ນາຍົກລັດຖະມົນຕີ: ຊາວຜູ້ອອກແຮງງານຕ້ອງອົດທົນພະຍາຍາມ ເພື່ອຈະໄດ້ “ເກັ່ງວິຊາແລະ ເຮັດໃຫ້ຕົນມີຊີວິດອັນສຸກສຳລານ”

ນາຍົກລັດຖະມົນຕີ ຫງວຽນ ຊົນ ຟຸ໋ກ ໄດ້ມີການພົບປະ ແລະ ສົນທະນາ ກັບ ບັນດາແຮງງານ, ກຳມະກອນເຕັກນິກສູງ.

ຕອນເຊົ້າວັນທີ 5 ພຶດສະພາ, ຢູ່ນະຄອນໂຮຈິມິນ, ນາຍົກລັດຖະມົນຕີ ຫງວຽນ ຊົນ ຟຸ໋ກ ໄດ້ມີການພົບປະ ແລະ ສົນທະນາ ກັບ ບັນດາແຮງງານ, ກຳມະກອນເຕັກນິກສູງ ຂອງ 7 ເຂດເສດຖະກິດສໍາຄັນທ້ອງຖິ່ນ ຂອງແຂວງໃນທົ່ວປະເທດ.

ເຂົ້າຮ່ວມການພົບປະ ແລະ ສົນທະນາ ໃນຄັ້ງນີ້ ມີ ທ່ານ ຫງວຽນ ຖ້ຽນ ເຍີນ ກຳມະການກົມການເມືອງ, ເລຂາພັກ ນະຄອນໂຮຈິ໋ມິງ; ທ່ານ ຫວູ໊ ດຶ໋ກ ດາມ ກຳມະການສູນກາງພັກ, ຮອງນາຍົກລັດຖະມົນຕີ; ທ່ານ ບຸ່ຍ ວັນ ເກືອງ ກຳມະການສູນກາງພັກ, ປະທານສູນກາງສະຫະພັນແຮງງານຫວຽດນາມ; ບັນດາຫົວຫນ້າພະແນກ, ກະຊວງ, ສູນກາງ ແລະ ທ້ອງຖິ່ນຈຳນວນໜຶ່ງ ເຂົ້າຮ່ວມຢ່າງພ້ອມພຽງ.
ແຮງງານເຕັກນິກສູງ ແມ່ນແຮງຍູ້ດັນໃນການພັດທະນາປະເທດຊາດ
ນີ້ແມ່ນປີທີ 4, ສະຫະພັນ ແຮງງານຫວຽດນາມ ຈັດເວທີພົບປະ ແລະ ສົນທະນາ ກັບ ການລັດຖະບານ ຮັບຝັງ ຄວາມໃນໃຈ, ຄວາມມຸ້ງຫວັງ ຂອງກຳມະກອນ, ຊາວຜູ້ອອກແຮງງານ, ຕໍ່ກັບການພັດທະນາຂອງວິສາຫະກິດ, ທ້ອງຖິ່ນ, ຂະແໜງການ ແລະ ປະເທດຊາດ.
ການພົບປະ ແລະ ສົນທະນາ ແມ່ນໂອກາດ ໃນການສົ່ງສານຂອງ ພັກ ແລະ ລັດຖະບານ ເຖິງຊາວຜູ້ອອກແຮງງານໃນທົ່ວປະເທດ ເນື່ອງໃນໂອກາດ ວັນກຳມະກອນສາກົນ 1/5, ເດືອນຂອງກຳມະກອນ - ເດືອນຂອງການຈັດກິດຈະກໍາ ເອົາໃຈໃສ່, ປົກປ້ອງສິດ ແລະ ຜົນປະໂຫຍດ ອັນຊອບທຳ, ຕາມກົດໝາຍ ຂອງ ພະນັກງານ, ລັດຖະກອນ ແລະ ກຳມະກອານຊາວຜູ້ອອກແຮງງານ .

ໃນຫົວເລື່ອງ “ກຳມະກອນເຕັກນິກສູງແມ່ນໜຶ່ງໃນແຮງຜັກດັນການພັດທະນາແຫ່ງຊາດ”, ນາຍົກລັດຖະມົນຕີ ແລະ ບັນດາກະຊວງ,ທະບວງ, ພະແນກການ, ທ້ອງຖິ່ນ ແລະ ພະນັກງານ, ຊາວຜູ້ແຮງງານ ກວ່າ 1.000 ຄົນ, ໃນນັ້ນມີ ກຳມະກອນກໍ່ຄືແຮງງານເຕັກນິກສູງ 90 ຄົນ ໄດ້ແລກປ່ຽນບົດຮຽນ ໃນ 5 ກຸ່ມບັນຫາຕົ້ນຕໍ ໄດ້ຖືກນຳສະເໜີຂື້ນໃນກອງປະຊຸມພົບປະ ແລະ ຄຳເຫັນຂອງ ສະມາຊິກ ສະຫະພັນກຳມະບານ, ກຳມະກອນໃນທົ່ວປະເທດ.

ກ່າວຄຳເຫັນໃນການພົບປະຄັ້ງນີ້, ນາຍົກລັດຖະມົນຕີ ຫງວຽນ ຊົນ ຟຸ໋ກ ເນັ້ນໜັກວ່າ: “ການພັດທະນາຂອງປະເທດບໍ່ພຽງແຕ່ຈະອີງໃສ່ທຶນ ແລະ ລາຄາແຮງງານຖືກ ເທົ່ານັ້ນ, ແຕ່ຫາກຍັງຕ້ອງອີງຕາມປະສິດທິພາບການແຮງງານອີກດ້ວຍ”, ທ່ານນາຍົກລັດຖະມົນຕີ ຢັ້ງຢືນ ແລະ ປະກອບຄຳເຫັນໃຫ້ຄວາມກະຈ່າງຕໍ່ບັນດາຜູ້ແທນ ທີ່ກອງປະຊຸມພົບປະ ໄດ້ອອກຄວາມຄິດເຫັນຂອງຕົນ, ແບ່ງປັນເງື່ອນໄຂຂອງການດໍາລົງຊີວິດ, ການເຮັດວຽກ, ສະພາບແວດລ້ອມຂອງການສຶກສາກໍ່ຄື ຄວາມມຸ້ງມາດປາຖະໜາ ຕໍ່ກັບ ພັກ ແລະ ລັດ.

（ຫັດ​ທະ​ບູນ）