 |
ປິດກອງປະຊຸມສຸດຍອດ ຜູ້ນຳ ຈີ 7 ໂດຍບໍ່ມີການ ອອກຖະແຫລງຮ່ວມ.
ກອງປະຊຸມສຸດຍອດ ຜູ້ນຳປະເທດ ສະມາຊິກຈີ 7 ຈັດຂື້ນຢູ່ປະເທດຝຣັ່ງ ເປັນເວລາ 3 ວັນຜ່ານມາ ໄດ້ອັດລົງ ໂດຍບໍ່ມີການ ອອກຖະແຫລງຮ່ວມ. ສິ່ງດັ່ງກ່າວ ໄດ້ສະແດງ ໃຫ້ເຫັນວ່າ ກຸ່ມປະເທດຈີ 7 ຍັງຄົງມີຄວາມ ຂັດແຍ່ງ ໃນປະເດັນຕ່າງໆ ລວມທັງ ຄວາມພະຍາຍາມ ດ້ານນີວເຄລຍຂອງ ອີຣານ ແລະ ພາວະໂລກຮ້ອນ. ຢ່າງໃດກໍຕາມ ກຸ່ມຈີ 7 ໄດ້ມີ ການອອກ ປະກາດສັ້ນໆ ເພື່ອສະຫລຸບ ສິ່ງທີ່ໄດ້ ປຶກສາຫາລືກັນ ໃນ 5 ປະເດັນຫລັກຄື: ການຄ້າ, ເຂດຮົງກົງ, ອີຣານ, ອູແກຣນ ແລະ ອື່ນໆ.
ກ່ຽວກັບບັນຫາ ອີຣານ, ບັນດາການນຳ G7 ພວມມີຄວາມວິຕົກກັງວົນຕໍ່ຍຸດທະສາດຂອງທ່ານປະທານາທິບໍດີ ອາເມລິກາ Donald Trump ທີ່ປ່ຽນແປງບັນດາຂໍ້ຕົກລົງສາກົນ ເພື່ອຮັບໃຊ້ໃຫ້ແກ່ບັນດາຜົນປະໂຫຍດຂອງ ອາເມລິກາ ກ່ອນອື່ນໝົດ, ເປັນຕົ້ນແມ່ນເລື່ອງທ່ານ Donald Trump ຖອນ ອາເມລິກາ ອອກຈາກຂໍ້ຕົກລົງນິວເຄຼຍ ອີຣານ ທີ່ມີຊື່ວ່າ ແຜນການດຳເນີນງານຮ່ວມຮອບດ້ານປີ 2015, ເຮັດໃຫ້ຄວາມເຄັ່ງຕຶງຢູ່ຕາເວັນອອກກາງເພີ່ມຂຶ້ນ. ເມື່ອປຶກສາຫາລືກ່ຽວກັບເລື່ອງ ລັດເຊຍ ເຂົ້າຮ່ວມກຸ່ມ G7 ຄືນໃໝ່, ເຖິງວ່າທ່ານປະທານາທິບໍດີ ອາເມລິກາ Donald Trump ກະຕຸກຊຸກຍູ້ G7 ຮັບ ລັດເຊຍ ເປັນສະມາຊິກ, ແຕ່ບັນດາສະມາຊິກອື່ນຍັງຄັດຄ້ານຢູ່.
（ໄຊພອນ）
