ຫວຽດນາມ ເຂົ້າຮ່ວມກອງປະຊຸມລັດຖະມົນຕີຂະບວນການບໍ່ຮ່ວມກຸ່ມ

ທ່ານຮອງລັດຖະມົນຕີ ຫວຽດນາມ ຫງວຽນກວ໊ກຢຸງ.(ພາບ:baodongnai.com.vn)

ກອງປະຊຸມຂັ້ນສູງຂະບວນການບໍ່ຮ່ວມກຸ່ມ ຄັ້ງທີ 18 ຈະດໍາເນີນໃນລະຫວ່າງວັນທີ 25 - 26 ຕຸຸລາ 2019 ຢູ່ຫໍສະພາແຫ່ງຊາດ Baku, ນະຄອນຫຼວງ Baku, ອາແຊັກໄບຢານ. ທີ່ກອງປະຊຸມ, ທ່ານຮອງລັດຖະມົນຕີ ຫວຽດນາມ ຫງວຽນກວ໊ກຢຸງ ໄດ້ຢັ້ງຢືນວ່າ: ດ້ວຍຈໍານວນປະເທດສະມາຊິກແມ່ນ 120 ປະເທດນັ້ນ, ຂະບວນການບໍ່ຮ່ວມກຸ່ມ ແມ່ນກໍາລັງການເມືອງສໍາຄັນ ແລະ ມີສຽງເວົ້າຢ່າງແຮງໃນການປົກປ້ອງຜົນປະໂຫຍດໃຫ້ແກ່ບັນດາປະເທດພວມພັດທະນາ; ຂະບວນການບໍ່ຮ່ວມກຸ່ມຄວນເພີ່ມທະວີຄວາມສາມັກຄີ, ເປັນພື້ນຖານສໍາຄັນຊ່ວຍໃຫ້ຂະບວນການດັ່ງກ່າວ; ພ້ອມກັນນັ້ນບັນດາປະເທດຄວນພ້ອມກັນມານະພະຍາຍາມຊອກຫາບັນດາມາດຕະການປະຕິຮູບກ່ຽວກັບລະບອບລະບຽບການ ແລະ ວິທີການເຮັດວຽກ ເພື່ອແນໃສ່່ເພີ່ມທະວີປະສິດທິຜົນການຮ່ວມມືຂອງຂະບວນການບໍ່ຮ່ວມກຸ່ມ; ບັນດາປະເທດ ອາຊຽນ, ຫວຽດນາມ ຈະມານະພະຍາຍາມກໍ່ສ້າງພາກພື້ນອາຊີຕາເວັນອອກສ່ຽງໃຕ້ໃຫ້ມີສັນຕິພາບ, ສະຖຽນລະພາບ ແລະ ພັດທະນາ.

ນອກຈາກນັ້ນ, ທ່ານຮອງລັດຖະມົນຕີ ຫວຽດນາມ ຫງວຽນກວ໊ກຢຸງ ກໍ່ໄດ້ກ່າວວ່າ: ເຖິງຢ່າງໃດກໍຕາມ, ບັນດາຄວາມມານະພະຍາຍາມນີ້ ພວມຖືກນາບຂູ່ ຈາກສະພາບການສັບສົນຢູ່ທະເລຕາເວັນອອກຫວ່າງມໍ່ໆມານີ້, ພິເສດແມ່ນເລື່ອງລະເມີດສິດອໍານາດອະທິປະໄຕ, ສິດອໍານາດສານຢູ່ເຂດທະເລຂອງຫວຽດນາມ ທີ່ໄດ້ກໍານົດໄວ້ໃນສົນທິສັນຍາ ສປຊ ກ່ຽວກັບກົດໝາຍວ່າດ້ວຍທະເລປີ 1982. ໃນສະພາບການນັ້ນ, ຫວຽດນາມ ໄດ້ຮຽກຮ້ອງບັນດາປະເທດສະມາຊິກໃນຂະບວນການບໍ່ຮ່ວມກຸ່ມ ສະໜັບສະໜູນຄວາມມານະພະຍາຍາມລວມຂອງ ອາຊຽນ ໃນການຮັກສາສັນຕິພາບ, ຄວາມໝັ້ນຄົງ ແລະ ສະຖຽນລະພາບຢູ່ພາກພື້ນ.

（ໄຊພອນ）