ທີ່ການຕ້ອນຮັບ, ທ່ານ ຟ້າມບິ່ງມີງ ຢັ້ງຢືນວ່າ ພັກ, ລັດ ແລະປະຊາຊົນຫວຽດນາມ ຍາມໃດກໍ່ຖືເປັນສໍາຄັນການປັບປຸງ ແລະເພີ່ມທະວີການພົວພັນຖານບ້ານໃກ້ເຮືອນຄຽງມິດຕະພາບ, ການຮ່ວມມືຮອບດ້ານກັບພັກ, ລັດ ແລະປະຊາຊົນຈີນ; ສະເໜີໃຫ້ສະຫະພັນບັນດາອົງການຈັດຕັ້ງມິດຕະພາບຫວຽດນາມ, ສະມາຄົມ ມິດຕະພາບພົວພັນຕ່າງປະເທດປະຊາຊົນຈີນ ແລະສະມາຄົມການທູດມະຫາຊົນຈີນ ສົມທົບກັບບັນດາອົງການຜູ້ຕາງໜ້າສອງຝ່າຍ ຈັດຕັ້ງບັນດາກິດຈະກໍາສະເຫຼີມສະຫຼອງ 70 ປີແຫ່ງວັນສ້າງຕັ້ງການພົວພັນທາງການທູດຫວຽດນາມ-ຈີນ ແລະບັນດາກິດຈະກໍາພົບປະແລກປ່ຽນລະຫວ່າງປະຊາຊົນສອງປະເທດໃຫ້ເປັນຢ່າງດີ, ໃນນັ້ນມີເວທີປາໄສປະຊາຊົນຫວຽດນາມ-ຈີນ, ປະກອບສ່ວນຢ່າງແທດຈິງເຂົ້າໃນການປັບປຸງການພົວພັນມິດຕະພາບທີ່ເປັນມູນເຊື້ອ, ຊຸກຍູ້ບັນດາຂົງເຂດຮ່ວມມືມີບາດກ້າວໜ້າພັດທະນາໃໝ່ຢ່າງແທດຈິງ...
 |
ທ່ານ ຟ້າມບິ່ງມີງ, ຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດຫວຽດນາມ ແລະບັນດາຜູ້ແທນ. (ພາບ: TTXVN)
ທ່ານ Hu Zhengyao ຢັ້ງຢືນວ່າ ສະມາຄົມມິດຕະພາບພົວພັນຕ່າງປະເທດປະຊາຊົນຈີນ ແລະສະມາຄົມການທູດມະຫາຊົນຈີນ ຈະສົມທົບກັບສະຫະພັນບັນດາອົງການຈັດຕັ້ງມິດຕະພາບຫວຽດນາມ ຈັດຕັ້ງບັນດາກິດຈະກໍາສະເຫຼີມສະຫຼອງ 70 ປີແຫ່ງວັນສ້າງຕັ້ງການພົວພັນທາງການທູດຫວຽດນາມ-ຈີນ ກໍ່ຄືບັນດາກິດຈະກໍາພົບປະແລກປ່ຽນລະຫວ່າງປະຊາຊົນສອງປະເທດໃຫ້ເປັນຢ່າງດີ, ປະກອບສ່ວນຊຸກຍູ້ການພົວພັນຄູ່ຮ່ວມມືຍຸດທະສາດຮອບດ້ານຫວຽດນາມ-ຈີນ.
ກ່ອນໜ້ານັ້ນ, ນັບແຕ່ວັນທີ 25 – 28 ທັນວາ 2019, ສອງຝ່າຍໄດ້ສົມທົບກັນຈັດຕັ້ງ ເວທີປາໄສປະຊາຊົນ ຫວຽດນາມ - ຈີນ ຄັ້ງທີ 11 ຢູ່ ແຂວງເງະອານ ສໍາເລັດຜົນ.
（ແຫຼ່ງຂໍ້ມູນ： la.qdnd.vn）
