ທ່ານ ຫງວຽນ ຫາຍ ບັ່ງ ກ່າວຄໍາເຫັນທີ່ກອງປະຊຸມ.(ພາບ:congthuong.vn)

ຄະນະຜູ້ແທນຫວຽດນາມ ນໍາໂດຍທ່ານ ຫງວຽນ ຫາຍ ບັ່ງ ເອກອັກຄະລັດຖະທູດວິສາມັນຜູ້ມີອໍານາດເຕັມແຫ່ງ ສສຫວຽດນາມ ປະຈໍາ ໄທ ເຂົ້າຮ່ວມການປະຊຸມ. ທີ່ກອງປະຊຸມ, ທ່ານເອກອັກຄະລັດຖະທູດ ຫງວຽນ ຫາຍ ບັ່ງ ໄດ້ເນັ້ນໜັກວ່າ: ຫວຽດນາມ ຍາມໃດກໍເປັນເຈົ້າການ, ຕັ້ງໜ້າປະຕິບັດໂຄງການດໍາເນີນງານ 2030 ເພື່ອການພັດທະນາແບບຍືນຍົງ, ພິເສດແມ່ນຜ່ານການປະສານສົມທົບບັນດາເປົ້າໝາຍພັດທະນາແບບຍືນຍົງເຂົ້າໃນບັນດາໂຄງການ, ແຜນການດໍາເນີນງານແຫ່ງຊາດ.

ນອກຈາກນັ້ນ, ທ່ານ ຫງວຽນ ຫາຍ ບັ່ງ ກໍ່ໄດ້ຢັ້ງຢືນວ່າ: ດ້ວຍຖານະເປັນສະມາຊິກທີ່ຕັ້ງໜ້າ, ເປັນເຈົ້າການ ແລະ ມີຄວາມຮັບຜິດຊອບຂອງ ສປຊ, ຫວຽດນາມ ໃຫ້ຄໍາໝັ້ນສັນຍາວ່າຈະສືບຕໍ່ຊຸກຍູ້ວິວັດການພັດທະນາແບບຍືນຍົງໃນໂລກເວົ້າລວມ ແລະ ຢູ່ພາກພື້ນອາຊີ - ປາຊີຟິກເວົ້າສະເພາະ.

（ໄຊພອນ）