ທ່ານເອກອັກຄະລັດຖະທູດ ດັ້ງດິ່ງກຸ໊ຍ, ຫົວໜ້າຄະນະຜູ້ຕາງໜ້າ ຫວຽດນາມ ປະຈຳ ສປຊ (ພາບ: TTXVN)

ທີ່ກອງປະຊຸມ, ທ່ານ Mahamed Ibn Chamnas, ຜູ້ຕາງໜ້າພິເສດຂອງ ເລຂາທິການໃຫຍ່, ຫົວໜ້າຫ້ອງການ UNOWAS ໄດ້ສະເໜີບົດລາຍງານກ່ຽວກັບສະພາບການຢູ່ພາກພື້ນ ແລະ ການເຄື່ອນໄຫວຂອງ UNOWAS ໃນ 6 ເດືອນທີ່ຜ່ານມາກໍ່ຄືບັນດາຂໍ້ສະເໜີຕ່າງໆ.

ທີ່ກອງປະຊຸມ, ທ່ານເອກອັກຄະລັດຖະທູດ ດັ້ງດິ່ງກຸ໊ຍ, ຫົວໜ້າຄະນະຜູ້ຕາງໜ້າ ຫວຽດນາມ ປະຈຳ ສປຊ, ປະທານສະພາຄວາມໝັ້ນຄົງສະຫະປະຊາຊາດ ເດືອນມັງກອນ 2020 ມີບົດປະກອບຄຳເຫັນດ້ວຍຖານະເປັນຜູ້ຕາງໜ້າປະເທດ ທ່ານຕີລາຄາສູງໝາກຜົນການປະຕິບັດວຽກງານ ຂອງ UNOWAS ໃນໄລຍະທີ່ຜ່ານມາ ແລະ ສະໜັບສະໜູນບັນດາຄວາມມານະພະຍາຍາມ, ຂໍ້ລິ້ເລີ່ມຂອງ ອົງການນີ້. ຕໍ່ໜ້າຄວາມໝັ້ນຄົງໃນພາກພື້ນທີ່ກຳລັງມີທ່າອ່ຽງຮ້າຍແຮງລົງນັ້ນ, ຫວຽດນາມສະເໜີໃຫ້ ບັນດາປະເທດ ແລະ ອົງການຈັດຕັ້ງໃນພາກພື້ນຄື ກຸ່ມ G5 Sahel, ຈົ່ງສືບຕໍ່ມານະພະຍາຍາມຮ່ວມມືກັນຕ້ານການກໍ່ການຮ້າຍ ແລະ ອາດຊະຍາກຳທີ່ມີການຈັດຕັ້ງ, ພ້ອມທັງຜັນຂະຫຍາຍບັນດາມາດຕະການເພື່ອແນໃສ່ຊຸກຍູ້ການພັດທະນາ, ແກ້ໄຂສາຍເຫດຕົ້ນຕໍຂອງການຂາດສະຖຽນລະພາບ, ລວມມີບັນດາຜົນກະທົບຂອງການປ່ຽນແປງຂອງດິນຟ້າອາກາດສຳລັບສະພາບຄວາມໝັ້ນຄົງໃນພາກພື້ນ.

（ແຫຼ່ງ​ຂໍ້​ມູນ​： http://vovworld.vn）