 |
ຖືເປັນຄັ້ງທຳອິດ ທີ່ມະຫາວິທະຍາໄລ 3 ແຫ່ງຂອງຫວຽດນາມ ຖືກຈັດອັນດັບດີທີ່ສຸດຂອງໂລກ.(ພາບ:baochinhphu.vn)
ໃນນັ້ນມະຫາວິທະຍາໄລແຫ່ງຊາດຮ່າໂນ້ຍ ແລະ ມະຫາວິທະຍາໄລແບັກຄົວ ຮ່າໂນ້ຍນອນຢູ່ໃນກຸ່ມ 801-1.000 ຂອງໂລກ, ເຊິ່ງມະຫາວິທະຍາໄລແຫ່ງຊາດ ໂຮ່ຈີມິງ ນອນຢູ່ໃນກຸ່ມ 1.000 ກວ່າ.
ມະຫາວິທະຍາໄລແຫ່ງຊາດຮ່າໂນ້ຍ ແລະ ມະຫາວິທະຍາໄລແບັກຄົວຮ່າໂນ້ຍ ສາມາດຍາດໄດ້ຄະແນນ 22,2-28,2 ຂອງ THE, ໃນນັ້ນ ມະຫາວິທະຍາໄລແຫ່ງຊາດຮ່າໂນ້ຍມີໂຕຊີ້ວັດທາງດ້ານການຄົ້ນຄວ້າວິທະຍາສາດ ແລະ ເປັນໂຕເຊື່ອມໂຍງສາກົນ ເຊິ່ງມະຫາວິທະຍາໄລແຫ່ງຊາດຮ່າໂນ້ຍ ຖືກຈັດຢູ່ໃນອັນດັບຕົ້ນໆຂອງການຈັດອັນດັບໂລກ ມະຫາວິທະຍາໄລແຫ່ງຊາດ ໂຮ່ຈີມິງ ນອນຢູ່ໃນອັນອັນດັບຕົ້ນຈາກໂຕຊີ້ວັດທາງດ້ານລາຍຮັບຈາກວິສາຫະກິດ. ໃນໂອກາດດຽວກັນ ມະຫາວິທະຍາໄລແບັກຄົວຮ່າໂນ້ຍ ກໍ່ໄດ້ມີໂຕຊີ້ວັດກ່ຽວກັບຜົນອ້າງອີງທາງວິທະຍາສາດທີ່ສູງທີ່ສຸດ.
ປີນີ້ THE ໄດ້ຈັດອັນດັບບັນດາສາຂາຂັ້ນມະຫາວິທະຍາໄລຈຳນວນ 1.395 ສາຂາ ຈາກທັງໝົດ 1.820 ສາຂາທີ່ເຂົ້າຮ່ວມຈັດອັນດັບ. ນີ້ຖືວ່າເປັນຕົວເລກທີ່ດີທີ່ສຸດຂອງການຈັດອັນດັບມະຫາວິທະຍາໄລໂລກຕັ້ງແຕ່ກ່ອນຈົນເຖິງປະຈຸບັນຂອງ THE, ບັນດາສາຂາມະຫາວິທະຍາໄລທີ່ເຂົ້າຮ່ວມຈັດອັນດັບນີ້ມາຈາກ 9 ປະເທດ ໃນທົ່ວພູມິພາກ.
ການຈັດອັນດັບໂລກຂອງ THE ໄດ້ອີງໃສ່ 5 ກຸ່ມມາດຖານຄື: ການສິດສອນ, ການຄົ້ນຄວ້າ, ການວິໄຈອ້າງອີງ ແລະ ລາຍຮັບຈາກວິສາຫະກິດ. ໃນຂົງເຂດອາຊີຕາເວັນຕົກສ່ຽງໃຕ້, ໄທ ມີ 16 ມະຫາວິທະຍາໄລທີ່ເຂົ້າມາຢູ່ໃນ 1.000 ອັນດັບຕົ້ນໆຂອງການຈັດອັນດັບ, ມາເລເຊຍມີ 13 ມະຫາວິທະຍາໄລ, ອິນດເນເຊຍມີ 6 ມະຫາວິທະຍາໄລ ແລະ ສິງກາໂປ 2ມະຫາວິທະຍາໄລ, ບັນດາມະຫາວິທະຍາໄລໃນຂົງເຂດພາກພື້ນໄດ້ຖືກຈັດອັນດັບເທົ່າທຽມກັບມະຫາວິທະຍາໄລແຫ່ງຊາດຮ່າໂນ້ຍ (ກຸ່ມ 801-1.000) ປະກອບມີ: ມະຫາວິທະຍາໄລຈຸລາລົງກອນ (ຢືນຢູ່ອັນດັບ 3 ຂອງໄທ), ມະຫາວິທະຍາໄລເຕນາກາ ແລະ ມະຫາວິທະຍາໄລອູຕາລາ ຂອງມາເລເຊຍ (ຢືນຢູ່ອັນດັບທີ່ 9 ຮ່ວມຂອງມາເລເຊຍ).
（ໄຊພອນ）
