ສະຫະປະຊາຊາດ ຍ້ອງຍໍການປະກອບສ່ວນຂອງຫວຽດນາມ ໃນຄວາມມານະພະຍາຍາມຮັກສາສັນຕິພາບ

ພາບປະກອບ

ກ່າວຄໍາເຫັນທີ່ພິທີ, ທ່ານ ດັ້ງດິ່ງກຸ໊ຍ ເອກອັກຄະລັດຖະທູດ, ຫົວໜ້າຄະນະຜູ້ຕາງໜ້າຫວຽດນາມ ປະຈໍາ ສະຫະປະຊາຊາດ ກໍ່ຮັບຮູ້ ແລະຂອບໃຈການປະກອບສ່ວນຂອງບັນດາອົງການໃນລະບົບສະຫະປະຊາຊາດ, ບັນດາສະຫາຍນັກຮົບເກົ່າ ແລະເພື່ອນມິດສາກົນຕໍ່ກັບພາລະກິດປົດປ່ອຍຊາດ, ປົກປັກຮັກສາປະເທດຊາດ ແລະປະຕິບັດພັນທະສາກົນຄືເຂົ້າຮ່ວມກໍາລັງຮັກສາສັນຕິພາບສະຫະປະຊາຊາດຂອງຫວຽດນາມ. ອີກເທື່ອໜຶ່ງທ່ານເອກອັກຄະລັດຖະທູດໄດ້ຢືນຢັນຄວາມປາດຖະໜາຂອງຫວຽດນາມວ່າຢາກປະກອບສ່ວນໃຫ້ແກ່ການເຄື່ອນໄຫວຮັກສາສັນຕິພາບສະຫະປະຊາຊາດໃນທົ່ວໂລກໃຫ້ຫຼາຍກວ່ານີ້ຕື່ມອີກ.

ສ່ວນ ທ່ານ Jean-Pierre Lacroix ຮອງເລຂາທິການໃຫຍ່ສະຫະປະຊາຊາດ ໄດ້ກ່າວຄໍາເຫັນອວຍພອນກອງທັບປະຊາຊົນຫວຽດນາມ ພ້ອມທັງສົ່ງຄຳຂອບໃຈຢ່າງຈິງໃຈມາຍັງຫວຽດນາມ ຍ້ອນມີການປະກອບສ່ວນໃຫ້ແກ່ສະຫະປະຊາຊາດ, ເປັນຕົ້ນແມ່ນການເຄື່ອນໄຫວຮັກສາສັນຕິພາບ. ທ່ານຮອງເລຂາທິການໃຫຍ່ ສປຊ ໄດ້ເນັ້ນໜັກເຖິງບັນດາການເຄື່ອນໄຫວ ເຊິ່ງຫວຽດນາມ ດໍາເນີນໃນຫວ່າງມໍ່ໆນີ້ ເພື່ອແນໃສ່ປັບປຸງ ແລະ ຍົກສູງຄຸນນະພາບຂອງການເຄື່ອນໄຫວຮັກສາສັນຕິພາບ ສົມກັບເປັນແບບຢ່າງໃຫ້ແກ່ຫຼາຍປະເທດທີ່ສຸດ, ພ້ອມທັງປາດຖະໜາວ່າ ໃນປີໜ້າ, ຈະມີໂອກາດຮ່ວມມືກັບ ຫວຽດນາມ ໃນຂົງເຂດຮັກສາສັນຕິພາບຫຼາຍກວ່າອີກ, ເມື່ອຫວຽດນາມຮັບບົດບາດເປັນກໍາມະການບໍ່ປະຈໍາການສະພາຄວາມໝັ້ນຄົງ ສປຊ ອາຍຸການ 2020 – 2021 ຢ່າງເປັນທາງການ.

（ໄຊພອນ）