ທ່ານເລຂາທິການໃຫຍ່, ປະທານປະເທດ ຫງວ໋ຽນ ຝູ ຈ້ອງ ເປັນປະທານກອງປະຊຸມ ກຳມະການກົມການເມືອງສູນກາງພັກ

ທ່ານເລຂາທິການໃຫຍ່, ປະທານປະເທດ ຫງວຽນຝູຈ້ອງ.(ພາບ: TTXVN)

ທີ່ກອງປະຊຸມ, ທ່ານເລຂາທິການໃຫຍ່, ປະທານປະເທດ ຫງວຽນຝູຈ້ອງ ໄດ້ເນັ້ນໜັກວ່າ: ກອງປະຊຸມສະພາແຫ່ງຊາດຈະມາເຖິງແມ່ນສໍາຄັນທີ່ສຸດ, ຄາດວ່າສະພາແຫ່ງຊາດຈະຮັບຮອງເອົາ ແລະ ໃຫ້ຄໍາເຫັນປະກອບກ່ຽວກັບຮ່າງກົດໝາຍຫຼາຍສະບັບ ແລະ ມະຕິບາງສະບັບ. ບັນດາວຽກງານທັງໝົດນັ້ນ ນອນໃນລາຍການ, ແຜນການ ເຊິ່ງບັນດາກໍາມະການກົມການເມືອງ, ຄະນະເລຂາສູນກາງທີ່ຮັບຜິດຊອບໃນຂົງເຂດນັ້ນ ຕ້ອງຊີ້ນໍາປະຕິບັດໃຫ້ເປັນຢ່າງດີ, ຮີບດ່ວນ, ຂາດຕົວ, ບໍ່ປະໃຫ້ແກ່ຍາວ, ຖ້າຫາກວ່າຍັງມີສິ່ງຄົງຄ້າງຕ້ອງນໍາມາປຶກສາຫາລື, ຊອກຫາວິທີແກ້ໄຂຢ່າງທັນການ.

ບັນຍາກາດກອງປະຊຸມ.(ພາບ: TTXVN)

ນອກຈາກນັ້ນ, ທ່ານ ຫງວຽນຝູຈ້ອງ ກໍ່ໄດ້ສະເໜີໃຫ້ກົມການເມືອງ, ຄະນະເລຂາສູນກາງ ຈົ່ງຊີ້ນໍາທຸກຂັ້ນ, ທຸກຂະແໜງການ, ບັນດາອົງການຈັດຕັ້ງພັກ, ສະພາແຫ່ງຊາດ, ລັດຖະບານ ແລະ ແນວໂຮມປະເທດຊາດຫວຽດນາມ, ໝູ່ຄະນະ ຕ້ອງສົມທົບກັນຢ່າງແໜ້ນແຟ້ນກວ່າອີກ, ທັນການ ແລະ ຮັບປະກັນເພື່ອໃຫ້ບັນດາການເຄື່ອນໄຫວຂອງພັກ, ລັດ ຂອງ ລະບົບການເມືອງໃຫ້ລຸລ່ວງ, ປະສົມປະສານຢ່າງເຂົ້າແກັບ ເຂົ້າເກັຍກັນດີ ແລະ ມີປະສິດທິຜົນສູງ.

（ໄຊພອນ）