 |
ການປຸງແຕ່ງໄມ້ສົ່ງອອກຂອງວິສາຫະກິດຢູ່ແຂວງດົ່ງນາຍ. (ພາບ: ຫງວຽນກ໋ຽມ)
ນິີ້ກໍ່ແມ່ນໄຕມາດທີ I ທີ່ມີການເຕີບໂຕສູງສຸດໃນໄລຍະ 5 ປີຜ່ານມາ. ໃນນັ້ນ, ສະເພາະໄມ້ ແລະເຄື່ອງເຟີນີເຈີບັນລຸ 2,26 ຕື້ໂດລາສະຫະລັດ, ເພີ່ມຂຶ້ນ 10% ເມື່ອທຽບໃສ່ໄລຍະດຽວກັນຂອງປີ 2018. ມູນຄ່າການສົ່ງອອກເກີນດຸນຂອງຂະແໜງປ່າໄມ້ບັນລຸ 1,82 ຕື້ໂດລາສະຫະລັດ, ເພີ່ມຂຶ້ນ 19% ເມື່ອທຽບໃສ່ໄລຍະດຽວກັນຂອງປີ 2018. ກ່ຽວກັບການປູກປ່າ, ຢູ່ບັນດາແຂວງພາກເໜືອ ໄດ້ປູກປ່າຈຸດສຸມ 24.967 ແຮັກຕາ, ເພີ່ມຂຶ້ນ 38% ເມື່ອທຽບໃສ່ໄລຍະດຽວກັນຂອງປີ 2018, ໃນນັ້ນການປູກປ່າຜະລິດບັນລຸ 24.894 ແຮັກຕາ, ເພີ່ມຂຶ້ນ 39,5% ເມື່ອທຽບໃສ່ໄລຍະດຽວກັນຂອງປີ 2018. ການປູກຕົ້ນໄມ້ກະຈາຍຊະນິດຕ່າງໆບັນລຸໄດ້ກວ່າ 11 ລ້ານຕົ້ນ, ເທົ່າກັບ 120% ເມື່ອທຽບໃສ່ໄລຍະດຽວກັນຂອງປີ 2018. ນອກຈາກນັ້ນ, ກ່ຽວກັບລາຍຮັບຈາກການບໍລິການສິ່ງແວດລ້ອມທາງປ່າ, ທົ່ວປະເທດເກັບມາໄດ້ແມ່ນ 690,28 ຕື້ດົ່ງ.
ພ້ອມກັນນັ້ນ, ກົມໃຫຍ່ປ່າໄມ້ ໄດ້ສ້າງສໍາເລັດ, ຍື່ນສະເໜີ ແລະນາຍົກລັດຖະມົນຕີ ໄດ້ປະກາດໃຊ້ຄໍາສັ່ງກ່ຽວກັບບາງໜ້າທີ່, ມາດຕະການພັດທະນາໄວ ແລະຍືນຍົງຂອງຂະແໜງອຸດສາຫະກໍາປຸງແຕ່ງໄມ້ ແລະເຄື່ອງປ່າຂອງດົງນອກຈາກໄມ້ ທີ່ຮັບໃຊ້ໃຫ້ແກ່ການສົ່ງອອກ; ນາຍົກລັດຖະມົນຕີ ໄດ້ອະນຸມັດຜ່ານແຜນຮ່າງປ້ອງກັນ, ຟື້ນຟູ ແລະພັດທະນາປ່າເຂດໄຕງວຽນ ໄລຍະ 2016-2030 ແບບຍືນຍົງ.
（ແຫຼ່ງຂໍ້ມູນ： ກວຽດເຕີມ/ກປ.ອອນໄລ）
