 |
ຫວຽດນາມ ຍາດໄດ້ 3 ຫຼຽນຄໍາທີ່ການສອບເສັງໂອແລມປິກຟີຊິກສາກົນ 2019.(ພາບ: danviet.vn)
ງານແຂ່ງຂັນ Olympic ວິຊາຟີຊິກສາດສາກົນ 2019 ຖືກຈັດຂຶ້ນຢູ່ ອິດສະລາແອນ ໃນລະຫວ່່າງວັນທີ 7 – 15 ກໍລະກົດ 2019, ດ້ວຍການເຂົ້າຮ່ວມການແຂ່ງຂັນຂອງນັກຮຽນ 360 ຄົນ ທີ່ມາຈາກ 78 ປະເທດ ແລະ ເຂດແຄວ້ນ. ໂດຍລະອຽດ, ນັກຮຽນ 3 ຄົນຍາດໄດ້ຫຼຽນຄໍາແມ່ນ: ເຈິ່ນຊວນຕູ່ງ, ໂຮງຮຽນມັດທະຍົມຕອນປາຍລົງເລິກວິຊາຮ່າໂນ້ຍ-Amsterdam, ນະຄອນຮ່າໂນ້ຍ; ຫງວຽນຊວນອືງ, ໂຮງຮຽນມັດທະຍົມຕອນປາຍລົງເລິກວິຊາວິທະຍາສາດທໍາມະຊາດ, ມະຫາວິທະຍາໄລແຫ່ງຊາດຮ່າໂນ້ຍ; ຫງວຽນແຄ໊ງລີງ, ໂຮງຮຽນມັດທະຍົມຕອນປາຍລົງເລິກວິຊາລາມເຊີນ, ແຂວງແທັງຮວ໊າ.
 |
ນັກຮຽນ 2 ຄົນຍາດໄດ້ຫຼຽນເງິນແມ່ນ: ເລຫວຽດຮວ່າງ, ໂຮງຮຽນມັດທະຍົມຕອນປາຍລົງເລິກວິຊາບຽນຮວ່າ, ແຂວງຮ່ານາມ; ຈິ້ງຢຸຍຮຽວ, ໂຮງຮຽນມັດທະຍົມຕອນປາຍລົງເລິກວິຊາບັກຢາງ, ແຂວງບັກຢາງ. ຜົນງານຂອງທິມຊາດຫວຽດນາມ ຢູ່ ງານແຂ່ງຂັນ Olympic ວິຊາຟີຊິກສາດສາກົນປີນີ້ ສືບຕໍ່ຢັ້ງຢືນໃຫ້ເຫັນຄຸນນະພາບການສຶກສາຂັ້ນມັດທະຍົມຕອນປາຍຂອງຫວຽດນາມ; ພ້ອມທັງ, ຢັ້ງຢືນທິດກ້າວເດີນທີ່ຖືກຕ້ອງໃນວຽກງານການຄົ້ນພົບ, ການຄັດເລືອກ ແລະ ບໍາລຸງສ້າງນັກຮຽນເກັ່ງ, ພາຍໃຕ້ຄວາມເອົາໃຈໃສ່ຊີ້ນໍາຢ່າງໃກ້ຊິດຂອງການນໍາກະຊວງສຶກສາ ແລະ ບໍາລຸງສ້າງ ຫວຽດນາມ ພ້ອມດ້ວຍຄວາມມານະພະຍາຍາມຂອງທ້ອງຖິ່ນຕ່າງໆ, ນັກຮຽນ, ຄູອາຈານ ທີ່ໄດ້ເຂົ້າຮ່ວມວຽກງານການບໍາລຸງສ້າງນັກຮຽນເກັ່ງໃນໄລຍະຜ່ານມາ.
（ໄຊພອນ）
