ຫວຽດນາມ ຕັ້ງໜ້າເຂົ້າຮ່ວມວິວັດທະນາການກໍ່ສ້າງບັນດາຂໍ້ກຳນົດດັດປັບການເຄື່ອນໄຫວການຄ້າສາກົນ

ທ່ານ ເລຢູງ ຜູ້ຕາງໜ້າຂອງຫວຽດນາມ ປະຈໍາ ສະຫະປະຊາຊາດ ແລະ ບັນດາອົງການຈັດຕັ້ງສາກົນຢູ່ Vienna.(ພາບ:baophapluat.vn)

ຄະນະຫວຽດນາມ ໄດ້ເຂົ້າຮ່ວມກ່າວຄໍາເຫັນທີ່ບັນດາຫົວຂໍ້ໃນບົດບາດຂອງ UNCITRAL ໃນການຊຸກຍູ້ອຳນາດແຫ່ງກົດໝາຍ, ລາຍການເຮັດວຽກຂອງ UNCITRAL ໃນໄລຍະຈະມາເຖິງ, ເລື່ອງຂະຫຍາຍຈໍານວນສະມາຊິກ UNCITRAL ແລະ ບັນຫາການປະຕິຮູບກົນໄກແກ້ໄຂຄວາມຂັດແຍ້ງກັນໃນການລົງທຶນ. ກ່າວຄໍາເຫັນທີ່ກອງປະຊຸມ, ທ່ານ ເລຢູງ ຜູ້ຕາງໜ້າຂອງຫວຽດນາມ ປະຈໍາ ສະຫະປະຊາຊາດ ແລະ ບັນດາອົງການຈັດຕັ້ງສາກົນຢູ່ Vienna ຕີລາຄາສູງຄວາມສໍາຄັນຂອງບັນດາເອກະສານຂອງ UNCITRAL ຕໍ່ກັບວິວັດການກໍ່ສ້າງ ແລະ ພັດທະນາບັນດາເອກະສານກົດໝາຍວ່າດ້ວຍການຄ້າຂອງຫວຽດນາມ, ຍົກໃຫ້ເຫັນແຜນນະໂຍບາຍການເຊື່ອມໂຍງເຂົ້າກັບສາກົນ, ຄວາມມານະພະຍາຍາມ ແລະ ຜົນງານຂອງຫວຽດນາມ ໃນການປະຕິຮູບກົດໝາຍເພື່ອແນໃສ່ປະຕິບັດບັນດາເປົ້າໝາຍພັດທະນາແບບຍືນຍົງ, ບົນພື້ນຖານເຄົາລົບກົດໝາຍ ແລະ ບັນດາມາດຖານສາກົນ. ພ້ອມທັງ ຢັ້ງຢືນວ່າຫວຽດນາມ ຈະສວມບົດບາດຢ່າງຕັ້ງໜ້າເຂົ້າໃນວຽກງານຂອງ UNCITRAL ໃນອາຍຸການນີ້ ແລະ ສະເໜີໃຫ້ UNCITRAL ສືບຕໍ່ໜູນຊ່ວຍດ້ານເຕັກນິກໃຫ້ແກ່ ຫວຽດນາມ ຕໍ່ກັບຮ່າງກົດໝາຍວ່າດ້ວຍການລົງທຶນຕາມຮູບການແມ່ນຄູ່ຮ່ວມມືພາກລັດ ແລະພາກເອກະຊົນ, ກໍ່ຄືແລກປ່ຽນກ່ຽວກັບບັນດາໂຄງການໜູນຊ່ວຍດ້ານເຕັກນິກອື່ນ.

（ໄຊພອນ）