 |
ນາຍົກລັດຖະມົນຕີ ຫງວ໋ຽນ ຊົນຟຸກ ພົບປະກັບ ຜູ້ປະສານງານປະຈຳ ສປຊ ຫວຽດນາມ Kamal Malhotra.
ຕອນບ່າຍວັນທີ 24 ຕຸລາ, ນາຍົກລັດຖະມົນຕີ ຫງວ໋ຽນ ຊົນຟຸກ ໄດ້ພົບປະກັບ ບັນດາຕ່າງໜ້າຂອງອົງການ ສປຊ ປະຈຳ ຫວຽດນາມ ໂດຍ ຜູ້ປະສານງານປະຈຳ ສປຊ ຫວຽດນາມ Kamal Malhotra ເປັນຜູ້ນຳພາ.
ຕ່າງໜ້າ ລັດຖະບານ ທ່ານນາຍົກລັດຖະມົນຕີ ຫງວ໋ຽນ ຊົນຟຸກ ສະແດງຄວາມຍິນດີຕ້ອນຮັບ ທ່ານ Kamal Malhotra ຜູ້ປະສານງານ ສປຊ ປະຈຳ ຫວຽດນາມ ພ້ອມທັງບັນດາຫົວໜ້າຕ່າງໜ້າອົງການ, ພະນັກງານ ສປຊ ປະຈຳຫວຽດນາມ ໂອກາດວັນ ສປຊ 24 ຕຸລາ; ພ້ອມກັນນັ້ນກໍ່ສະແດງຄວາມຍິນດີຊົມເຊີຍ ຢ່າງສຸດໃຈມາຍັງ ພະນະທ່ານ ເລຂາທິການໃຫຍ່ Antonio Guterres ແລະ ບັນດາການນຳອື່ນໆ ຂອງ ສປຊ.
ເນັ້ນໜັກຫວຽດນາມໃຫ້ຄວາມສຳຄັນ ສາຍພົວພັນ ກັບ ສປຊ , ນາຍົກລັດຖະມົນຕີ ຫງວ໋ຽນ ຊົນຟຸກ ກ່າວເຖິງ ໃນ 9 ເດືອນທີ່ຜ່ານມາ, ທ່ານນາຍົກໄດ້ເຂົ້າຮ່ວມກອງປະຊຸມໃຫຍ່ ສະມັດຊາ ສປຊ ປະຈຳປີ ສະໄໝ 73 ແລະ
ໄດ້ມີຄວາມສົນໃຈເປັນທີ່ສຸດ ຕໍ່ກັບຄຳປາໄສຂອງ ພະນະທ່ານ ເລຂາທິການໃຫຍ່ ດ້ວຍຫຼາຍເນື້ອໃນອັນສຳຄັນ ເປັນຕົ້ນແມ່ນການຕ້ານປ້ອງກັນ ຂໍ້ຂັດແຍ່ງ ແລະ ການທູດສະກັດກັ້ນ, ຮັບມືກັບການປ່ຽນແປງສະພາບອາກາດ, ຄວາມເທົ່າທ່ຽມກັນລະຫວ່າງຍິງ-ຊາຍ...
（ຫັດທະບູນ）
