ ຫຼືເປ່ເພແຕ່ຢ່າງໃດໆ; ຄວາມໝັ້ນຄົງດ້ານການເມືອງ ແລະ ຄວາມເປັນລະບຽບຮຽບຮ້ອຍທັງສັງຄົມ ຍັງຄົງເປັນປົກກະຕິ. ບໍ່ມີການລັກລອບເຂົ້າເມືອງຢ່າງຜິດກົດໝາຍແຕ່ໃດໆ.
ທັງສອງກໍ່ໄດ້ເຫັນດີເປັນເອກກະພາບກັນດ້ານເວລາ, ສະຖານທີ່ຂອງຫຼັກໝາຍຊາຍແດນທີ່ຈະຈັດການລາດຕະເວນໃນຄັ້ງຕໍ່ໄປ.
（ຫັດທະບູນ）
