 |
ນາຍົກລັດຖະມົນຕີ ຍີປຸ່ນ Shinzo Abe ຕ້ອນຮັບ ນາຍົກລັດຖະມົນຕີ ຫງວ໋ຽນຊົນ ຟຸ໋ກ ເຂົ້າຮ່ວມກອງປະຊຸມສຸດຍອດ ແມ່ນຳ້ຂອງ-ຍີປຸ່ນ. (ພາບ: VGP/ກວາງຫຽວ)
ທ່ານນາຍົກລັດຖະມົນຕີ ຍີປຸ່ນ Shinzo Abe ເປັນປະທານກອງປະຊຸມ, ເຊິ່ງປະກອບມີການນຳຂອງບັນດາປະເທດຄື ທ່ານຫງວຽ໋ນຊົນ ຟຸ໋ກ ນາຍົກລັດຖະມົນຕີ ແຫ່ງ ສສ ຫວຽດນາມ, ທ່ານ Hun Sen ນາຍົກລັດຖະມົນຕີ ລາຊະອານາຈັກ ກຳປູເຈຍ, ທ່ານ ທອງລຸນ ສີສຸລິດ ນາຍົກລັດຖະມົນຕີ ແຫ່ງ ສປປ ລາວ, ທ່ານ Prayuth Chan-ocha ນາຍົກລັດຖະມົນຕີ ລາຊະອານາຈັກໄທ, ທີ່ປືກສາ ລັດຖະບານ ມຽນມາ Aung San Suu Kyi.
ກອງປະຊຸມສຸດຍອດ ການຮ່ວມມືແມ່ນຳ້ຂອງ-ຍີປຸ່ນ 2018 ເປັນຂີດໝາຍ 10 ປີຂອງການສ້າງຕັ້ງ ແລະ ພັດທະນາ ກົນໄກການຮ່ວມມືແມ່ນຳ້ຂອງ-ຍີປຸ່ນ ແລະ 3 ປີ ຂອງການຜັນຂະຫຍາຍຍຸດທະສາດ ໂຕກຽວ 2015.
 |
ບັນຍາກາດກອງປະຊຸມ. (ພາບ: VGP)
ທີ່ກອງປະຊຸມຄັ້ງນີ້ ບັນດາການນຳຂອງແຕ່ລະປະເທດໄດ້ ສຳມະນາກ່ຽວກັບວຽກງານການຊຸກຍູ້ການຮ່ວມມືແມ່ນຳ້ຂອງ-ຍີປຸ່ນ ໃຫ້ສອດຄ່ອງກັບສະພາບການຂອງພາກພື້ນ ແລະ ສະພາບການຂອງໂລກ; ພິຈາລະນາ ແລະ ນຳສະເໜີ ຕໍ່ກອງປະຊຸມລັດຖະມົນຕີ ການຕ່າງປະເທດ ແມ່ນຳ້ຂອງ-ຍີປຸ່ນ ຄັ້ງທີ 11 ກ່ຽວກັບການສ້າງ ສາມເສົາຫຼັກໃໝ່ ຂອງການຮ່ວມມືແມ່ນຳ້ຂອງ-ຍີປຸ່ນ; ສຳມະນາ ແລະ ພິຈາລະນາອະນຸມັດຜ່ານ ຍຸດທະສາດ ໂຕກຽວ 2018 ກ່ຽວກັບການຮ່ວມມືແມ່ນຳ້ຂອງ-ຍີປຸ່ນ.
ກ່ອນໜ້າກອງປະຊຸມຈະໄຂຂື້ນ ການນຳບັນດາປະເທດໄດ້ ແລກປ່ຽນຂອງທີ່ລະນືກ ແລະ ຖ່າຍຮູບຮ່ວມກັບ ກັບຕັນທີມເຕະບານ U17 ແມ່ນຳ້ຂອງ ແລະ ຍີປຸ່ນ. ພາຍຫຼັງກອງປະຊຸມ ບັນດາການນຳຈະຮ່ວມຖະແຫຼງການຮ່ວມ.
 |
ນາຍົກລັດຖະມົນຕີ ເຂົ້າຮ່ວມເຮັດວຽກກັບສະຫະພັນ ສະມາຊິກສະພາມິດຕະພາບ ຍີປຸ່ນ -ແມ່ນຳ້ຂອງ .
ພ້ອມດຽວກັນນັ້ນມື້ນີ້ກໍ່ຈະມີການພົບປະກັນລະຫວ່າງ ບັນດາການນຳຂອງບັນດາປະເທດແມ່ນຳ້ຂອງ-ຍີປຸ່ນ ແລະ ສະຫະພັນ ສະມາຊິກສະພາມິດຕະພາບ ຍີປຸ່ນ-ແມ່ນຳ້ຂອງ , ສະຫະພັນເສດຖະກິດຍີປຸ່ນ Keidanren.
 |
ນາຍົກລັດຖະມົນຕີ ຫງວ໋ຽນຊົນ ຟຸ໋ກ ເຂົ້າຮ່ວມເຮັດວຽກກັບ ສະຫະພັນເສດຖະກິດຍີປຸ່ນ Keidanren. (ພາບ: VGP/ກວາງຫຽວ)
ຕາມແຜນຕອນບ່າຍນີ້ ທ່ານນາຍົກລັດຖະມົນຕີ ຫງວ໋ຽນຊົນ ຟຸ໋ກ ຈະພ້ອມກັນເຂົ້າຮ່ວມ ເວທີ ການລົງທືນ ແມ່ນ້ຳຂອງ-ຍີປຸ່ນ ໂດຍ ການເປັນປະທານຂອງ JETRO.（ຫັດທະບູນ）
