 |
ທັດສະນີຍະພາບຂອງກອງປະຊຸມ. (ພາບ: qdnd.vn)
ທ່ານນາຍົກລັດຖະມົນຕີ ລາຊະອານາຈັກກໍາປູເຈຍ ທ່ານຮຸນແຊນ ໄດ້ໃຫ້ການຕ້ອນຮັບ ທ່ານພົນໂທຟານວັນຢາງ ພ້ອມດ້ວຍຄະນະຜູ້ແທນການທະຫານຂັ້ນສູງຫວຽດນາມມາຢ້ຽມຢາມລາຊະອານາຈັກ ກຳ ປູເຈຍຢ່າງເປັນທາງການ ແລະ ເນັ້ນໜັກວ່າ ການຢ້ຽມຢາມລາຊະອານາຈັກ ກໍາປູເຈຍຂອງທ່ານພົນໂທ ຟານວັນຢາງ ແລະ ຄະນະຜູ້ແທນຂັ້ນສູງກອງທັບປະຊາຊົນຫວຽດນາມຄັ້ງນີ້ ແມ່ນເພື່ອແນໃສ່ເພີ່ມທະວີການພົວພັນໄມຕີຈິດມິດຕະພາບ, ຜັນຂະຫຍາຍບົດບັນທຶກຊ່ວຍຈໍາສະບັບຕ່າງໆທີ່ການນໍາຂັ້ນສູງສອງປະເທດໄດ້ລົງນາມ, ນໍາບັນດາເນື້ອໃນການຮ່ວມມືດ້ານປ້ອງກັນຊາດໃຫ້ນັບມື້ນັບເຂົ້າສູ່ລວງເລິກ, ບັນລຸປະສິດທິຜົນ ແລະ ແທດຈິງ ເຊິ່ງເປັນໜຶ່ງໃນບັນດາເສົາຄໍ້າສໍາຄັນໃນການພົວພັນໄມຕີຈິດມິດຕະພາບ, ການຮ່ວມມືຮອບດ້ານ, ໝັ້ນຄົງຂະໜົງແກ່ນ ລະຫວ່າງສອງປະເທດຫວຽດນາມ - ກໍາປູເຈຍ.
 |
ທ່ານພົນໂທ ຟານວັນຢາງ ແລະ ທ່ານນາຍົກລັດຖະມົນຕີ ລາຊະອານາຈັກກໍາປູເຈຍ ທ່ານຮຸນແຊນ. (ພາບ: qdnd.vn)
ໃນການຢ້ຽມຢາມຄັ້ງນີ້, ສອງຝ່າຍ ຈະຕີລາຄາໝາກຜົນຂອງການຈັດຕັ້ງປະຕິບັດບັນດາເນື້ອໃນການຮ່ວມມືໃນໄລຍະຜ່ານມາ ແລະ ແລກປ່ຽນ, ຕົກລົງບັນດາມາດຕະການຮ່ວມມືໃນໄລຍະຈະມາເຖິງ ລະຫວ່່າງກອງເສນາທິການໃຫຍ່ກອງທັບປະຊາຊົນຫວຽດນາມ ກັບ ກອງບັນຊາການໃຫຍ່ກອງທັບລາຊະອານາຈັກ ກໍາປູເຈຍ. ນອກຈາກນັ້ນ, ທ່ານພົນໂທ ຟານວັນຢາງ ເຂົ້າຢ້ຽມຂໍ່ານັບລັດຖະມົນຕີກະຊວງປ້ອງກັນປະເທດ ແລະ ນາຍົກລັດຖະມົນຕີ ກໍາປູເຈຍ; ຕາງໜ້າກະຊວງປ້ອງກັນປະເທດຫວຽດນາມ ປະດັບຫຼຽນໄຊ ຂອງ ລັດຫວຽດນາມ ໃຫ້ແກ່ກົມກອງ, ສ່ວນບຸກຄົນຂອງກອງທັບລາຊະອານາຈັກ ກໍາປູເຈຍ.
ທ່ານນາຍົກລັດຖະມົນຕີ ກຳປູເຈຍ ຮຸນແຊນ ຢືນຢັນວ່າ ລັດຖະບານລາຊະອານາຈັກ ກຳປູເຈຍ ແລະບຸກຄົນທ່ານນາຍົກລັດຖະມົນຕີ ຈະສ້າງເງື່ອນໄຂສະດວກໃຫ້ທະຫານຂອງສອງປະເທດ ປະຕິບັດແຜນການ ແລະ ເນື້ອໃນທີ່ໄດ້ກຳນົດຢ່າງມີປະສິດທິຜົນ, ຮັບປະກັນການຮ່ວມມືດ້ານປ້ອງກັນຊາດ ແລະ ແມ່ນເສົາຄໍ້າທີ່ສຳຄັນ, ມີປະສິດທິຜົນໃນການພົວພັນພິເສດລະຫວ່າງຫວຽດນາມ ແລະ ກຳປູເຈຍ.
（ຄຳຮຸ່ງ）
