 |
ທ່ານເລຂາທິການໃຫຍ່, ປະທານປະເທດ ຫວຽດນາມ ຫງວຽນຝູຈ້ອງ ກ່າວຄໍາເຫັນທີ່ກອງປະຊຸມ. (ພາບ: TTXVN)
ກ່າວຄຳເຫັນໄຂກອງປະຊຸມ, ທ່ານເລຂາທິການໃຫຍ່, ປະທານປະເທດ ຫວຽດນາມ ຫງວຽນຝູຈ້ອງ ໄດ້ສະເໜີສູນກາງສະຫງວນເວລາຄົ້ນຄວ້າບັນດາເອກະສານ, ປຶກສາຫາລື, ປະກອບຄຳເຫັນໃສ່ບັນດາຂໍ້ສະເໜີຢ່າງລະອຽດຊຶ່ງໄດ້ລະບຸໃນບັນດາໃບສະເໜີ ແລະ ໂຄງຮ່າງບົດລາຍງານ. ນອກຈາກນັ້ນ, ທ່ານເລຂາທິການໃຫຍ່, ປະທານປະເທດ ຫວຽດນາມ ຫງວຽນຝູຈ້ອງ ກໍ່ໄດ້ເນັ້ນໜັກເຖິງເນືື້ອໃນລາຍການຂອງກອງປະຊຸມຄັ້ງນີ້ວ່າແມ່ນມີຄວາມໝາຍສຳຄັນທີ່ສຸດຕໍ່ເລື່ອງສຳເລັດໜ້າທີ່ການເມືອງຂອງຄະນະບໍລິຫານງານສູນກາງພັກຊຸດທີ XII ກະກຽມບັນດາເອກະສານຍື່ນສະເໜີຕໍ່ກອງປະຊຸມໃຫຍ່ຄັ້ງທີ 13 ຂອງພັກ ແລະ ຊີ້ນຳການກະກຽມກອງປະຊຸມໃຫຍ່ອົງຄະນະພັກທຸກຂັ້ນກ້າວໄປເຖິງກອງປະຊຸມໃຫຍ່ຄັ້ງທີ 13 ຂອງພັກ, ສະນັ້ນ, ສະເໜີສູນກາງ ແລະ ບັນດາກຳມະການເຂົ້າຮ່ວມກອງປະຊຸມ ເສີມຂະຫຍາຍພູມປັນຍາ, ຈິດໃຈຄວາມຮັບຜິດຊອບ, ສຸມໃສ່ຄົ້ນຄວ້າ, ປຶກສາຫາລືຢ່າງລະອຽດລະອໍ, ປະກອບຄຳເຫັນເພື່ອສ້າງສຳເລັດບັນດາບົດລາຍງານ, ແຜນຮ່າງ ແລະ ພິຈາລະນາ, ຕັດສິນໃນທ້າຍກອງປະຊຸມ.
 |
ບັນຍາກາດກອງປະຊຸມເທື່ອທີ 10 ຄະນະບໍລິຫານງານສູນກາງພັກຄອມມູນິດ ຫວຽດນາມ ຊຸດທີ XII.(ພາບ:baochinhphu.vn)
ກອງປະຊຸມຄັ້ງນີ້ໄດ້ປຶກສາຫາລືກ່ຽວກັບບັນດາເນື້ອໃນຄື: ໂຄງຮ່າງບັນດາເອກະສານຍື່ນສະເໜີຕໍ່ກອງປະຊຸມໃຫຍ່ຊຸດທີ 13 ຂອງພັກ; ການກະກຽມໃຫ້ແກ່ການຊີ້ນຳດຳເນີນກອງປະຊຸມໃຫຍ່ອົງຄະນະພັກທຸກຂັ້ນກ້າວໄປເຖິງກອງປະຊຸມໃຫຍ່ຊຸດທີ 13 ຂອງພັກ ແລະ ບາງບັນຫາສຳຄັນອື່ນໆ.
（ໄຊພອນ）
