ທຸກການເຄື່ອນໄຫວເສດຖະກິດທະເລຂອງ ຫວຽດນາມ ລ້ວນແຕ່ໄດ້ຮັບການຜັນຂະຫຍາຍໃນເຂດເສດຖະກິດຈຳເພາະ ແລະ ເຂດໄຫຼ່ທະວີບຂອງ ຫວຽດນາມ

ທ່ານນາງ ເລທິທູຮັ່ງ ໂຄສົກກະຊວງການຕ່າງປະເທດ ຫວຽດນາມ

ທີ່ກອງປະຊຸມຂ່າວນັດສາມັນ, ທ່ານນາງ ເລທິທູຮັ່ງ ໂຄສົກກະຊວງການຕ່າງປະເທດ ຫວຽດນາມ ໄດ້ກ່າວວ່າ: ຫວຽດນາມ ຮຽກຮ້ອງໃຫ້ ຈີນ ຢຸດຕິການລະເມີດຢ່າງຮ້າຍແຮງນີ້ໃນທັນທີ ແລະ ຖອນກຸ່ມກ່ຳປັ່ນດັ່ງກ່າວອອກຈາກເຂດທະເລຂອງ ຫວຽດນາມ ທັງໝົດ. ກ່ຽວກັບການຖະແຫຼງໃນໄລຍະມໍ່ໆມານີ້ຂອງຝ່າຍ ຈີນ ທີ່ກ່ຽວຂ້ອງເຖິງການເຄື່ອນໄຫວເສດຖະກິດຂອງ ຫວຽດນາມ ຢູ່ເຂດທະເລຂອງຕົນ, ຫວຽດນາມ ຢັ້ງຢືນທັດສະນະສະເໝີຕົ້ນສະເໝີປາຍ ແມ່ນທຸກການເຄື່ອນໄຫວເສດຖະກິດທະເລຂອງ ຫວຽດນາມ, ໃນນັ້ນ ມີການເຄື່ອນໄຫວນ້ຳມັນອາຍແກັດ ລ້ວນແຕ່ໄດ້ຮັບການຜັນຂະຫຍາຍຢູ່ເຂດເສດຖະກິດຈຳເພາະ ແລະ ເຂດໄຫຼ່ທະວີບຂອງ ຫວຽດນາມ ເຊິ່ງໄດ້ກຳນົດຈາກເຂດນ້ຳແດນດິນ ຖືກຕ້ອງຕາມຂໍ້ກຳນົດຂອງສົນທິສັນຍາຂອງສະຫະປະຊາຊາດກ່ຽວກັບກົດໝາຍວ່າດ້ວຍທະເລ 1982 ເຊິ່ງທັງຫວຽດນາມ ແລະ ຈີນ ລ້ວນແຕ່ເປັນສະມາຊິກ.

（ໄຊພອນ）