ຫວຽດນາມ ໄດ້ຮັບຖືວ່າແມ່ນແບບຢ່າງໃນການພັດທະນາຈາກປະຊາຄົມສາກົນ

ຫວຽດນາມ ໄດ້ຮັບຖືວ່າແມ່ນແບບຢ່າງໃນການພັດທະນາຈາກປະຊາຄົມສາກົນ

ໃນຊຸມປີມໍ່ໆມານີ້, ຫວຽດນາມ ໄດ້ຮັບການຕີລາຄາສູງຈາກບັນດານັກລົງທຶນຕ່າງປະເທດ. ດ້ວຍສະພາບແວດລ້ອມແຫ່ງການດໍາເນີນທຸລະກິດສະດວກ ແລະ ມີຄວາມໝັ້ນຄົງ, ຫວຽດນາມ ພວມນັບມື້ນັບດຶງດູດບັນດານັກລົງທຶນຕ່າງປະເທດ, ບັນດາຜູ້ທີ່ເບິ່ງເຫັນຄວາມສາມາດບົ່ມຊ້ອນຍາວນານຂອງປະເທດຫວຽດນາມ ແລະ ຊົມໃຊ້ຜົນປະໂຫຍດຈາກເລື່ອງເຂົ້າຮ່ວມຕະຫຼາດຫວຽດນາມ ຢ່າງທັນການ. ຫວຽດນາມ ແມ່ນໜຶ່ງໃນຈໍານວນໜ້ອຍບັນດາປະເທດໄດ້ປະຕິບັດສໍາເລັດການປະຕິຮູບເສດຖະກິດ ແລະ ດຶງດູດການລົງທຶນຈາກຕ່າງປະເທດ. ຕາມການຕີລາຄາຂອງສະຫະປະຊາຊາດ (ສປຊ), ຫວຽດນາມ ແມ່ນໜຶ່ງໃນບັນດາປະເທດແຖວໜ້າໃນໂລກທີ່ປະຕິບັດສໍາເລັດໃນການລົບລ້າງຄວາມອຶດຫິວ, ຫຼຸດຜ່ອນຄວາມທຸກຍາກ, ເພື່ອຕອບສະໜອງຄວາມຮຽກຮ້ອງຕ້ອງການເປົ້າໝາຍພັດທະນາສະຫັດສະວັດຂອງ ສປຊ (MDGs).

ເລື່ອງສະພາແຫ່ງຊາດຫວຽດນາມ ຮັບຮອງເອົາກົດໝາຍວ່າດ້ວຍການລົງທຶນຕ່າງປະເທດໃນປີ 1987 ແມ່ນຂໍ້ຕົກລົງປະຫວັດສາດ, ເປີດຊ່ອງທາງໃຫ້ກະແສເງິນລົງທຶນໂດຍກົງຕ່າງປະເທດ (FDI) ເຂົ້າມາລົງທຶນຢູ່ຫວຽດນາມ. ກວ່າ 30 ປີ ຜ່ານມາ, ກະແສເງິນລົງທຶນ FDI ໄດ້ຊຸກຍູ້ເສດຖະກິດຫວຽດນາມ ພັດທະນາຢ່າງແຮງ. ຖານະບົດບາດຂອງຫວຽດນາມ ນັບມື້ນັບໄດ້ຮັບການຍົກສູງຂຶ້ນໃນເວທີສາກົນ. ຫວຽດນາມ ໄດ້ສະແດງໃຫ້ເຫັນການເປັນເຈົ້າການ ແລະ ຕັ້ງໜ້າໃນການເຄື່ອນໄຫວການຕ່າງປະເທດ ແລະ ເພີ່ມທະວີການເຊື່ອມໂຍງເຂົ້າກັບສາກົນ.

（ໄຊພອນ）