 |
ທ່ານນາຍົກລັດຖະມົນຕີຫວຽດນາມ ຫງວຽນ ຊວນ ຟຸກ ສິ້ນສຸດການເຂົ້າຮ່ວມກອງປະຊຸມສຸດຍອດ ອາຊຽນ ຄັ້ງທີ 34.(ພາບ:dantri.com.vn)
ໃນໄລຍະເວລາຢູ່ປະເທດ ໄທ, ທ່ານນາຍົກລັດຖະມົນຕີ ຫວຽດນາມ ຫງວຽນ ຊວນ ຟຸກ ໄດ້ເຂົ້າຮ່ວມບັນດາວາລະປະຊຸມສໍາຄັນທັງໝົດຂອງກອງປະຊຸມ, ລວມມີວາລະປະຊຸມຄົບຄະນະ, ພິທີໄຂກອງປະຊຸມ, ກອງປະຊຸມປິດລັບຂອງບັນດາການນໍາອາຊຽນ. ທ່ານນາຍົກລັດຖະມົນຕີຫວຽດນາມ ຫງວຽນ ຊວນ ຟຸກ ຮຽກຮ້ອງໃຫ້ບັນດາປະເທດ ອາຊຽນ ສືບຕໍ່ຊຸກຍູ້ການຮ່ວມມືໃນບັນດາຂົງເຂດເພື່ອນໍາມາຊິ່ງຜົນປະໂຫຍດອັນແທດຈິງໃຫ້ແກ່ປະຊາຊົນ, ຍູ້ແຮງການປະຕິຮູບລະບອບລະບຽບການ ແລະ ຍົກສູງປະສິດທິຜົນກົງຈັກການເຄື່ອນໄຫວຂອງອາຊຽນ.
 |
ທ່ານນາຍົກລັດຖະມົນຕີ ຫວຽດນາມ ຫງວຽນ ຊວນ ຟຸກ.(ພາບ:TTXVN)
ການເຂົ້າຮ່ວມກອງປະຊຸມສຸດຍອດ ອາຊຽນ ຄັ້ງທີ 34 ຂອງທ່ານນາຍົກລັດຖະມົນຕີຫວຽດນາມ ຫງວຽນ ຊວນ ຟຸກ ໄດ້ປະສົບຜົນສໍາເລັດຢ່າງຈົບງາມ, ປະກອບສ່ວນຮັດແໜ້ນ ແລະ ປັບປຸງຄວາມສາມັກຄີໃນປະຊາຄົມອາຊຽນ, ເສີມຂະຫຍາຍບົດບາດເປັນໃຈກາງຂອງສະມາຄົມ, ເປີດກວ້າງ ແລະ ເຮັດໃຫ້ການພົວພັນກັບບັນດາຄູ່ຮ່ວມມືຂອງອາຊຽນເລິກເຊິ່ງຂຶ້ນຕື່ມ.
（ໄຊພອນ）
