ຫວຽດນາມ ຍາມໃດກໍ່ຖືເປັນສໍາຄັນການພັດທະນາສາຍພົວພັນມິດຕະພາບກັບຈີນ

ທີ່ການພົບປະ, ທ່ານ ຫງວຽນຊວນຟຸກ ຢັ້ງຢືນວ່າ, ຫວຽດນາມຍາມໃດກໍ່ຖືເປັນສໍາຄັນການພັດທະນາສາຍພົວພັນມິດຕະພາບ, ສະຖຽນລະພາບ, ປອດໃສ ແລະໝັ້ນຄົງກັບຈີນ, ຖືນີ້ແມ່ນໜຶ່ງໃນບັນດາບຸລິມະສິດແຖວໜ້າໃນນະໂຍບາຍພົວພັນຕ່າງປະເທດຂອງຫວຽດນາມ. ທ່ານ ຫງວຽນຊວນຟຸກ ສະເໜີສອງຝ່າຍຮັກສາການຢ້ຽມຢາມ ແລະການພົບປະຂັ້ນສູງ, ເພີ່ມທະວີຄວາມໄວ້ເນື້ອເຊື່ອໃຈດ້ານການເມືອງ; ຊຸກຍູ້ບັນດາກົນໄກຮ່ວມມືສຳຄັນລະຫວ່າງສອງພັກ, ສອງລັດ.

ທ່ານ ຫງວຽນຊວນຟຸກ ນາຍົກລັດຖະມົນຕີຫວຽດນາມ ແລະທ່ານ ສີຈິ້ນຜິງ ເລຂາທິການໃຫຍ່, ປະທານປະເທດ ສປ ຈີນ. (ພາບ: ສໍານັກຂ່າວສານຫວຽດນາມ)

ທ່ານ ຫງວຽນຊວນຟຸກ ກໍ່ສະເໜີຈີນ ເປີດປະຕູ, ສ້າງເງື່ອນໄຂໃຫ້ສິນຄ້າຂອງຫວຽດນາມ ໄດ້ເຂົ້າສູ່ຕະຫຼາດຈີນ; ມີນະໂຍບາຍ ແລະມາດຕະການທີ່ແທດຈິງເພື່ອຫຼຸດຜ່ອນລະດັບນໍາເຂົ້າເກີນດູນໃນປະຈຸບັນຂອງຫວຽດນາມ, ຊົມເຊີຍບັນດາວິສາຫະກິດທັນສະໄໝຂອງຈີນ ລົງທຶນເຂົ້າຫວຽດນາມ.

ກ່ຽວກັບບັນຫາທະເລຕາເວັນອອກ, ທ່ານ ຫງວຽນຊວນຟຸກ ຊົມເຊີຍບັນດາໝາກຜົນຕັ້ງໜ້າຂອງບັນດາກົນໄກເຈລະຈາ ກໍ່ຄືບາດກ້າວເບື້ອງຕົ້ນໃນການເຈລະຈາກົດແຫ່ງການປະພຶດຢູ່ທະເລຕາເວັນອອກ (COC) ລະຫວ່າງສະມາຄົມປະຊາຊາດອາຊີຕາເວັນອອກສ່ຽງໃຕ້ (ASEAN) ແລະຈີນ; ພ້ອມທັງສະເໜີສອງຝ່າຍເຄົາລົບນັບຖືຜົນປະໂຫຍດອັນຊອບທໍາຂອງກັນ; ປະຕິບັດຄວາມຮູ້ລວມຂອງການນໍາຂັ້ນສູງສອງປະເທດ, “ຂໍ້ຕົກລົງກ່ຽວກັບບັນດາຫຼັກການພື້ນຖານຊີ້ນໍາແກ້ໄຂບັນຫາຢູ່ທະເລຕາເວັນອອກຫວຽດນາມ-ຈີນ” ຢ່າງເຂັ້ມງວດ...

ບັນຍາກາດທີ່ການພົບປະ. ພາບ: ສໍານັກຂ່າວສານຫວຽດນາມ.

ທ່ານ ສີຈິ້ນຜິງ ເນັ້ນໜັກວ່າ, ພັກ, ລັດຈີນ ຖືເປັນສໍາຄັນການພົວພັນກັບ ຫວຽດນາມ, ເຫັນດີເປັນເອກະພາບພ້ອມກັບຫວຽດນາມ ຮັກສາການພົບປະຂັ້ນສູງ, ເພີ່ມທະວີຄວາມໄວ້ເນື້ອເຊື່ອໃຈ, ຊຸກຍູ້ບັນດາຂົງເຂດຮ່ວມມືຢ່າງແທດຈິງ, ເປີດກວ້າງການພົບປະແລກປ່ຽນປະຊາຊົນ, ປັບປຸງການພົວພັນມິດຕະພາບທີ່ເປັນມູນເຊື້ອ, ພ້ອມກັນຮັກສາສັນຕິພາບ, ຄວາມໝັ້ນຄົງຢູ່ທະເລ. ກ່ຽວກັບການຮ່ວມມືດ້ານເສດຖະກິດການຄ້າ, ທ່ານ ສີຈິ້ນຜິງ ເນັ້ນໜັກວ່າ, ຈີນ ຈະເພີ່ມທະວີການນໍາເຂົ້າສິນຄ້າຂອງຫວຽດນາມ ເພື່ອໃຫ້ການຄ້າສອງປະເທດພັດທະນາຕາມທິດດຸນດ່ຽງ, ຍືນຍົງ.

（ແຫຼ່ງ​ຂໍ້​ມູນ​： ຫງວຽນກຸກ/ກປ.ອອນໄລ）